¹ Ino Naomi wajesi mubbululu wo mulumi, mwalumi muvubi loko walikuzyalwa ku lunyungu lwa Elimeleki, wali ezina lya Boazi. ² Lute, mwanakazi woku Moabu, wakkati kuli Naomi, ''Ino leka ndinke kuyo bunga zisyala mu myunda. Ndiyocilila kufubwa muntu oyo ngweyojana luse mulinguwe.'' Mponyina Naomi wakati kulinguwe, ''Koya, mwanangu.'' ³ Lute wakainka kuyobwezelela zyakasyala mu myunda nibakamana kkuzibunga. Kwakajanika kuti wakasika kucibaka ka Boaz, walikuzwida kulunyungu wa Elimeleki. ⁴ Langa Boaz wakazwa ku Betelehema okwambila basikutebula, ''Mwami abe anwibo,'' Bakamutaba kuti, ''Mwami akulongezye.'' ⁵ Mponyina Boaz wakati kumubelesi wakwe wali kwendelezya basikutebula, ''Ino oyu mwanakazi nguwani?'' ⁶ Mubelesi wali kwendelezya basikutebula wakataba okwamba kuti, ''Ngoyu mwanakazi woku Moabu wakaza o Naomi kuzwa kucisi ca Moabu. ⁷ Wakati kuli me, 'Leka ndibwezelele oku bunga amaila aya angilidwe musule lya basikutebula? Pele wazakuno okuti wazumanana kuzwa kuseni kusika ino, pele kuti wazyopumula kanini mu n'anda.'' ⁸ Mponyina Boaz wakati Lute, ''Ulindimvwide na, mwanangu? utainki kuyobwezelela kumyunda imbi; utasiyi munda wangu. Kono kolibuyo muno ubeleke ababelesi bangu banakazi. ⁹ Bikabuyo meso ako amunda mulibalumi balimukutebula oku nobucilila musule lya banakazi. Nsyambilide baalumi kuti batakujati na? Kuti na wafwa nyota, ninga wainka kumipika ya manzi ukanwe manzi ngibateka baalumi.'' ¹⁰ Mponyina wakawida ansi okukotamina Boaz. Okwamba kulinguwe, ''Ino ninzi nindajana luse ulinamu mu meso ako kuti unditokomele, mebonde ¹¹ mweenzu?Boaz wakataba okuti kulinguwe, ''Ndakambilwa, zintu zyoonse nziwakacita kuzwida na kafwa mulumi wako. Wasiya bauso, aba nyoko, oku nyika kuwakazyalulwa kucilila banyokozyala okuza ku bantu mbotazi. ¹² Mwami akucitile cibotu akaambo keci ciwacita. Uzotambule kubbadelwa kuzwide kuzwa ku Mwami, Leza wa bana Isilayeli, munsi a mababa akwe wajana ku kwabililwa.'' ¹³ Mponyina wakati, ''Andijane coolwe mu meso ako, o Mwami wangu, kaambo wandi umbulizya, okwambola kabotu kuli mebo, nenga kuti ssinsi mubelesi wako mwanakazi.'' ¹⁴ Aciindi cokulya, Boaz wakati kuli Lute, ''Koza kuno, uzolye cinkwa, usunse mubusansa.'' Wakakala afwi abasikutebula, mponyina wakamupa maila akangidwe. Wakalya mane wakakuta okusiya amwi. ¹⁵ Nakanyamuka kuyobwezelela, Boaz wakambila bashimani bakwe, kati, ''Amumuleke aabwezelele mame akati ka maila ayo angidwe, okuti mutamusampooli. ¹⁶ Amane mukulunte maila ayo angidwe, oku musisla kuti abwezelele, mutamupatokili.'' ¹⁷ Mpawo wakabwezelele mane kusika kujolezya. Mponyina waka umauma maila ngakabwezelele, aya maila alikukwana cisuwo ce bbbali. ¹⁸ Wakacinyamuna okwiinka mu dolopo. Mponyina banyinnazyala bakabona zyakabwezelele. Lute amane wakagwisya maila ayokidwe okumupa. ¹⁹ Banyinazyala bakati kulinguwe, ''Nkokuli kuwabwezelele sunu? Wainkide kuyo belekele kuli? Alelekwe oyo mwalumi wakutokomela.''' Mponyina Lute wakambila banyinazyala zyoyu mwalumi mweni munda nkwa kabeleka. Wakati, ''Izina lyo mwalumi mweni munda kunda kubelekela sunu ngu Boaz.'' ²⁰ Naomi wakati kumusangakazi wakwe, ''Alelekwe o Mwami, watakasiya bwami bwakwe kulibacipona abafwide.'' Naomi wakati kulinguwe, ''Oyu mwalumi ninzubo yesu, ngumwi wabasikufutula nzubo nyina.'' ²¹ Lute mwanakazi woku Moabu wakati, ''Mane, wakati kuli mebo, 'Yebo kokede afwi abashimani bangu kusikila bakamane kutebula.''' ²² Naomi wakati kusangakazi Lute, ''Cibotu mwanangu, kuti wendelele ababelesi bakwe banakaz, kti batakakulwani mumunda umwi.'' ²³ Mpawo wali afwi ababelesi ba Boaz banakazi kuti a bwezelele kusikila kumamanino okutebula bbali okutebula kwa maila. Wakapona abanyinazyala.