¹ Ino BOaz wakainka ku mulyango okukala ansi. Muciindi cinini, kwasika sinzubonyina ngwa kaamba Boaz. Boaz wakati kulinguwe, ''Mwenzuma, koza ukale awa.'' uyu mwalumi wakaswena okukala ansi. ² Mponyina Boaz waketa baalumi bali kkumi bomu dolipo okwamba kuti, ''Amukale ansi awa.'' mponyina bakala. ³ Boaz wakati kuli sinzubonyina, ''Naomi wapilika kuzwa kucisi ca Moab, uzya nyika ilya yali yo muzyalwama Elimeleki. ⁴ Ndayeya kuti ndikujule matwi ako oku kwambila kuti, ''Uule eyi nyika mumeso aba bakede ano, omumeso aba balumi ba bantu bangu. ''Nauyanda kuinununa, inunune. Kono kuti toyandi kuinununa, undambile, kuti ndizibe, kaambo takwe umwi sikuinununakwiinda yebo, mpawo ndime ndikucilila. ''Mponyina umwi mwalumi wakati, ''Ndila inununa.'' ⁵ Boaz wakati, ''Buzuba mboyo uula muunda kuli Naomi, welede kubweza o Lute mwanakazi woku Moab, mukamutu, kuti ubusye zina lyomufu acabilo cakwe.'' ⁶ Mponyina siluzubonyina wakati, ''Tandi konzi kuinununa lwangu nkesa nyonyoni cabilo cangu. Libwezele cibela cangu coku nununa lwako, kaambo siko inununa.'' ⁷ Ino oyu nguwali mulawo ciindi mu Isilayile kujatikizya kunununa oku uula zintu, Kuzuzikizya zintu zyoonse, mwalumi wali kugwisya zyeeta zyakwe okupa mwenzinina; eyi nyiyali nzila yoku zumizyanya mu Isilayeli. ⁸ Mpawo siluzibonyina wakati kuli Boaz, ''Lyulile lwako,'' mponyina wakagwisya zyenta zyakwe. ⁹ Mponyina Boaz wakati ku balumi oku bantu boonse, ''Muli bakamboni sunu kuti nda uula zyoonse zyali zya Elimeleki, ezyili zya Kilion, o Mahlo kuzwa mu maanza a Naomi. ¹⁰ Amane o Lute mwanakazi woku Moab mwanakazi wa Mahlon, ndamubweza kuti abe mwanakazi wangu, kuti ndibusye zina lyomufu kucaabilo cakwe, kuti izina lyakwe litalobi kuba zyalwanyina oku mulyango wo busena bwakwe. Sunu muli ba kamboni!'' ¹¹ Bantu boonse bali mu mulyango wa balumi bakati, ''Tuli bakamboni. Mwami acite kuti oyu mwanakazi wa njila mu n'anda yako abe angunzu Rachel o Leah, aba bo bobile bakayaka n'anda ya Isilayili; mane ukujana coolwe mu Ephrathah oku zibinkana mu Bethlehem. ¹² N'anda yako ikabe anga ni n'anda ya Perez, wakazyalwa o Tamar kuli Judah, kwiinda mu bana Mwami mbayokupa oyu musimbi.'' ¹³ Mpawo Boaz wabweza Lute, okuti wakaba mwanakazi wakwe wakalala awe, mponyina Mwami wakakupa nguzu zyo kumita, mponyina wakazyala mwana mwalumi. ¹⁴ Mwanakazi wakati kuli Naomi, ''Mwami akuleleke, watakusika sunu kotajesi siluzubonyoko, uyo mwana. Izina lyakwe likabe empuwo mu Isilayeli. ¹⁵ Akabe kuliyebo sikupilusya buumi osikulela mubucembele bwakwe, kaambo musangakazi wako, oyo ngoyanda, wakubotezya kwiinda bana bashimani bali musanu ababili, ngwamuzyala.'' ¹⁶ Naomi wakabweza mwana, wamulazika acamba cakwe, wabasikumulela. ¹⁷ Banakazi mbiba bambene abo baka munzika zina, kabati, ''Mwana mwalumi wa zyalwa kuli Naomi.'' Baka muzika kuti Obed. Ngwakaba isi wa Jesse, wakaba isii wa Davida. ¹⁸ Ino aba ndolunyungu lwa Perez: Perez wakazyala Hezron, ¹⁹ Hezron wakazyala Ram, Ram wakazyala Amminadab, ²⁰ Amminadb wakazyala Nahshon, Nahshon wakazyala Salmon, ²¹ Salmon wakazyala Boaz, Boaz wakazyala Obed, ²² Obed wakazyala Jesse, mponyina Jesse wakazyala Davida.