¹ Mbuli Jesu mbwakali kweenda kuhwa a Tempele, uumwi wabahiciiya bakwe wakati kuli nguwe, "Omwiyi, langa kumabwe aaya akankamanihya amaanda akankamanihya!" ² Jesu wakati kuli nguwe, " Hena Wabona maanda mapati? kunyina noliba lyomwe ibbwe liya kuhyaala atala alyeenhinyina litakaanduki." ³ Mbuli mbwaakakele a mulundu wa Olives uulangana a Tempele, Petro, Jakobo, Johani a Andulo bakamubuzhya cakuhisikizhya, ⁴ "kotwaambila, ino ezhi hintu zhiya kucitika lili?" Ino zhitondezho zhilakaba buti?" ⁵ Jeso wakatalika kubaambila, " Amupakamane kuti muntu atakacengi. ⁶ Banji balakaboola muzhina lyangu kabati, 'ndime nguwe,' balakasololela akusowa banji. ⁷ Mwaakunhwa inkondo amanhwambukila a nkondo, mutakayoowi! Ehi zhintu helele kucitika, pele mamanino tanahika. ⁸ Nkaambo mahi ayakubukilana amahi nyina, amalelo ayakubukilana amalelo nyina. kuyakuba mizuzumo yanyika mumasena manji-manji, amazala. Aya ngama talikilo akuzhylwa kwa maciswe. ⁹ "Amukapakamane. Bayakumupa mu matanhi aabendelezhyi, muyakuumwa muma Sinagogo. Muya kwiimikwa kumbele aba magavana aba mami akaambo kazhyina lyangu, nkaambo kabukamboni kulimbabo. ¹⁰ Pele mulumbe welele kwaambilizhiwa kumahi oonse. ¹¹ Bakumwaanga akumupa mumatanhi, mutakapengi azhobaya kumwaamba. Mu woola eelyo, ncomuya kwaamba ciyakupewa kuli ndimwe; tamukabi ndimwe bayakukanana, pele Moza usweya. ¹² Munyina ulakaaba munyina kuluhu, awalo uhi mwana wakwe. Bana balakazangila bazhali babo akubatolamulufu. ¹³ Boonse bantu baya kumusulaika akaambo kazhinalyangu lyangu. Pelo oyo uyakuzumanana kuhikila kumamanino, oyo muntu ulakahutulwa. ¹⁴ "Mwakubona zhyisesemyo zhyabasaali kahinhwi abusena mpohitelele kwiima," (ooyo ubala akateelele) "Abo bali mu Judiya abakatiile mumalundu, ¹⁵ ooyo uli atala acilundu ca ng'anda ataseluki nokuba kuyakubweza kuhumbwa mulinjiyo, ¹⁶ awalo uyakujanika mumuunda atapiluki kubweza cikobelo. ¹⁷ Maawe kuli baabo bayakujanika balimihi akli baabo bayojanika balanyonhya mumazuba aayo! ¹⁸ Amupaile kuti citakacitiki mumupeyo. ¹⁹ Nkaambo ayo ayakuba mazuba amapezhyi, atanabwenwe kunhwa kumatalikilo a malengelo, walo Leza ngakalenga, kuhikila ono, kunyina natikacitike alimwi. ²⁰ Cita kuti mwami akaakosole mazuba, kunyina muntu uyakuhutuka, pesi akaambo kabasale aabo mbakasala, ulakakosola mazuba. ²¹ Naa kuti muntu waamba kuti kuli nduwe, 'Langa, ngooyu Kristo!' naa 'Langa, nguulya!' utakacihomi. ²² Nkaambo ba kilisitu abahihimi bakubeja balakalibonya alimwi bayakupa zhitondezhyo amaleele kutewa baka cenge, kuti kacikozheka akubasale. ²³ Amukapakamane! "Nkaambo ndamucenjezhya zhyoonse ezhyi zhyintu ciindi kacitanahika. ²⁴ Pele akumana mapezhi amazuba ayo, izuba liyakubaya, mwehi uyakubula mumuni, ²⁵ intoongwezhyi zhyiyakuwa kuhwa kwizeulu azhyalo inguzu zhamwizeulu nhyiyakuzungaanizhyiwa.' ²⁶ Elyo mwana muntu bayakumubona kaseluka kuhwa mumakumbi ansana zhyipati abulemu. ²⁷ Elyo uyakutuma bangelo bakwe akubungika basale bakwe kuhwa ku zhyooko zhyanyika, kuhikila kuzhyooko zhyajulu. ²⁸ Amwiiye ciiyo kucisamu ca mukuyu. Mpoona mpoona mitabi yahyuuka akuleta matuhwu mapya, kamuhiba kuti mainza ali ahwaahwi. ²⁹ Aboobo, mwakubona zhyintu eezhyi kazhyicitika, amukahyibe kuti uli ahwaahwi, munhi munhi a mulyango. ³⁰ Ncobeni ndamwaambila, ooyo musela tuukamani eezhyi zhyintu kazhitana citika. ³¹ Julu anyika zhyiyakumana, pele majwi angu kunyina nayakumana. ³² pele kwaamba buzuba noliba woola eelyo, kunyina naba omwe uuzhyi, nobaba baangelo, naba Mwana, pele buyo Taata. ³³ "Amucenjele! Amupakamane, nkaambo tamuhyi ciindi eeci nocitikacitike. ³⁴ Cili mbuli muntu wabweza muhyinzo wahiya ng'anda yakwe mumatanhi abatwanga bakwe, umwi aumwi mulimo wakwe, akulailila mulindizhyi wakwe kuti kakele kapakamene. ³⁵ Aboobo kamukele kamupakamene nkaambo tamuhyi himalelo wenu natikapiluke;nulakonhya kuba kumazuba, akati kamasiku, bakombwe balila, nokuba mahumohumo. ³⁶ kuti naa wahika cibukila-mbuta, atamuyani kamoona. ³⁷ eeci ncindaambila ndimwe, nkokuti ncindabaambila boonse: Amupakamane!"