¹ Kumane Jeso wakakanka kubayiihya mumiko zhyano. Wakaamba, "Imuntu umwi wakalima muunda, wabika lukwakwa kuzhyinguluka, akuhya mulindi wakutyakila masaansa. Wakayaka katungu alimwi akuhwuminzhya muunda kubalimi ba masaansa. Mpoona wakeenda akusakana mulweendo. ² Muciindi ceelele, wakatuma mutwanga kubalimi bamusaansa kukutambula kuli mbabo imwi micelo ya muunda. ³ Pele bakamukwata, bamuuma, akumutanda amatanhyi aalo. ⁴ Alimwi waka tumina mutwanga umbi, awalo bakamucisa kumutwe akumusebaanya cakusampuka. ⁵ Alimwi wakatuma umbi, Ooyu walo bakamuyaya. Bakasampula banji muciimo ncicona, kubauma aku bayaya bamwi. ⁶ Wakacili amuntu omwe wakutuma, imwana musankwa uhunwa, wakali ngowamamanino kutumwa kulimbabo. Wakaamba, 'Bayakumulemeka mwana wangu musankwa.' ⁷ "Pele balimi ba masaansa bakaambaula kuli omwe omwe, 'Ooyu ngohikukona. Amuboole, atumuyaye, eelyo cikono cilaba cesu.' ⁸ Bakamutola, bamuyaya, akumusowa kunze amuunda. ⁹ Nkaambo kaako, mukamwini muunda uyakucita buti? Uyakuhika aku nyonyoona balimi bamasaansa akupa muunda kuli bambi. ¹⁰ Sa tamuna bala malembo? 'Ibwe bayahi ndyobakaka lyakaba ndelya kukaswi kang'anda. ¹¹ Aya akazhwa kumwami, alimwi cilakakankanihya mumeso eesu.'" ¹² Nikwaamana ceeci ba basololi baci Juda bakakapaula kuti Jeso aangwe nkaambo bakazhiba kuti cikozhyano cakali kwaamba mbabo. pele bakayowele buleya. pele bakamuhiya akutantamuka. ¹³ Bakatuma bamwi bama Falisa alimwi abama Heroda kulinguwe kuti bamukwa mamazwi. Bakahika, baamba kulinguwe, "Mwiyi, eeco bantu ncobayeeyela kulindiwe nkaambo totendezyi kusalula kuli oonse. Mubwini uyiihya zhyila ya Leza. Hena cili mumulawo kupa mitelo kuli Caesara naa peepe? Hena yupe naa pe? ¹⁴ Pele Jesu wakalizhyi kuupa-upa a meso kwabo a kwaamba kuli mbabo, ¹⁵ "Nkaambo nzhyi ncomundisunka? Kamundiletela denarius kuti ndililange." ¹⁶ Bakalileta lyomwe kuli Jesu. Wakaamba kuli mbabo, "Nguni uli a ciwa eeci alimwi mubulembo buli?" ¹⁷ Jesu wakaamba, "Amumupe Ceaser zhyintu Caesar, alimwi Leza zhintu zhya Leza." Bakakankamana. ¹⁸ Mpoona basanduki, bakaamba kuti kunyina bubuke, bakahika kuli nguwe. Bakamubuzya, baamba, ¹⁹ "Mwiiyi, Musa wakatulembela kuti, 'naa umwi wambwanabwakwabo wahwa, akuhiya mukaintu katakwete mwana, mulombwana welele kumutwala mukamwaanaakwabo kuti amuzhalile bana mwanaakwabo.' ²⁰ kwakali basankwa bana bakwabo bali bosanwe abobile; Wakutaanguna wakamutwala mukaintu amene wakahwa, takazhyele bana. ²¹ Alimwi awabili wakamutwala awalo wakahwa, wakasiya kunyina bana, a watatu muciyanza ncicona. ²² Wabosanwe abobile wakahyiya kunyina bana. Wamamanino aboonse, awalo mukaintu wakahwa. ²³ Mukubuka, nobayakubuka alimwi, uyakuba wakani makaintu ooyo? Nkaambo boonse banabakwabo bali bosanwe abobile bakali kumutwele mbuli mukaintu wabo." ²⁴ Jesu wakamba, " Hena takali nkekaambo ncomulubile, nkaambo kakuti tamuzhyi malembo olo kuzhyiba insana zhya Leza? ²⁵ Muciindi nobaya kubuka kuluhu, tabakatwali naa kutwazya, pele bayakuba mbuli bangele mwizeulu. ²⁶ Pele mukulanganya bahwile bayakubuka, sa tamubalile mwibuka lya muusa, mumakani a cihwuna, mbuli Leza mbwa kabindika a cihwuna, mbuli Leza mbwakabandika anguwe a kwaamba, 'Ndime Leza wa Abraham a Leza wa Isaka a Leza wa Jakobe'? ²⁷ Tali Leza wabahwile, pele wabapona. Mwalubila." ²⁸ Umwi wabalembi wakaboola akuteelela kwiizhya kwabo; Wakabona Jesu kaingula kabotu. Wakamubuzhya, "Mulawo nzhyi uyandikihihya kuli yoonse?" ²⁹ Jesu waingula, " Ciyandikihihya ncakuti, 'Teelela, Isreali , imwami Leza wesu, imwami uli omwe. ³⁰ Yanda Leza wako a moyo wako oonse, abuumi bwako boonse, a mizeezo yako yoonse, ansana zhyako zhyoonse.' ³¹ Mulawo wabili ngwakuti, 'Welele kuyanda himokobonyoko mbuli mboliyanda.' Kunyina iimbi milawo mikando kwiinda yeeyi." ³² Balembi bakaamba, "Cabota, mwiiyi! Waamba mahimpe kuti Leza uli omwe, akuti kunyina uumbi kunze lyakwe. ³³ Kumuyanda amoyo wakwe oonsealimwi a nsana zhyako zhyoonse, alimwi kuyanda umwi munamuzhyakwe, mbuli lwakwe mwini cilaindulula kuli yoonse milumbo yakutenta akutuula." ³⁴ Jesu nakabona kuti wapa kwiingula kwa maanu, wakaamba kuli nguwe,"Tosakene kubulelo bwa Leza." Nokwana boobo, kunyina wakaya kumbele kubuzhya Jeso mibuzhyo. ³⁵ kaciyiihya Jesu muluze lya Tempele, wakaamba, "Mbuti balembi mbobakanana kuti Jeso mwana wa David? ³⁶ David lwakwe, Mumoza usalala, wakaamba, ³⁷ 'David lwakwe mwini umwiita kuti ngo 'Mwami', ino Klisto inga waba buti mwana wa David?" Inkamu nkando kaibotelelwe kuteelela kulinguwe. ³⁸ Mukuyiihya Jesu wakaamba, " Amucenjele abalembi, abo bayanda kweenda a masani malamhu akwanzhyiwa mumasambalilo, ³⁹ aakwata Makalilo malemu muma Sinagogo alimwi amasena alemenene muma pobwe. ⁴⁰ Alimwi bakali kuli dunda kumaanda abamukabahu, akupaila mipailo milanhu kuti beebelwe kubantu. Aba bantu bayakutambula kunyonyooka kukando." ⁴¹ Amane Jeso kakele a kulangilila milumbo kaibikwa mucinzuma mubusena bwa Tempele; wakali kulangilila bantu mbobakalikulohya mali aabo mucinzuma. Bunji bwabantu bahubile bakabika mali manji. ⁴² Mpoona kwakahika mukamuhu mucete atu hipeni tobile, twalo tupanga peni lyomwe. ⁴³ Wakabaita bahiciiya akwaamba kuli mbabo, "Mahimpe ndaamba kulindimwe, ooyu mucete mukamuhuwabika kwiinda boonse abo babika mucinzuma ca milumbo. ⁴⁴ Nkaambo boonse bapa mubunji bwa lubono lwabo. Pele ooyu mukamuhu, kuzhwa mubucete bwakwe, wabika mali oonse ngakali kukonzya kuponena."