¹ Ono mbobakahikila ku Jelusalema, kabali munhimunhi a Bethphace a Betania kumulundu wa Oliva, Jeso wakatuma bahiciiya bakwe bobile ² alimwi wakabaamba kuli mbabo, "Kamuya mumunzhyi ngotulangene awe. Mwakunjila, mulakayana kambongolo katana talilwe. Mukakahungululw akukaleta kuli ndime. ³ Naa umwi akaambe kuli nimwe, 'ninzhyi nomucitila bobuya?' mukamuhimwine, 'Mwami ulakayanda alimwi uyakukabwezhya kuhwambaana.'" ⁴ Bakaunka akukayana kambongola kalihwungilwe amulyango munhimunhi amugwagwa, akukahwungulula. ⁵ Bamwi bantu bakainhwi bakabuzya, "Ninhyi ncomucita, muhwungulula kambongolo?" ⁶ Bakaamba kuli mbabo mbubona Jeso mbwakabahimwina, bamane aaba bantu bakabaleka kuti baunke. ⁷ Baakaleta kambongolo akuyala cisani alinkako, amane wakakkala ali nkako. ⁸ Bantu banji bakayala zhyisani mu mugwagwa, bamwi bakayala mitabi njobakatimbula kuzhwa mumyuunda. Bakali ⁹ kumbele lyakwe abakali kucilila, bakoompolola "Hosana! Walelekwa ooyo uhika muzhyina lya Leza. ¹⁰ Bwalelekwa bulelo buhika bwa tateesu Davwiida! Hosana usumpukile!" ¹¹ Kumane waawo Jeso wakanjila mu Jelusalema akweenda mu Tempele akulanga zhyintu zyoonse. Ciindi mbacakaunkile, wakaunka ku Betaniya abali kumi abobile. ¹² Buzuba bwakacilila nobakali kuya ku Betniya, wakahwa inzala. ¹³ Wakalanga kacisakene wakabona mukuyu ukwete matuhvwu, wakaunka kulanga kuti naa inga wayana micelo muli nguwe, pele nakahika kuli nguwe, takayana nociba comwe pele matuhu, nkaambo tocakali ciindi ca nkuyu. ¹⁴ Wakaamba kuli ncico, "Kunyina naba omwe uyakulya mucelo kuhya kuli ndiwe alimwi." Bahiciiya bakwe bakateelela. ¹⁵ Bakahika ku Jelusalema, nkwakanjila mu Tempele akukanka kutanda ba sambala abahikuula mu Tempele. Wakahvwuntamuna matebule abaabo bahikucinca mali azhyuuno zyabahikusambala inkwilimba. ¹⁶ Takahwuminhizhye naba omwe kubweza cintu kuhvwa mu Tempele cakali kunga casambalwa. ¹⁷ Wakabayiihya uca, "Hena takulembelwe, 'Ing'anda yangu ning'anda yaku paila yamahi oonse?' mwebo mwabamba ciyubilo cabatewu. ¹⁸ Bapaizhyi bakando aba lembi nobakateelela ncakaamba, akukapula inhyila yakumunyonyoona. Pele bakamuyoowa nkaambo imbunga yoonse yakankamana kukuyiihya kwakwe. ¹⁹ Naakaba mangolezhya, bakahiya dolopo. ²⁰ Mbobakali kweenda manhumonhumo, bakayana mukuyu wayuma kuhikila kumuyanda. ²¹ Petro wakaibaluka akwaamba kuti, Omwiiyi, kolanga! Mukuyu ngokahinganya wayuma." ²² Jeso wakabahvuwa, "Kamukwata luhyomo muli Leza. ²³ Mahimpe ndamuhimwina kuti kuli yooyo waambila mulundu kuti, 'Koyumuka uliwaale mulwiinhyi,' wamana tazumbauzhyi mumoyo wakwe pele wahyoma kuti ncaamba cilakonzyeka, eco Lez ncati cite. ²⁴ Aboobo ndamuhimwina kuti: Zyoonse zhyomukumbila a kupaila, Kamuhyoma kuti mulakatambula alimwi zhyilakaba zhyenu. ²⁵ Mwayumuka kupaila, amulekelele kuhumbwa ncomuhundilile umwi, kutewa uso uli kwizeulu amwebo amulekelele kulubizhya kwenu." ²⁶ kuti naa tamulekeleli, awalo Uso ulo kwizeulu amwebo takamulekeleli kubihya kwenu. ²⁷ Bakahika Ku Jelusalema alimwi. Jeso mbwakali kunjila mu Tempele, bapaizhyi bakando, balembi alimwi abamanene bakahika kuli nguwe. ²⁸ Bakamubuzhya kuti, "Munsana nzhyi momucita zhyint, alimwi nguni wakakupa insana zhyakucita bobuya?" ²⁹ Jeso wakabahvwuwa, " ndimubuzhye mubuzhyo omwi. amung'ambile ambebo ndamwaambila kuti munsana nzhyi mwincita zhyintu eezhyi. ³⁰ Hena lubizyo lwaka Johani, lwakali kuhwila kwizeulu naa nku bantu? Amundiyingule." ³¹ Bakaambaula muli lwabo beni kabakazhyanya kuti, "naa twaambe kuti, lwakahvwa kwizeulu; ulakatuhvuwa kuti, 'nkaambo nhi ncimwatakamuhyomene?' ³² Pele kuti twaambe kuti, 'kuhvwa kubantu'... ." bakayoowele bantu, nkaambo boonse bakali kuhyoma kuti Johani wakali munhinhimi. ³³ Kumane bakamwiingula Jesu akwaamba "Tatuzhyi." Mpoona Jeso wakati kulimbabo, "Niba ndime nhitimwaambile nkozyizhwa insana zhyakucita bobuya."