¹ Nobwakacha mahumo-humo, bapayizhyi bakando, aba maalu a balembi alimwi ambunga yabasololi bai Juuda boonse bakabungana kubuzyana. kumane baka mwaanga Jeso akumutola. Ba kamwaaba kuli Pilato. ² Pilato wakamubuzya, "Ndendiwe mwami waba Juuda hena?" Wakamuhwiila, "Waamba." ³ Bapayizhyi bakando bakali kumutamikizhya muzhyintu zhyinji. ⁴ Pilato wakamubuzya alimwi, "Unyina ncowamba? Tobwene zhyintu zhyinji zhyobakutamikizyhya?" ⁵ Pesi Jeso kunyina naakamwiingulula Pilato, calo eecho cakamukankamaninhya. ⁶ Ono muciindi capobwe, Pilato lyoonse wakali kwaangulula mwaange omwe, mwaange ngobakali kuyanda. ⁷ Kwakali mulombwana muntolongo wakali kutewa Banabbasi abazangi bakajaya bantu ciindi cabuzangi bwabo. ⁸ Imbunga yabantu bakaboola kuli Pilato kumulomba kuti abacitile mbubona mbwaakali kucita munhyi. ⁹ Pilato wakabaingula wakati, "Muyanda kuti ndangulule Mwami wa ba Juda hena?" ¹⁰ Kayi walo wakalikuzhyi kuti nkaambo kamunyono bapayizhyi bakando ncobakamwaaba Jeso kuli nguwe. ¹¹ Bapaizhyi bakando bakayunga imbunga yabantu kuti boonse balilile Bbanabbasi kuti aangululwe nguwe buyo. ¹² Pilato wakabahwiila alimwi wakaamba, "Ino ono ooyu mwami baJuda ndamucita buti?" ¹³ Bakaamba cakuyobeka alimwi, "Amumubambule!" ¹⁴ Pilato wakaamba kuli mbabo, "Mulandu nzhyi ngaacita?" ¹⁵ Pilato wakayanda kukkuhya mizeezo ya mbunga, wakabaangulwila Bbanabbasi. Wakamukwabbaula Jeso akumupa kuli mbabo kuti abambulwe. ¹⁶ Bahikalumamba bakamutola akumunjizhya mulukwakwa lwa nkuta(inkando ya nhulumende), akubunjika ba hikalumamba boonse. ¹⁷ Bakahwabika cisani cilanhwu cisubila subila ali Jeso, akuzhyunga muhini wamanhwa akubiika ali nguwe. ¹⁸ Bakatalika kulihoola kuli nguwe a kwaamba kuti, " Wabonwa, Mwami waba Juuda." ¹⁹ Bakamumuuma kumutwe wakwe aluba, alimwi akumuswida mate. Bakahugama akukotama kumbele lyakwe. ²⁰ Nobakama kumupukula, bakacikwihya cisani cilanhwu cisubila subila akumusamika cisani cakwe, akutola aanze kuya kukubambulwa. ²¹ Mulombwana umwi, Simoni waku Cyrene, wakali kuhvwa kumunzhyi (ngu wakali uhi waa Alekizanda alimwi a Rufus), bakamuhinizhya kuti abweze ciciinkano cakwe. ²² Bahikalumamba bakamuleta Jeso kubusena butewa Gologota (ibusandululwa kuti "Busena bwakaanza"). ²³ Bakamusomba wayini uhwelelwe cilula naa myrrh, pele kunyina naakanywa. ²⁴ Bakamubambula akwaabanazhyisani zhyakwe kwiinda mukuwaala cisolo kutewa kuti bazhyibe aumwi hikalumamba nchati bweze. ²⁵ Lyakali woola lyatatu nibakamubambula. ²⁶ Akakwaankwani bakalemba mulandungwakakoswelwa, "Mwami waba Juuda." ²⁷ Antoomwe anguwe kwakabambulwa bahwumpi bobile, omwe kululyo ulwakwe omwe kulumwenhyi. ²⁸ Mangwalo akazuzukihiwa amba kuti, 'Wakasanganyiwa a bahukutyola mulawo,' ²⁹ Bahimweenda nzhyila bakamusaaza, bapukumya mitwe yabo balaamba, "Aha! Webo ookonzhya kumwaya tempele akwiiyaka mumazuba otatwe, ³⁰ lihutule akuseluka kunhwa aciciinkano!" ³¹ Munzhila njiyona bapayizhyi bakando bakali kumusanka muli cabo, abalembi abalo, a kwaamba kuti, "Wakali kuhutula bamwi, pele takonzhyi kulihutula mwini. ³² Atubone Kilisto, mwami wa Isreali, aseluke ono kuhwa aciciinkano, kutewa tulibonene twamana tuhyome." Abalo mbakabambulwa limwi abalo baka musampaula. ³³ A woola lya musani alyomwe, kwakaba muhinze cihi coonse kuhikila a woola lya huka. ³⁴ Awoola lya huka Jeso wakoongolola ayizwi likando, "Eloi, Eloi, Lama sabachtani?" icisandululwa kuti, "Leza Wangu, Leza Wangu, wanhyiila nzhyi?" ³⁵ Bamwi bakali kwiinhwi kweebelela bakaanhwa mazwi akwaamba kuti, "Kamulanga, wiita Eliya." ³⁶ Umwi wakatiyaana, wabika wayini uupapile acinganganga, wacibika a kasamu kalubu, wamana wamupa kuti anywe. Mulombwana wakaamba, "Atweebelele naa Eliya ulaboola kumuseluhya." ³⁷ Kumane Jeso wakoompolola ayizwi lilanhwu mpoona wakakosoka. ³⁸ Mulembo wamu Tempele wakaanduka kuhwa atal kuhikila anhyi. ³⁹ Walo mukando kando wakakamu kaba hikalumamba, wakayinhwi kayebelela Jeso naakabona kuti mbwaahwa buya, wakaamba kuti, "Mahimpe ooyu mulombwana wali Mwanaa Leza." ⁴⁰ Kwakali abamakaintu bakali kulangilila alaale. Akati kabo kwakali Maliya Magdalena, Maliya (banyina Jemusi muhyoonto a Josesi), a Salome. ⁴¹ Naakali mu Galilaya bakamuccilila akumupampawila. Abamwi bamakaintu banji bakaboola limwi ku Jelusalema. ⁴² Nokwakaba manolezya, kaambo kakuti bwakali buzuba bwakuliibambila, nkokwaamba, mumujibelo, ⁴³ Josehwa waku Arit mataya wakaboola okuya. Walo wakali muntu ulemekwa mukabunga kaba himilawo aaba bakali kulindila bulelo bwa Leza. Cakutayoowa wakaunka kuli Pilato a kulomba mutunta wa Jeso. ⁴⁴ Pilato wakaamba kuti Jeso wahwa kale; wakaita mweendelehyi wakabunga kabahikalumamba a kumubuhya naa Jeso wakahwa. ⁴⁵ Pilato naakaambilwa kumusololi wakabunga kabasikalumamba kuti Jeso wakafwa, wakapa wa Jeso kuli Josehwa. ⁴⁶ Josehwa wakaula mulembo, wakamwaahwula kuhwa a ciciikano, wakamuzambaila mumalembo, wakamulahyika mucihwene cakatendelwe kuhwa mubwe likando. Kumane wakakunkulinhwa ibwe a mulyango wa cihwene. ⁴⁷ Maria Magadalena a Maria banyina Joses bakabubona busena Jeso nkwakahikilwa.