¹ Aboobo amube balangizhi ba Leza, mbuli bana bayandwa. ² Amweende muluyando, mbuli Klisto mbwakatuyanda alimwi akulipa lwakwe kulindiswe, mbuli mulumbo alimwi akulyaba kuli Leza ³ Pele inkwela amihyobo yoonse yabubyaabi a buhyaacinhule mwangu tanhyelele akubandwa akati kenu, nkaambo inhi tanhyeelele kubantu ba Leza ibasalala. ⁴ Kutabi busonhwaanhi, akukanana ikwabulimbunhyi, akasaaza kakusobana - inhyi nhyoonse tanhyeelele. Mucilawo canhyeenhi akube kulumba Leza. ⁵ Kayi mulinhi cabwini kuti kunyina bahinkwela, ibatasalali, na muntu hacinhule mwangu - ico, nguhimituni - ukwete lubono noluba lomwe mubulelo ibwa Klistu a Leza. ⁶ Kutabi uumucenga amazwi abuyo, kayi nkaambo kanhyintu inhyi ncobuboolela bukali bwa Leza kubana batanhwi. ⁷ Aboobo mutali kusangani ambabo. ⁸ Kaambo mwakali mumuhyinzi, pele ino muli mu mumuni wa Mwami. Mweende buli bana bamumuni ⁹ (kaambo michelo yamumuni ilajamwa mububotu, mubululami, alimwi amukahimpe), ¹⁰ alimwi ilasukwa alimwi ilazumina kukomanihya ku Mwami. ¹¹ Mutasangani abatahyomeki mumilimo yamuhyinzi, pele amubalete atangalala. ¹² Kaambo tacili caluzhyalo akwaamba zhyintu zhyobacita kuso. ¹³ Pele kuhwabwa enco caletwa atangalala amumuni, cilalibonya. ¹⁴ Kuhwabwa cintu caboneka ciba mumuni. Aboobo camba kuti, "Amubuke, nomoona, alimwi muime kuhwa kubahwu, alimwi Klisto uyakuba mumuni kuli ndimwe.'' ¹⁵ Kamulangihya mbomweenda - muteendi mbuli ba limbuhi pele mbuli bantu basongo. ¹⁶ Kamucihutula ciindi nkaambo mazuba mabyaabi. ¹⁷ Aboobo, mutali kulimbuki, pele muteelehye mbolubele luyando lwa mwami. ¹⁸ Alimwi mutakolwe awaini, nkaambo eco citola kutalilemeka kabotu. Pele, amube a Moza Usalala, ¹⁹ kwaambaula kuli umwi aumwi mutembauzhyo alimwi amunyimbo alimwi amunyimbo mumoza, kwiimba alimwi akulumbaizhya Mwami amyoyo yenu yoonse, ²⁰ lyoonse kamupa kulumba kuli zhyoonse, muhyina lya Mwami Jesu Klisto kuli Leza Taata, ²¹ kuba chitondezhyo kuli umwi aumwi muli Klisto. ²² Nobamakaintu, amulipe kubamalombwana benu,mbuli ku Mwami. ²³ Nkaambo mulombwana mutwe wamukaintu mbuli Klisto awalo bwali mutwe wa cikombelo, lwakwe mu Hyuni wa mubili. Pele ²⁴ mbuli cikombelo mbucili co Klisto, abalo bamakaintu kuba malombwana babo lyoonse. ²⁵ Nobamalombwana, kamubayanda bamakaintu benu, mbuli Klistu mbwakayanda cikombelo akulyaaba nkaambo ka ²⁶ mbungano Kutewa ayi salanhye, kakuli wakaisalanhya ca kwii sanhya mumeenhyi ayizwi, ²⁷ kuti alicitile cikombelo mwini icabulemu, kakunyina akapenta na maimba nociba cintu icili boobu, pele cakusalala cakubula kampenda. ²⁸ Muhyila njiyona balombwana bayelele kuyanda bamakaintu babo mbuli mibili yabo. Ooyo uyanda makaintu wakwe ulaliyanda lwakwe mwini. ²⁹ Kaambo kunyina utayandi mubili wakwe, pele ulaubambilila alimwi ulaukwabilila kabotu,mbuli Klisto bwabamba alimwi akukwabilila cikombelo kabotu, ³⁰ nkaambo tuli bamukwanhi wamubili wakwe. ³¹ ''Akaambo kaako mulombwana uyakuhiya bauhi abanyina akuliswaanganya amwinakwe, alimwi aba bobile balaba inyama yomwe.'' ³² Ikahimpe kahihilwe nkakando - pele mebo ng'amba kukwatikinhya Klistu acikombelo. ³³ Nokuba boobo, umwi aumwi wenu weelel kuyanda mwinakwe umbona mbwaliyanda ulwakwe mwini, awalo mukaintu weelele kumulemeka mulumi.