¹ Nobana, kamubalemeka bazhyalibenu mu Mwami, nkaambo ici cileelela. ² "Lemeka uso abanyoko" (walo uli ngo mulawo wakutaanguna ukwete cihyomyo), ³ "kutewa zhyikweendele kabotu alimwi kuti upone myaka minji munyika. ⁴ Noma taata, mutabanyemyi bana benu kuti bakalale, ibuyo, amubakomenzhye mukulemeka amumalayilile a Mwami ⁵ Nobazhyike, amubateelele bahimalelo benu ibweelele mubuntu bwanyama cabulemu bunji akukankama, ca moyo wabwini mulindimwe. Kamubalemeka balo umbona mbomunga mwalemeka Klisto. ⁶ Mutali kubateeleli buyo leelyo ibamulela noba mweebelela, kuti muba botezhye ibuyo, amubalemeke mbuli mbomuli bazhyike ba Klisto, ibacita luyando lwa Leza kuhvwa mumyoyo yenu. ⁷ Kamukutauka camoyo oonse, umbona mbuli kuti mubelekela Mwami ikutali bantu, ⁸ nkaambo tulizhyi kuti kuhumbwa cintu cibotu aumwi muntu nchacita, uyakutambula bulumbu kuhvwa ku Mwami, nali muzhyike nali mwaangulule. ⁹ Nobaleli, kamubalela muzhyila mbotu bazhyike amwebo mbona. Mutali kubakongi. Mwebo muli muzhyi uyo Himalelo wabo andimwe nguwena kuti uli kujulu, alimwi muli nguwe kunyina kusalaula. ¹⁰ Kumaninzhya, kamuyuma mu Mwami amunsana izhya bukando bwakwe. ¹¹ Kamulisamika zhyakulwanga zhya Leza zhyoonse, kutewa mukakonzhye kwiima njikukoma bweelenze bwa makanze a dyabooli. ¹² Kayi kulwana kwesu takuli kwa buntu nyama abulowa pe, pele tulwana a beendelezhyi, abaleli, abahinsana beendelezhya inyika ino yamuhinze, tulalwana a myoza mibyaabi iya mumasena amuzeulu. ¹³ Nkokwaamba kamulisamika zhyilwanya zhya Leza, kutewa mukakonzhye kwiima nji mubuzuba bubyaabi, alimwi mwamana kucita zhya onse, mukayime nji. ¹⁴ Kamwiima nji nkokuti, kamusamine a lutambo lwa kahimpe kulupamba mucibuno, alimwi kakuli mwasama cikwabilizhyo kukucamba ica bululami, ¹⁵ alimwi, zhyihumba zhyemu kazhyisamine cakulibambila ikuhvwila ku mulumbe wa luumuno. ¹⁶ Mumacililanwa oonse amubweze intobo yaluhyomo, lwalo uluya kumugwahyilizhya kuzhyimya mihvwi ipya ya mubyaabi. ¹⁷ Alimwi kamubweza ingowani iyaluhutuko alimwi ayi sumo lya Moza, lyalo ilili ndizwi lya Leza. ¹⁸ Icakubelehya mipailo yoonse akulomba, kamupaila zhyiindi zhyoonse mu Moza. Kuyakuhika kumeelezhya aya, lyoonse buyo kamulangila akukwatihya mbuli mbo mupaila abantu boonse basalala iba Leza. ¹⁹ Alimwi kamundipailila ambebo, kwaamba kuti nhimpewa mulumbe kuhumbwa ndajula mulomo wangu. Kamupaila kuti nkonzhye kumuzhyibya cakaanza mbwene kahimpe kahisilwe kamakani mabotu. ²⁰ Nkaambo kamakani mabotu nkwili ngambela ubikilwe mumaketani, kutewa ngakanane antangalala ca kanzambwene, umbona mbwiyelele kukanana. ²¹ Tychicus, mukwesu uyandika alimwi muzhyike wa Mwami, ulamuhimwina zhyoonse, kuti muhyibe mwebo mbwipona ono. ²² Nchicona ici ncindamutumina kuli ndimwe, kutewa mwebo muzhyibe mbotubele, alimwi kutewa amuyumyeyemye mumyoyo yenu. ²³ Luumuno alube kubakwesu, alimwi luyando aluhyomo kuhvwa kuli Leza Taata alimwi a Mwami Jeso Klisto. ²⁴ Luzhyalo kube kuli baabo boonse bayanda Mwami Jeso Klisto cakumanina.