¹ Mebo, nkokwaamba, umbona mbwili mwaange mu Mwami, ndamukombelezhya kuti mweenda bweelele kweendelanya ambamwa kaitwa mulwiito ulwenu. ² Mukombelezhya kupona kulitola anhyi kunji akulibombya acakubikililila, akulekelela kwa kulelana aumwi amweenzhyinyina mu luyando. ³ Kamusolehya kubamba lukamantano lwa Moza muntambo ya luumuno. ⁴ Kuli mubili omwe a Moza omwe, umbona amwebo mbomwakaitwa kubulangizhyi bomwe ubwakwiitwa kwenu. ⁵ Alimwi kuli buyo Leza omwe, luhyomo lomwe, lubbizhyo lomwe, ⁶ alimwi Mwami omwe, ngowihyi waboonse, nguwena nguuli atala lya zhyintu zhyoonse alimwi kwiinda muli zhyoonse alimwi amuli zhyoonse. ⁷ Kuli umwi aumwi wesu luzhyalo lulapewa kweendelanya aceelekelo cacipeyo icaa Klisto. ⁸ Cili umbona bwaamba malembe kuti: "Walo naakatanta muzeulu, wakabacitabuzhike ibeelele buzhyike, alimwi wakapa zhyipeyo ku bantu." ⁹ Caamba nzhyi kuti "waka seluka," cita buyo kuti walo wakaseluka kunjila kuzhyilawo zhyaanhyi zhyanyika? ¹⁰ Uyo iwakaseluka muntu omwi nguwena nguwakatanta atala kwiindila majulu, kutewa azuhye zhyintu zhyoonse. ¹¹ Klisto wakapa bamwi kuti babe ba apostolo, bamwi buhyinhyimi, bamwi bukambaunhyi, abamwi buhundisi abamaiyi ¹² kutewa bahitikizhya bantu ba Leza ibasalala mumulimo wakumubelekela, kukuyaka mubili wa Klisto, ¹³ limwi tukahike kulukamatano lomwe ulwa luhyomo alwa luhyibo lwa Mwana aa Leza, kutewa tuhime akuhika kuceelekelo ca Klisto icizulile. ¹⁴ Klisto nguutuyaka walo ktewa tutacibi bana ibapepaulwa uku akooku a maiwe, akupupululwa a myuuyo iyanjihyo izhya kweena ena kwabantu babehyi ibakwete bumpelenge. ¹⁵ Tweelela kukanana mahimpe muluyando tweelele kukomena munzhyila zhyoonse akukwatilila muli nguwe walo uuli ngo mutwe,ooyu ngu, Klisto. ¹⁶ Klisto ulayaka mubili yoonse, walo uunu ngililwe akuswaanganyiwa antoomwe amilambi iikwatililana alimwi acimwi cizo cabeleka antoomwe, cipa kuti mubili ukomene cakuti walibumba mu luyando. ¹⁷ Aboobo ndambihya icansana hikaaka mu Mwami kuti muteendi ilimbi mbuli bamahyi mbobeenda, mubulimbuhyi ibwa miyeeyo iyabo. ¹⁸ Balo ibakwete muhinze mukuteelela kwabo, ibapambukile kuhvwa kubuumi ibwa Leza akaambo kakubula luzhyibo muli mbabo, nkaambo kaukyuma ikwa myoyo yabo. ¹⁹ Balo babula ayi nsoni alimwi balo balipa ulwabo kumilimo mibyaabi, alimwi balacitaula kuhumbwa citasalali abulyato. ²⁰ Pele tabuhi ubo mbomwakaiya kukwatikizhya makani aa Klisto pe. ²¹ Mebo mubwini kuti mwakateelela makani aakwe, alimwi mwakayiihiwa mulinguwe umbona mahimpe mbwaabele muli Jeso. ²² Mwebo mwakayiihiwa kusakununa izhya kamaumi eenu aabuponi ibwakalekele, kusakununa buntu ibwa kaindi. Mbuntu bwa kaindi ibubyaabi nkaambo kayandihyihya kwabubehyi. ²³ Mebo mwakayiihwa kuti mubukuluke mumuuya wa mizeezyo yenu, ²⁴ akusama buntu ibupya ibulengelwe mucinkonzhya ica Leza- mubululami akusalala kwini kwini. ²⁵ Aboobo, kamuleka bubehyi, alimwi umwi aumwi uwenu akanane mahimpe ahimukobonyina, nkaambo kakuti tuli zhyizonyina. ²⁶ Inga wanyema alimwi utabihyi. Mutalekeli izuba kuti libbile kamucinyemene. ²⁷ Mutamupi cibeela nokaceya dyabooli. ²⁸ Uyo uwali muteyu weelele atabbi limbi. Pele mbwayelele nkubeleka, cakukutauka kubeleka zhyibotu amatanhyi aakwe, kutewa ayane akukwata cakwaabanya abamwi batakwete. ²⁹ Mutahvwumizhyi kukanana manjaka kuhvwa kumilomo yenu. Kamubelehya mabala mabotu aakwete kuyaka kuli baabo ibeelele, kutewa mazwi eenu aka gwahye ibaateelela. ³⁰ Alimwi mutamunyemyi Moza usalala iwa Leza, kaiyi mumulinguwe momwakaandwa mane kuhikila kubuzuba ibwa kununuka. ³¹ Kamusowa kulutila koonse kulemana, abukali, kuzwangana, amatuhyi, kubika amihyobo ya bubyaabi yoonse. ³² Kamuhwilana luse, kubomba mu myoyo, kulekelelana umwi aumwi, umbona Leza kwiinda muli Klisto mbwakamulekelela.