¹ Akaambo kaaka mebo, nde Paulu, ndemwaange waa Klisto Jesu uwenu mwebo nobamahi - ² Ndahyoma kuti mwakanhvwa aa buyobozhyi ubwa luzhyalo lwa Leza ubwakapewa kuli ndime akaambo kandimwe. ³ Iseseke lyakazhyibizhyiwa kuli ndime kwiinda muciyubunizhya, mbona mbwiindakalemba kahyoonto. ⁴ Nomubala kukwatikizhya yaaya, mulatelela amwebo luzhyibo ndwinkwete mumaseseke aka Klisto. ⁵ Mumazhyalane amwi ili iseseke tiilyakazhyi bwa kubana ibabantu. Pele ono lyayubununwa a Moza kuba apostolo abanhinhimi ibakwe basalala. ⁶ Aya mahimpe aahisiwe ngakuti bamahi mbabahi kukonanyoko, alimwi mbabahi zhyizonyina iba kumubili, alimwi balaabanyizhyiwa cihyomyo muli Klisto Jesu kwiinda mu mulumbe. ⁷ Nkaambo ndakaba muzhyike wamulumbe uya kwiinda mucipeyo ica luzhyalo ulwa Leza ncindakapewa kwiinda mukubelekwa ikwa nguzu izhyakwe. ⁸ Kuli ndime - nokuba kuti ndaanhyi kubantu baka Leza boonse ibasalala - luzhyalo olu ndakapewa, kuti nkambaukile bamahi buhvwubi butaambiki ubwa Klisto ⁹ alimwi akuleta mumumuni kuletela muntu oonse muzeezo - maseseke aahisilwe kwa ciindi muli Leza, iwakalenga zhyintu zhyoonse. ¹⁰ Oyu muzeezo wakazhyibizhyiwa kwiinda mucikombelo kutewa beendelezhyi abamami ibamusena amwizeulu bahike kukuzhyiba bube ibwa mbahvwu zhyinji izhyabusongo bwa Leza. ¹¹ Ici cakacitika kweendalanya a muzeezo uutamani ngwaaka zhwidilizhya muli Klisto Jesu Mwami wesu. ¹² Nkaambo muli Klisto tulikwete kaanza mbwene alimwi akuswenena ahwaahwi caku zhyandamana nkaambo kaluhyomo lwesu muli nguwe. ¹³ Aboobo ndamulomba kuti mutabi nomutyompwa akaambo kankwipenzhyewa kupengela ndimwe, mu kuti mbobulemu ubwenu. ¹⁴ Nkakaako ndatyola mazwi aangu kuli Taata, ¹⁵ walo kuhwa muli nguwe mukwahyi omwe omwe uuli kuzeulu nokuba anhyi mowuulikwa. ¹⁶ Ndapaila kuti amupe mwebo, umbono mbuli bwami ubwa bulemu bwakwe, kuti muyumizhyiwe ayinsana kwiinda mu Moza wakwe walo uli mukati muli ndimwe. ¹⁷ Ndapaila kuti Klisto spone mukati mumyozo iyenu kwiinda muluhyomo alimwi akuti muzhyate akubombomana muluyando ulwakwe. ¹⁸ Kutewa kwaamba kuti mukonzhye kunhwinhya antoomwe abantu baka Leza ibasalala boonse, kuti muli buti mubuhwaahwi, amubulanhwu, abulanhwu bwa mwizeulu, amubulanhwu ubwakutolakunhyi, ¹⁹ alimwi akuti muzhyibe luyando ilwa Klisto, lwalo ulwiindilila kuluzhibo, kutewa mukabikwe muli ndimwe kumaninina ikwa Leza. ²⁰ Ono kuli nguwe uukozhya kucita cakwiindilila koonse nkotumulomba ankuyuyeeya, kweendelanya ainsana zhyakwe izhyibeleka muli ndiswe, ²¹ kuli nguwe akube bulemu mu cikombelo alimwi amuli Klisto Jesu kuyakuhika kumazhyalane oonse kukabe kutamani akutamani. Amen.