¹ Alimwi cikwatikizhya ndimwe, mwakalikuhwile mu kulubizhya a zhyinyonyoono zhyenu, ² mwalo momwakali kweendela lomwi, kweendelanya a bzhyila zhyanyika iino. Mwakali kupona kweendalanya a mweendelezhyi uukwete insana izhya mumuwo, uuli ngo moza uubelekela mubana batateeleli. ³ Lomwi toonse buyo twakapona akati lyabaaba bantu, katuzwidilizhya kuyandahya kubyaabi ikwa nyama yesu, akucitaula kuyanda ikwamibili akwamiyeeyo. Bupange bwesu twakali bana babukali, umbona mbobubele buntu boonse. ⁴ Pele Leza ulikwete lubomba lunji nkaambo ka luyando lwakwe lunji ndwaakatuyanda swe. ⁵ Notwakacili bahu mundubizhyo izhyesu, walo wakatubuhya antoomwe muli Klisto - nkwiinda muluzhyalo nkomwakahutulwa. ⁶ Leza wakatusumpula antoomwe a Klisto, alimwi Leza wakatucita kuti tukale antoomwe mumasena aakujulu muli Klisto Jesu, ⁷ kutewa mumisela iiciboola aka konzhya kututondezhya bwami bukando butapimiki ibwa luzhyalo lutondezhya mulweetelelo ulwakwe kuli ndiswe muli Klisto Jesu. ⁸ Kayi momu luzhyalo momwakahutwilwa kwiinda muluhyomo, alimwi ici toocakahvwa kuli ndimwe, ncipewo ica Leza, ⁹ kutali kuhvwa kumilimo, kutewa kutabi naba omwe uulidunda. ¹⁰ Kayi swetuli bubelehyi ubwakwe Leza, twakalengwa muli Klisto Jesu kuti toonde milimo mibotu yalo Leza njaakakanza kalekale kuli ndiswe, kutewa tweendele mumo. ¹¹ Aboobo kamuyeeya kuti lomwi mwakali ba mahi kunyama. Mwiitwa kuti ''batapalwilwe'' kuli ceeco icitwa kuti ''kupalulwa'' munyama icicitwa aamatanhyi aabantu. ¹² Kayi kuciindi ico mwakali pambukile kuhvwa kuli Klisto, bahvwa mahi kubwana bwacihi ca Israli, beenzu kumilongo iya zhyihyomyo, kamunyina bulangizhyi alimwi kamutakwete a Leza munyika pe. ¹³ Pele ono muli Klisto Jesu mwebo nomwakali kulekule kuhvwa kuli Leza kalekale mwaboozhyewa kuhwaahwi akaambo kabulowa ubwaa Klisto. ¹⁴ Kayi walo ulwakwe ndoluumuno lwesu, nkaambo wakatubamba toonse tobile kuba omwe. Kwiinda mumubili wakwe wakakolomona bwaanda ubwakwaandanya ndiswe cankondo. ¹⁵ Wakabika ambali mulawo amilaizhyo abulawo kuti alilengele muli lwakwe muntu uumbi mupya kuhvwa muli bobile, kwaba kubamba luumuno. ¹⁶ Klisto ulaswanganya bantu bobile ku mubili omwe kuli Leza kwiinda muciciingano, wayaya buhinkondonyina. ¹⁷ Jesu wakaboola akukanana makani mabotu aaluumuno kuli ndimwe nomwakali kule kule aluumuno kuli baabo ibakali kuhwaahwi. ¹⁸ Nkaambo kwiinda muli Jesu swebo toonse tobile tukwete lusweno mu Muuya omwe kuli Taata. ¹⁹ Ono nkokuti, mwebo nobahvwa mahi tamucili banayambwe alimwi abeenzu. Anukuti mwaba banabacihi abantu ba Leza ibasalala alimwi mwaba bana bamumukwahi wa Leza. ²⁰ Mwebo mwakayakwa antalihyo iba apostolo abanhinhimi, alimwi Klisto Jesu ulwakwe kali ngo ibwe ilyakaswi kang'anda. ²¹ Walo mulinguwe ng'anda yoonse mwiikwatana antoomwe akukomena mbuli cikombelo icisalala mu Mwami. ²² Momuli nguwe amwebo momuyakwa antoomwe mbuli busena mwakala Leza mu Moza.