¹ Pele Saulo, ucikwete mazwi akukonga alimwi akujaya ba hiciiya ba Mwami, wakaunka ku mupaizhyi mukando ² alimwi waka mubuzhya magwadi aku synagogue mu Damascus, kutewa naku kayanike uhwila ku zhyila, ane mulombwana na mukaintu, ulakozya kuya kubaleta kabaangilwe ku Jelusalema. ³ Mbuli bwakali kuya bweenda, cakacitika kuti mbuli mbwakali kuya buhika muhi muhi a Damascus, chibukila mbuta kwakaba ku mweka kwa mumuni uhwa kwi zeulu; ⁴ mpoona wakawila anhi akutelela izwi lyaamba kuli nguwe, "Saulo, Saulo, ninhyi ncondi mpezhya?" ⁵ Saulo wakaingula, "Ndiwe ni, Mwami?" Mwami wakaamba kuti, "Ndime Jeso, walo ngo pezhya; ⁶ pele koimikila, kojila mu dolopo, poona ula kaambilwa ica kucita." ⁷ Balo balombwana mbo cakali kweenda limwi bakabula ca kukanana, mukutelela izwi, pele ka kunyina naba omwe uli bonya. ⁸ Saulo wakaimikila kuhwa anhi, poona nakajula meso akwe, kunyina caka bona; aboobo baka mukwatilila kwitanhi aku muleta mu Damascus. ⁹ Kwa mazuba otatwe kataboni, kakunyina kulya akunwa. ¹⁰ Ono kwakali hiciiya ku Damascus wa zhyina lya Ananias. Mwami wakaambaula kuli nguwe mucilengano, "Ananias!" wakaamba, "langa, nkwili ano, Mwami." ¹¹ Mwami wakaamba kuti kuli nguwe, imikila, koya kunhile iitwa kuti Straight, wahika a ng'anda iyaka Judas ubuzhye muntu uzhila ku Tarsus wiitwa kuti Saulo, mbwaanga ulapaila. ¹² Wakabona mucilengano mulombwana utewa kuti Ananias kajila mu ng'anda akubika matanhi ali nguwe, kutewa acikonzhye kulanga alimwi." ¹³ Pele Ananias wakaingula, "Mwami, ndakatelela nzhyinji a muntu ooyu, mbuli kunyonyona kunji nkwakacita ku bantu bako basetekene mu Jelusalema. ¹⁴ Ulipelwa nsana kunhwa kuba paihyi ba kando kwaanga boonse batiyanike kabaita zhyina lyako." ¹⁵ Pele Mwami wakati kuli nguwe, "Koya, nkaambo ncibelenhyo cisale cangu, kutola zhyina lyangu kuli bama Gentiles aku bami aku bana mu Israel; ¹⁶ nkaambo ndaka mutondezhya mbwatipenge akaambo ka zhyina lyangu." ¹⁷ Poona Ananias wakaunka, akuya kujila mung'anda. Akwaampa matanhyi ali nguwe, wakaamba kuti, "Omukwesu Saulo, Mwami Jeso, walo wakalibonya kuli ndiwe mu nzhila nokali kuboola, wandi tuma kuti webo utambule kubona kwako akuzu nzhyiwa Moza Usalala." ¹⁸ Mpoona mpoona kwakazhwa cikoya makwa ku meso a Saulo, wakatalika kubona; wakaimikila akubbizhyiwa; ¹⁹ Mpoona wakalya akukwata nsana. ²⁰ Mpoona aawo wakatalika kwaambaula Jeso mu synagogue, kaamba kuti Mwana a Leza. ²¹ Boonse baka munhwa bakakankamana akwaamba kuti, "hena tali nguwe mulombwana wakali kunyonyoona baabo bakali mu Jelusalema bakali kwiita nhina eeli? Waboola kuno kuza kubatola kabaangilwe kuba painhyi ba kando." ²² Pele Saulo wakaba ansana nzhyindilile, wakaleta bukandu kuli bama Juuda bakali kukala mu Damascus mukuhwumina kuti Jeso ngo Klisto. ²³ No kwakainda mazuba maji, bama Juuda bakapangana antomwe kuti bamu jaye. ²⁴ Pele makaze aabo aka nhibwa kuli Saulo. Bakali kulindilila mu milyango mahikati amahiku kutewa bamuyaye. ²⁵ Pele ba hiciiya bakwe bakamutola mahiku akumwiizhya atala abwaanda, bacitola anhi mwakabele cizuma. ²⁶ Naka boola ku Jelusalema, Saulo wakasola kusangna aba hiciiya, pele boonse bakali kumuyoowa, kabata mushyomi kuti wakali hiciiya. ²⁷ Pele Barnabas waka mubweza akumutola kuli batumwa, mpoona waka baambila mbuli Saulo mbwa kabona Mwami kali munzhyila akuti Mwami wakaambaula anguwe, ambuli ku Damascus Saulo mbwaa kaambaula cantangalala kulumbaizhya inzhyina lya Jeso. ²⁸ Wakali ambabo, kweendeenda kabajila alimwi akuhwa kunhi nguluka Jelusalema. Wakaambaula cantangalala munhyina lya Mwami Jeso ²⁹ alimwi akukazhyanya aba ma Juuda baku Grecian, pele bakacili kusola ku mujaya. ³⁰ Ciindi bana bakwabo nobaka nhiba boobu, bakamuleta ku Caessarea aku muutumina ku Tarsus. ³¹ Mpoona kuhwa wawo, zhyikombelo zhyoonse mu Judea, Galilaya, amu Samariya zhyaka kwata luumuno mpoona akuyakwa; alimwi, akweenda mukuyoowa Mwami alimwi alimwi amukuumbulizhya kwa Moza Usalala, cikombelo ca kakomena mumyeelwe. ³² Ono nocakaba boobu, mbuli Petrol wakatalika kweendeenda muci nkoswa coonse, wakaza kuhyika ku bantu ba Leza baluleme bakali kupona mu dolopo lya Lydda. ³³ Okulya nkwaka kuyana mulombwana wiitwa kuti Aeneas, walo wakali kulala buyo mubulo bwakwe kwa myaka iili lusele, akambo kakuti wakalipiitile. ³⁴ Petrol wakati kuli nguwe, "Aeneas, Jeso Klisto wakuponya. Buka ubambe bulo bwako, Mpoona awo wakayumuka. ³⁵ Mpoona bantu boonse bakali kupona mu Lydda amu Sharon bakamubona ulya mulombwana bakasandukila ku Mwami. ³⁶ Ono mu Joppa kwakali hyiciiya uitwa kuti Tabitha (calo caamba kuti "Dolika"). Ooyo mukaintu wakakwete buyo milimo mibotu amicito iya luhyalo yalo jakali kucitila bacete. ³⁷ Cakacitika kuti kumazuba aayo wakaciswa alimwi akunhwa; nobakamusanhya baka mulazhika mukaanda kamu zeulu. ³⁸ Mbokunga Lydda yakali munhi munhi a Joppa, mpoona bahiciiya baka teelela kuti Petrol nkwali kulya bakatuma balombwana bobile kuya kuli nguwe, kumukombelezhya walo, "Kuza kuli ndiswe kakunyina kumuka." ³⁹ Petrol wakayumuka akuunka ambabo. Nakanhika, bakamutola mukanda kamu zeulu, boonse ba mukabahwu bakamubumbilila kobalila, kumutondezhya zhyisani azhyi baki zhyakali kubamba Dorcas naakali kupona ambabo. ⁴⁰ Petrol wakabakwinhya boonse mukaanda, wahwugama, aku paila; mpoona wacengulukila ku muntunta, wakati, "Tabitha, buka." Mpoona waka jula meso akwe, akubona Petrol wakakkala. ⁴¹ Petrol waka mutambika tanhilyakwe; mpoona wakaita bantu ba Leza basalali aba mukabafu, wakabapa kalanga. ⁴² Aaya makani akahwiwa Joppa yoonse mboibele mpoon bantu boonse baka muhyoma Mwami. ⁴³ Cakacitika kuti Petrol wakala mu Joppa mazuba manji a mulombwana utewa Simon, hikusuka masalu.