¹ Ono kwakali muntu umwi mudolopo lya Caesarea, zhyina kali Cornelius, mu centurion wakali kwiitwa kuti ngwa nkamu yaba hikalumamba ya Italia. ² Wakali muntu ulipele, muntu uyowa Leza aba mu ng'anda yakwe, wakali musombi kubantu, akupaila Leza cakuzumanana. ³ Kaciyanda kuhika ciindi caci kasalizhyi ca buzuba, wakabona mungeli mu cilengaano ca Leza kaza kuli nguwe. Mungeli wakamba kuli nguwe; "Cornelius." ⁴ Cornelius wakalanga ku mugeli aku yoowa akwaamba, "ncinzhyi, mukando?" ⁵ Ono tuma bantu ku dolopo lya Joppa kuya kuleta muntu uli azhyina lya Simon wiitwa kuti Petrol. ⁶ Ooyu ukala ahimuzhyinyina uli azhyina lya Simon, uli a ng'anda ili kumbali a lweenje." ⁷ Ciindi mugeli uwakali kubandika a nguwe naka muhiya, Cornelius wakaita babelehi bakwe bobile, ahikalumamba ulyaabile akati kabaabo bamubelekela. ⁸ Cornelius waka bahimwina zhyoonse zhyakacitika akubatuma ku Joppa. ⁹ Ono mu buzuba bwakatobela nokwali kuya mahikati, nobaali kuzumanana kweenda akuhika mu dolopo, Petrol wakatanta mu ng'anda yamwi zeulu a kupaila. ¹⁰ Wakahwa inzala akuyanda cimwi kuti alye, pele mukaindi aako bantu bakacili kwiika cakulya, iciboninhyo cakahika kuli nguwe, ¹¹ alimwi waka bona izeulu lya juka alimwi alye, pele mukaindi aako bantu bakacili kwiika ca kulya, iciboninhyo cakahika kuli nguwe, alimwi wakabona izeulu lya juka alimwi cimwi cibikilo caseluka, cikozhyanya a mulembo mulanhwu useluka anhi mu nyika, useluka azyooko zhyone zhyawo. ¹² Muli nguwe mwakali mihyobo yabanyama bali anhumba zhyone zhyzbucele abanyama bakalaba anhi, abayuni bakwi zeulu. ¹³ Kumane izwi lya kaamba kuli nguwe: "Nyamuka, Petrol, koyaya alimwi kulye." ¹⁴ Pele Petrol wakaamba, "Peepe, Mwami; kunyina ninda lide cintu cisohweele nakuba citasalali." ¹⁵ Pele izwi lyakahika alimwi muciindi cabili: "Nkuhwumbwa Leza ncasalazhya, mwelele kutaciita kuti cilisohweele." ¹⁶ Eeci caka citika zhyiindi zhyotatwe; kumane cibikilo caka bwezwa mpoona akutolwa mwizeulu. ¹⁷ Ono Petrol kacinyongene kukwatikizhya cilengaano ncakabona ancocaamba, wabona ibalombwana bakatumwa a Cornelius bakali iimvwi a mulyango, kakuli bakabuzhyile kale mbokweendwa kuya ku ng'anda. ¹⁸ Bakompolola akubuzhya anbweni ngu Simon, wakali kwiitwa kuti ngu Petrol, wali kukala kooko. ¹⁹ Kakuli Petrol wakacili kuyeeya cilengano, i Moza wakaamba kuli nguwe, "Bona, bantu botatwe bakapaula ndiwe. ²⁰ Nyamuka alimwi koya buselemuka uunka ambabo. Utahyahyali kuunka ambabo, nkaambo ndabatuma." ²¹ Ono Petrol wakaselemuka kweenda ambabo akwaamba, "Ndime ngomuka pula. Mwahikila nzhyi?" ²² Bakaamba, "Mu centalion uli azhyina lya Cornelius, muntu ululeme umwi uyoowa Leza, umwi ubandikwa mucihi coonse caba Juuda, wakalaililwa aba ngeli basalala kuti bakutumine ku ng'anda yakwe, kwaamba kuti ateelele makani kuzhwa kuli ndiwe." ²³ Eelyo Petrol waka batamba kuti baboole bakale anguwe. Nobwakaca mahumohumo wakanyamuka akuunka ambabo, bamwi babunyina kuhwa ku Joppa bakaunka limwi. ²⁴ Mu buzuba bwacilila bakahika ku Caesarea. Cornelius wakali kubalindila; kwalo nkwakaita basazhyinyina abalongwe mbociswangene limwi. ²⁵ Cahika ciindi Petrol naakanjila, Cornelious waka muswaanganya alimwi waka muhvwuntamina kumatende akwe akumukomba. ²⁶ Pele Petrol waka mulehya waimikila, waamba, "Imikila! ambebo ndi muntu." ²⁷ Kaci kanana Petrol anguwe, wakanjila wakajana bantu banji bali bungene antoomwe. ²⁸ Wakaamba kuli mbabo, "Mwebo nobamukamwini mulizhyi kuti tacili mumulawo ku muntu mu Juuda kuswaangana nakuba kuswaya mu zhvwakule. Pele Leza wanditondezhya kuti nhiyelele kwiita muntu kusohwaala naba kutasalala. ²⁹ Nkekaambo kaako ndahika kakunyina kukazhyanya, muciindi nindatumwa. Ono ndamubuzhya nkaambo nzhyi mwatuma ndime." ³⁰ Cornelious wakaamba, "mazuba one ayinda aciindi mpoona, ndakali kupaila muciindi cakasalizhyi mu ng'anda yangu; ndaka bona, muntu uliimhvwi kumbele lyangu amasani amweka. ³¹ Wakaamba, "Cornelious, mupailo wako wateelelwa kuli Leza, busombi bwako bwayezhya Leza mbobele. ³² Ono nkotuma omwe ku Joppa, kuya kwiita mulombwana Simon walo uli azhyina lya Petrol uli mung'anda yamu tanner uli anhina lya Simon, kumbali alweenje.' ³³ Cimwi ciindi ndaakutumina. Uli aluse wahika. Lino kwamana, tuli waano toonse mubuhyu bwa Leza kuti tumhvwe zhyoonse nzhyaka laililwa kuti zhyikananwe." ³⁴ Amane Petrol wakajula mulomo akwaamba, "Mahimpe ndateelela kuti Leza tasalauli. ³⁵ Mukuti, mumihyobo yoonse nkuhwumbwa oonse umuyoowa akucita ciluleme ula tambulwa kuli nguwe. ³⁶ Muli zhyi makani ngakatuma kubantu baku Israel, nakaambilizhya makani mabotu akwatikizhya luumuno kwiinda muli Jeso Klisto, uli ngo Mwami waboonse- ³⁷ nywebo lwenu mulizhyi zhyintu zhyinji zhyakacitika, mu Judea moonse, kutalikila ku Galilaya, nokwakamana lubizhyo Johani ndwakaambilizhya; ³⁸ izhyintu zhyikwatilizhya Jeso waku Nazaleta, mbuli Leza mbwaka munanika Moza usalala alimwi a nguzu. Wakeenda kuya bucita hibotu alimwi akuponya boonse bakanjililwe dyabooli, nkaambo Leza wakali anguwe. ³⁹ Swebo luli bakamboni ba zhyintu zhyoonse Jeso nzhyaakacita, koonse mu dolopo lyaba Juuda alimwi amu Jelusalem. Bakamujaya aku mwaanzhyika acisamu, ⁴⁰ pele Leza waka mubuhya mubuzuba bwa tatu akucita kuti alibonye kubantu, ⁴¹ kutali bantu boonse, pele kuli bakamboni aabo bakasalwa muciindi ceelele a Leza- kwiinda muli ndiswe notu lya alimwi akumwa anguwe naamana kubuka kuzhwa kubahwu. ⁴² Wakatulailila kukanana ku bantu akupa bumboni kwaamba kuti ooyu ngo nguwe uwakasalwa a Leza kuba mubetehi wa bapona abahu. ⁴³ Anguwe boonse ba nhinhimi balayubulula, kwaamba kuti oonse uhyoma muli nguwe atambule lulekelelo lwa zhyinyonyoono kwiinda muzhyina lyakwe." ⁴⁴ Kakuli Petrol kacikanana zhyintu eezhyi, Imoza usalala waka wila ali boonse bakali kuteelela makani. ⁴⁵ Bantu bakali kuzulilwa kunkaamu yabakondwa bapalule- abaabo boonse bakaboola a Petrol- baka kankamana, nkaambo cipewo ca Moza Usalala cakatilwa akwalo kuli bama Gentiles. ⁴⁶ Bakateelela aba bama Gentiles kaba kanana mumilaka akusumbula Leza. Kumane Petrol wakaingula, ⁴⁷ "Mbokuli inga umwi walehya meenzhyi kuti bantu batabbili, aba bantu bakatambula moza usalala mbubona mbuli ndiswe?" ⁴⁸ Eelyo waka balailila kuti babbile muzhyina lya Jeso Klisto. Bamane bakalomba kuti akale ambabo kwa mazuba ali mbwabele. I mungeli wakaamba kuli nguwe, "Mipailo alimwi abusomi bwako bwaunka mbuli ciibaluhyo ca mulumbo mubuhyu bwa Leza.