¹ Ono batumwa ababunyina bakali ku Judea bakahwa kuti bamasi abalo bakatambula izwi lya Leza. ² Ciindi Petulo nakabola ku Jelusalema, abo bakali kuzulilwa mukabunga ka bahikupalulwa bakamukazha; ³ baamba, ''Walikwiizha a batapalulilwe banalombwana a kulya ambabo!'' ⁴ Pele Petulo wakakanka kubapandwilila mubulahu, kaamba, ⁵ ''Ndali kupaila mudolopo lya Joppa, muciloto ndakabona cilengaano ca cibikilo kaciselemuka, mbuli mulembo mukando waselemuka kuhwa kwizeulu kaukwete zhoko zhone. Canhi kukkala kuli ndime. ⁶ Ndakalangiha mulinchico akuciyeeyeha. Ndakabona zhyinyama zyamaalu one zha munyika, banyama bamwisokwe, azhyintu zhikalaba, alimwi abayuni ba muluwo. ⁷ Nokwamana ndakahwa jwi lyaamba kulindime, 'Buka, Petulo; koyaya akulya! ⁸ Ndakaamba, 'Nee kutaliboobo, Mwami; nkaambo kunyina citondwa na citasalali cakanjilile mukanwa mwangu.' ⁹ Pele ijwi lyakaingula alimwi kuhwa kwizeulu, 'Eeco nchasalazha Leza, toyeyele kuciita kuti cilisohweele.' ¹⁰ Echi caacitika zhyindi zhotatwe, mpoona zhoonse zhakapiluhiwa kwizeulu alimwi. ¹¹ ''Nindakalanga, ndilyona kwakali bonya balombwana botatwe baliinhwi kumbele ang'anda mpotwakabele; bakatumwa kuhwa ku Caesarea kuli ndime. ¹² Moza wakadyambila kuti ngunke a mbabo, a kuti helele kulyaandanya kwendelana ambabo. Aaba bakwesu bali cisambonwi, bakaunka andime, antoomwe twakanjila mung'anda yamuntu uuya. ¹³ Wakatwaambila mbwakabona mungele kaihwi mung'anda yakwe akwaamba kuti, 'Kotuma balombwana ku Joppa a kuya kumuleta Simon wiitwa kuti Petulo. ¹⁴ Uya kukanana kulindiswe mulumbe uuleta luhutuko iwesu-mebo abang'anda boonse.' ¹⁵ Mbuli mbwindakatalika kukanana kuli mbabo, moza usalala wakahika aali mbabo, mbubona mbowatuhikila kumakankilo. ¹⁶ Ndakaibaluka mazwi a Mwami, mbwakakanana, 'Johane ncobeni waalikubbizha a meezhi; pele mulakabbizhiwa amoza usalala.' ¹⁷ Nakuti Leza wakabapa abalo cipego nchicona nchakatupa notwaka kondwa mu Mwami Jeso Klisto, mo mebo ndime, kuti ndikazhe Leza?'' ¹⁸ Nobakazhihwa ezhi zhintu, kunyina ncobakaamba mukwiingula, pele bakalumbaizha Leza akwaamba, ''Nkokuti Leza wapa kusanduka kwabuumi kuli bamahi abalo.'' ¹⁹ Ono aabo bakamwaikile kaambo kakuenhewa kwatalikila kuli Stephen bakamwaikila kulekule akusika ku Phoenicia, Cyrus, aku Antioch, a kukanana mulumbe kuli bama Juda balike. ²⁰ Pele bamwi babo, balombwana bahwa ku Cyprus, aku Cyrene, bakasika ku Antioch akukanana okuya akuba Giliki, akukanana kuli mbabo mulumbe ikanana Mwami Jeso. ²¹ Itanhi lya Mwami lyakali ambabo; banji bakakondwa akupiluka ku Mwami. ²² Makani a bantu aaba akabahikila mumatwi bachikombelo ku Jelusalema, akutuma Barnabas kuunka kuya kuhika ku Antioch. ²³ Nakahika a kubona luzyalo lwa Leza, wakakkomana akubakulwazha boonse kuti bakkalilile mu Mwami a muzeezo wa mumoyo. ²⁴ Mbuli mbwakali muntu mubotu kazwile moza usalala a luhomo, bantu banji bakasangana ku Mwami. ²⁵ Barnabas ndilyona wakanyamuka kuunka ku Tarsus kukapula Saulo cakucenjela. ²⁶ Nakamujana, wakamuleta ku Antioch. Cakakacitika kuti, kwamwaka woonse bakali kuswaanga antoomwe achikombelo akuyiiha bantu banji. Bahiciiya nkobakaitilwa cakutaanguna kuti mba Klisto ku Antioch. ²⁷ Ono mumazuba ayo bamwi bahihimi bakahika ku Antioch kuhwa ku Jelusalema. ²⁸ Umwi wabo, ulazhina lya Agabus, wakaimikila akutondezhya mu moza kuti kuyakaba nzala nkando munyina yoonse. Eci cakacitika mumazuba a Claudius. ²⁹ Aboobo bahiciiya, mbuli aumwi mbwakali kukonha, bakayandihiha kuti batume cakugwaha babunyina bali ku Judea. ³⁰ Bakakucita ooku; bakatuma mali kuli bamaalu mujanza lya Barnabas a Saulo.