¹ Ono cakali kuyanda kuba ciindi Mwami Herod naa kaboka matanhyi ali bamwi, bakali bacikombelo kutewa abahyupe. ² Wakajaya Jemusi munyina Jovwani apanga. ³ Naakabona kuti eci cakababotela bama Juda, wakazumanana kwaanga Petulo awalo. Cakali ciindi ca mazuba aa cinkwa cinyina bumena. ⁴ Naakamana kumwaanga; wakamubika muntolongo, wakabika bahikalumamba muzhyibeela zhyone kuti ba mulinde; wakali kuyanda kumuleta kubantu lyamana pasika. ⁵ Aboobo Petulo wakabikwa muntolongo, pele mipailo yakabikwa cakuhinizhya kuli Leza aboobo bakali mucokombelo. ⁶ Mumahiku Herod katanaunka kumuleta kukubetekwa, Petulo wakali koona akati kabahikalumamba bobile, kaangilwe ama nketani obile, kwalo bahikalumamba bakali kumulyanga wakumbele bakali kulindila ntolongo. ⁷ Amulange, mungele wa Mwami cakuhwambaana wakahibonya kuli nguwe, mumuni waka mweka muntolongo. Wakatonkela Petulo kumbali aku mubuhya alimwi waamba, ''Nyamuka kuhwambaana, ''Alimwi maketani akaloka kuhwa kumatanhyi akwe. ⁸ Mungele wakaamba kuli nguwe, ''Lyaange alimwi sama mpato,'' Petulo wakacita obo. Mungele wakaamba kulinguwe, ''Sama hyempe lyako unditobele.'' ⁹ Aboobo Petulo wakatobela mungele alimwi waunka wahwa. Kunyina nakazhyiba kuti cakacitwa amungele ncabwini. Wakayeeya kuti wabona cilengana. ¹⁰ Nobakainda mulindihyi wakutaanguna awabili, bahika kumulya wa lubulo oyo wakali kusololela ku muzhyi; wakajuka ulike. Bakahwa bakaunka mu munhzhila, elye mungele waka muhya mpoona awo. ¹¹ Petulo naakazhyingamuka, wakaamba, ''Ono ndazhyiba kuti Mwami watuma mungele wakwe alimwi wandivwuna kuhwa kutanhyi lya Herod, alimwi kuhwa kuli zyoonse bantu bama Juda bakali kulangila.'' ¹² Naakaibaluka ceeci, wakanjila mung'anda ya Maliya banyina Jovwani, utewa Mark, oko bantu nkababungene alimwi bakali kupaila. ¹³ Naakakonkomona amulyango wamanjililo, muhimbi muhyike uli azhyina lya Rhoda wakaboola kwiingula. ¹⁴ Naakahyiba zwilyaka Petulo, kuhwa mukukomana wakakakila kujula mulyango; mukuli boobo, wakaboola katiyana mung'anda; wakaambilizhya kuti Petulo wakali kwiivwi ku mulyango. ¹⁵ Aboobo bakaamba kulinguwe, ''Wayangaala.'' Pele wakazumanana kuti mbocibele. Bakati, ''Mungele wakwe!'' ¹⁶ Pele Petulo wakazumanana kukonkomona, alimwi nobakajula mulyango, bakamubona elyo bakagambwa. ¹⁷ Petulo wakaamba kuli mbabo atanhyi lyakwe kuti baamune, alimwi wakabaambila mbuli Mwami bwaamuzuhya muntolongo. Wakaamba, ''Amumuhimwine zhyintu ezhyi Jemusi abanyina.'' Elyo wakahwa wakaya kubusena bumbi. ¹⁸ Ono nobwakaca, kwakabula kunyongana kuhyoonto akati kabahikalumamba kuti cakacitika kuli Petulo. ¹⁹ Herod naakamana kumukapula alimwi kunyina naaka mubona, wakabuzya bahikalumamba akubambila kuti bajaiwe. Kwamana wakaselemuka kuhwa ku Judeya waya ku Caesarea akukala nkuko. ²⁰ Ono Herod wakanyemena bantu ba ku Tyre alimwi a Sidon. Bakaunka kuli nguwe amuzeezo, nobakamana kukombelezhya Blastus, muyovwi wa Mwami, kuti abayovwe, bakalomba luumuno nkaambo cihyi cabo catambula kulya kuvwa kulihyi ca mwami. ²¹ Mubuzuba bwakabikwa Herod wakasama zhyisani zhya bwami alimwi wakala acuuno cabwami; wakaamba kulimbabo. ²² Bantu bakayoba, ''Eli ndivwi lya Leza, kutali lyamuntu!'' ²³ Mpoona mpoona mungele wa Leza wakauma, nkaambo taapa Leza bulemu; wakaliwa mahunyu wakahwa. ²⁴ Pele izwi lya Leza lyaka yungihyiwa alimwi akuvwula. ²⁵ Ono Barnabas alimwi a Saulo nobakamanizhya mulimo wabo, bakapiluka kuhwa ku Jelusalema, ** baletezya Jovwani, nguwena ngutewa Mark.**