¹ Saulo wakahumina luhwu lwakwe, lino kwakatalika buzuba bukando bwa masukuhyo acikombelo mu Jelusalema; alimwi bahyomi bakamwaika mumasena manji a Judiya alimwi a Samalia, kuyali ba Apostolo. ² Balombwana balipele baka muhyika Stephen alimwi bakalilihya kulila nguwa. ³ Pele Saulo wakasola kumwaya cikombelo. Wakali kunjila mungánda, kuguhya boonse balombwana aba mukaintu, akubabika muntolongo. ⁴ Kakuli bakondwa bakamwaikile bakaunka baya bukambauka izwi. ⁵ Philipo wakaunka kumunhyi wa Samaria alimwi akwaambula kuli mbabo izwi lya ka Klisto. ⁶ Makamu abantu bakali kupa kuteelelehya kwini kuli cakali kwaambwa a Philopo; amuzeezo omwe baka muvwa, alimwi bakabona zhyitondezhyo zhyaakacita. ⁷ Mywoza mibyaabi yakavwa kubanji bakanjililwe, kulila azwi ikando, alimwi banji baka yuminine mibili alimwi aba lema bakaponezhyewa. ⁸ Kwali kutangala kukando mudolopo omo. ⁹ Pele kwali muntu umwi mudolopo hyina ngu Simon, kutaanguna wakali mucape; wakali kuba kunkamywa bantu baku Samaria naakali kulyaamba kuti wakali mutu muyandihyi. ¹⁰ Boonse baku Samaria, kuvwa kumwana kuhika kumu kando, bakamubikila maanu; bakaamba, ''Oyu muntu ukwete nsana zya Leza izhyaambwa kuti zyaambwa kuti zhyikando.'' ¹¹ Bakamuteelela nkaambo wakabakankamihya kwa ciindi cilanhyu abu mucape nwakwe. ¹² Pele nobashyoma Philipo mbuli mbwaakali kukanana mulumbe amakani aabulelo bwa Leza alimwi ahyina lya Jeso Klisto, baka bbizhyiwa, boonse balombwana abakaintu. ¹³ A Simon lyakwe wakakondwa, alimwi munhyi wakabbizhyiwa wakala a Philipo cakuzumanana. Naakaba zhyitondezhyo a milimo ya nsana kayicitika, wakakankamana. ¹⁴ Ono batumwa mu Jelusalema noba kahwa kuti Samaria wakatambula mazwi a Leza, bakatuma kuli mbabo Petulo alimwi a Jovwani. ¹⁵ Nabakaselemuka baka bapailila kuti batambule moza uusweya. ¹⁶ Nkaambo kuhika ceeco ciindi, moza uusweya kunyina nowakahikile ali umwi wabo; bakabbilile buyo muzhyina lya Mwami Jeso. ¹⁷ Elyo Petulo alimwi a Jovwani bakabika matanhyi alimbabo, bakatambula moza uusweya. ¹⁸ Ono Simon naa kabona kuti moza uusweya wakapewa kwiinda mukubika matanhyi aaba tumwa, waka bapa mali. ¹⁹ Wakaamba, ''Kamundipa nsana ezhyi, ambebo, kutewa kukuhumbwa ngwindabika matanhyi aangu katambula moza uuweya.'' ²⁰ Pele Petulo wakaamba kulinguwe, ''Insiliva yako ihwililile andiwe, nkaambo wayeeya kuyana cipo ca Leza amali. ²¹ Unyina cibeela noluba lubahwu mumakani aya, nkaambo moyo wako taululeme a Leza. ²² Aboobo sanguka kububi bwako obu, alimwi upaile ku Mwami, kutewa antela ula kulekelela ku mizeezo yamoyo wako. ²³ Nkaambo ndabona kuti uci muncehu lilula alimwi amu mimyinza ya bubihi.'' ²⁴ Simon wakaingula alimwi wakaamba, ''Kondipailila kumwami, kutewa kubule cicitika kuli ncaamba kuli ndime.'' ²⁵ Kabamanine kuzubulula alimwi akaamba zwi lya Mwami, Petulo alimwi a Jovwani bakapiluka ku Jelusalema, kukanana mulumbe ku mizhyi mizhyi ya Samaria. ²⁶ Ono mungele wa Mwami wakakanana kuli Philipo alimwi waamba, ''Yumuka alimwi koya utohye ku musanza ku nhyila yuunka ku Jelusalema kuya ku Gaza.'' (Eyi nhyila ili mulukula.) ²⁷ Wakayumuka waunka. Amubone, kwakali muntu kuhwa ku Ethiopia, muzhyibe, wa nsana nhyikando zya Candace, mwami mukaintu waku Ethiopia nguwakali kulanga langa buvubi bwakwe boonse. Wakaunkile kuyakukomba ku Jelusalema. ²⁸ Wakali kupiluka alimwi kakele mu nkalaki yakwe, alimwi wakali kubala muhinhyimi Isaiah. ²⁹ Moza waamba kuli Philipo, ''Koya ukakale mumbali a nkalaki eyi.'' ³⁰ Mpoona Philipo waka mutiyanina alimwi wakahwa kabala Isaiah muhinhyimi, alimwi wakaamba, ''Hena ulacihwa eco ncobala?'' ³¹ Elyo wakaamba, ''Inga ndahwa buti, cita umwi wanditondezhya?'' Watamba Philipo kuti aunke atante mu nkalaki alimwi akale anguwe. ³² Ono cibalo ca mangwalo muna Ethiopia ncaakali kubala cakali ceeci, ''Wakatolwa mbuli mbelele kuciyayile, alimwi mbuli mbelele kumbele a hikungela mbayuumuna, aboobo taakajula mulomo wakwe. ³³ Mukupenga kwakwe bululami bwakuhiya kuli nguwe. Nguni ukozhya kupa twaambo twamazhylane mubwini? nkaambo buumi bwakwe kwihiwa kuhwa munyika.'' ³⁴ Aboobo muzhyibe wakabuzhya Philipo, alimwi wakaamba, ''Ndakulomba, n'gambila nguni muhinhyimi ulyaamba, mukamwini, naa muntu umbi?'' ³⁵ Philipo wakatalika kwaamba, alimwi kutalika amangwalo wakakanana mulumbe ukanana Jeso kuli nguwe. ³⁶ Mbuli mbobakali kweenda muzhyila, bakahika aakali meezhyi alimwi muzhyibe wakaamba, ''Bona, kuli meezhyi awa. Nizhyi cindilehya ku bbizhyiwa?'' ³⁷ Philipo wakaamba, ''Naa wahyoma amoyo wako oonse, inga wabbizhyiwa.'' muzhyibe wakahwuwa, ''Ndahyoma kuti Jeso Klisto mwana wa Leza.'' ³⁸ Aboobo muzhyibe wakalalila nkalaki kuti yiime. Bakanjila mu meehyi boonse Philipo amuzhyibe, alimwi wakamubbizhya. ³⁹ Nobakahwa mumeezhyi, moza wa Mwami wakamutola Philipo, alimwi muzhyibe kunyina naa kamubona limbi, pele wakaunka munhyila kakomene. ⁴⁰ Pele Philipo wakalibonya ku Azotus alimwi wakainda mubusena obo, kakanana mulumbe muminhyi yoonse mane wahika ku Caesarea.