¹ Ono mumazuba aayo, mweelwe waba hiciiya wakali kuya kuvula, mpoona ba Juda baci Giliki bakatongekela bama Hebulayo, nkaambo bamukabahu bakuli mbabo tobakali kulanganyilwa kabotu mu ciindi cakwapaula lugwahyo. ² Mpoona ibali ikkumi ababili bakaita mabunga-mabunga abahikwiiya aku baambila kuti, ''Tacitibote kuti tuleke makani aa Leza tugame kwaba zyakulya mumatubule. ³ Aboobo amusale, bakwesu, akati kenu balombwana bali musnu ababili, balaaciimo cibotu, ibazwile muuya a busongo, mbotutipe mulimo ooyu. ⁴ Swebo, tutazumanana mumipailo akukambauka izwi.'' ⁵ Mbunga-mabunga abantu akabotelwa kumani aaya. Aboobo bakasala Sitivini, mulombwana wakazwile luhyomo amuuya usalala, a Philipo, a Pulokolasi, Nikkano, Timoni, Pamenasi, a Nikkolausi mukombi waku Antiyoki. ⁶ Bakabaleta aabo balombwana kumbele lya ba batumwa, bakabapailila akubabika matanhi. ⁷ Aboobo izwi lya Leza lyakaya kumbele, bahikwiiya bamu Jelusalema bakavula maningi, abapaihi banji-banji bakaluhumina lushomo oolu. ⁸ Ono Sitivini, wakazwile luhyalo ainsana hinji, wakali kucita hikankamaninhya ahitondehyo hikando kubantu. ⁹ Ono kwakayumuka mabunga bantu kazulilwa sinagogo ciitwa kuti sinagogo yabo bantu bakangululwa, ibahwa ku Cyrenians a Alexandriana, abamwi baku Cilicia aku Asia. Aaba bantu bakali kukahyanya a Sivini. ¹⁰ Pele tibacikonhya kuzunda busongo a muuya Sitivini ngwakali kutandihya. ¹¹ Mpoona bakaula makuto kuli bamalombwana bamwi ibakati, ''Twakamutelela Sitivini kambaula mazwi akusampaula Mozesi a Leza.'' ¹² Nobakamana bakayunza bantu, bamaalu, abulembi bamukwata Sitivini akumutola ku mbunga. ¹³ Bakaleta bakamboni bakubeya, bakamba kuti, ''Ooyu mulombwana talaki kwambaula mazwi asampaula busena busetekene amulawo. ¹⁴ Nkaambo twamuteele kaamba kuti ooyu Jeso waku Nazeleta uyakumwaya busena buno aku cinca tunhiya-nhiya twakatulila Mozesi.'' ¹⁵ Boonse bakali mumbunga bakamulangihiya mpoona bakabona kuti bunhyi bwakwe bwakaba mbuli bwa mungelo.