¹ Mbuli Petulo a Johvani kabacikanana ku bantu, ba kambauhi a musololi wa ntempele aba Sadduki bakaboola alimbabo. ² Bakali maninine kupezhyewa mukuti Petulo a Johvani bakali kuyiiha bantu akukambuka muli Jeso wakabuka kuzwa ku bahwu. ³ Bakabika matahi ali mbabo akubakkazhyi ka kuhikila manebwakaca, mukuti lya kali mangolezhya. ⁴ Pele bunji bwabantu bakazhwile mulumbe bakasyoma; alimwi mweelelwe wabantu ba kashoma bakali kulangilwa ku zhuulu zhyosanwe. ⁵ Cakazhi kulibonya mubuzuba bwakatobela kuti bamaleli, balupati-pati abama balembi bakaswaangana antoomwe mu Jelusalema. ⁶ Annas mupaizhi mupati wakaliko ooko, a Caiaphas, a Johvani, Alexander, a boonse bakali bamukowa wa mupaizhi mupati. ⁷ Nibakamana kuba a Petulo a Johvani akati kabo, bakababuzhya, ''Pele ino ninguzu zhyi, na muzhyina lili, moocila eeci?'' ⁸ Kumane Petulo, kazhwile moza uusweya, wakati kuli mbabo, ''Nyebo nobasololi babantu, anoba kando-kando, ⁹ kuti kakuli tuli mukunsunkwa sunu kukwatilizhya micito mibotu yakacitwa ku muntu mulwazhi, ambuli mbwaka ponyezhyewa, ¹⁰ Acizhyibwe kuli ndimwe noonse aku bantu boonse ba Isreal kwanu kali kabotu muzhyina lya Jeso Klisto wa Nazaleta, ngumwa kagagaila, pele walo Leza wakamubuha kuzhwa ku banhu. ¹¹ Jeso Klisto nde bbwe lyalo nyebo nobayaki ndomwakakaka pele lyalo lyakabaibbwe liyandihi. ¹² Kunyina lufwituko mumuntu uumwi, kaambo kunyina zhyina limbi ahi anjulu limpelwe akati kabantu mwalo motukozhya kuhutukila.'' ¹³ Ono nibakabona ku hinizhya kwa Petulo a Johvani aku yeeya kuti bakali bantu buyo, bataayiile bakagambwa, nibaka kayeeya kuti Petulo a Johvani bakali a Jeso. ¹⁴ Mukuti bakamubona muntu walo wakaponyezhewa kaizhwi abambo, bakabula cakwaamba cilwana ceeci. ¹⁵ Pele nibakamana kulalila batumwa kuti bahwe alubeta, bakaambaula muli cabo beni. ¹⁶ Bakati, ''Ino tucite buti abantu aaba? nkaambo maleele mapati acitwa kwiinda muli mbabo, alimwi eeci calibonya antangalala kuli bakkala mu Jelusalema, alimwi tatukozhi kucikaka. ¹⁷ Pele kucita kuti citayandilili limbi kuzhwa a kati kabantu, bacenjezhye kutakabi nobaya kwaambula alimwi kuli bamwi muzhyina eeli.'' ¹⁸ Kumane bakabaita kuti banjile akubaacenjezhya kuti batakakanani nokuba kuyiisha alimwi muzhina lya Jeso. ¹⁹ Pele Petulo a Johvani baazhwiila akuti kuli mbabo, ''Nokuba kuti cileelela mu bushu bwa Leza kutobela ndime kutali nguwe, ngomubeteka. ²⁰ Tatucikozhyi kuleka kukanana zhyikwatilizhya zhyintu zhyitwakabona akuteelela.'' ²¹ Nibakamana kubacenjezhya kwakaindi Petulo a Johvani, bakabaleka kuti beende. Bakakakilwa kuti bayane kaambo kakupela mulandu, mukuti bantu bakali kupabulemu kuli Leza kuli ceeco cakacitika. ²² Muntu walo wakacitilwa maleele akuponyezhyewa wakali amyaka yiinda kumakumi one akuzhyalwa. ²³ Kabalekezhyelwe, Petulo a Johvani bakaboola kubantu bakwabo a kubatondezhya zhyoonse zhyalo bapati-pati babapaizhyi aba maali zhyiba kabaambila. ²⁴ Nibaka kahiteelela, bakanyamuna mazhwi aabo amuzeezo amwe kuli Leza akuti, ''Mwami, wakabamba majulu anyika a lwizhi, a zhyoonse zhyilimumo. ²⁵ Wakaambaula amoza uusweya kwiinda mumulawo mumuzhyike wako, taata eesu Davida, 'Kaambo zhyi mahi abamahi ncaakayema, abantu kuyeeya zhyintu zhyitagwahi? ²⁶ Wakati, 'Bamami ba nyika bakaliswaanganya antoomwe, abalo bamaleli bakabungana antoomwe kulwana mwami a Mwami wakwe Klisto. ²⁷ Kahipo, boonse Herod a Pontius Pilato, antoomwe abamahi abantu ba Izilaili, bakabungana antoomwe mudolopo kkando kukazhyanya a muzhyike wenu uusetekene Jeso, ngumwakananika. ²⁸ Bakabungana antoomwe kuti bacite zhyoonse zhyalo itahi lyako amayalane aako akayeeya kuzhwa kumatalikilo kuti ciyakucitika. ²⁹ Ono, Mwami, kolanga kucenjezhya kwabo a kupa bazhyike bako kuti bakanane mulumbe acasana zhyoonse. ³⁰ Tandabika tahi lyako kuti uponye akupa zhyitondezhyo amaleele kwiinda mu zhyina lyamuzhyike wako usetekene Jeso.'' ³¹ Kabamanine kupaila, busena bwalo kubakaswaanganine antoomwe bwakazunganyizhyiwa, paawo boonse bakazuzhyiwa muza luusweeshi a kukanana makani a Leza ansana. ³² Mweelwe mukando wabaabo bakashowa bakali a moyo omwe amoza. Knyina naba omwe wakaamba kuti caakakwente cicakwe, pele bakali kulanga kuti zhizhabo boonse antoomwe. ³³ Kabakwente asana zhyinji bantumwa bakali kwaambaula akupabumboni bwabo akubuka kwa Mwami Jeso, a luzhyalo lwabo lwakali aali mbabo. ³⁴ Kwakanyina muntu naaba omwe wakali kubula cintu, mukuti boonse bakakwete nyika, na maanda bakaasambala a kuleta mali kuzhwa muzhyintu eezhi zhyakasambalwa. ³⁵ Akwaabinka kumaulu abantumwa, eelyo akaabanyizhyiwa kuli umwi aumwi kweendelanya akubula kwakwe. ³⁶ Josefwa, walo mutumwa ngwakali kwiita kuti Barnabas (calo cipandululilwe kuti mwana a luyumyoyumyo), na mu Leevi, muntu uzwa ku Cyprus, ³⁷ Wakasambala muunda wakali wakwe akwaaleta mali akwabinka kumaulu a mutumwa.