¹ Ono Petrol a Johani kabaya mwizeulu mu tempele mwihwoola lya kupaila, ihwoola lya ihwuka. ² Ono mulombwana wakali mulema kuhwa mukuzhyalwa kwakwe mwida lya banyina wakali kubwezwa kutolwa amulyango wa tempele litwa kuti Libotu. Bakali kumubika abusena awa abuzuba kutewa kalombelela kuli baabo bakali kunjila mu tempele kulugwahyo. ³ Nakabona Petrol a Johani kabayanda kunjila mu tempele, wakalomba lugwahyo. ⁴ Petrol, wakatonkomeka meso ali nguwe , nkabali a Johani, wakati, "Langa kuli ndiswe." ⁵ Oyo mulombwana mulema wakabalanga, kalangila kutambula cimwi cintu kuhwa kuli mbabo. ⁶ Pele Petrol wakati, "Inhilihwa a ngolide nhikwete, pele ncikwete ndakupa yebo. Muhina lya Jeso Klisto waku Nazareta, koyenda." ⁷ Waka mukwata atahi lyaku lulyo, Petrol wamuyumuhya, mpoona mulombwana maulu atumpokoto twakwe twakakwata insana. ⁸ Cakuhwatuka, mulombwana mulema wakatalika kweena; akunjila a Petrol a Johani mu tempele, kayenda, kasotooka, akulumbaizhya Leza. ⁹ Boonse bantu bakabona kayenda akulumbaizhya Leza. ¹⁰ Bakahiba kuti ngo mulombwana wakali kulombelela kubantu kugwahiwa amulyango mubotu wa tempele; mpoona bakazula kukankamana akukatahiwa nkaambo kaceeco cakamucitikila. ¹¹ Mbuli mbwakazumanana kukwatilila ku Petrol a Johani, bantu boonse bakatiyaanina kuli mbabo mubusena bwiitwa kuti Solomon, himagambyo makado. ¹² Ono Petrol nakabona ceeci, wakabahwuwa bantu, "Mwebo no balombwana ba Israelite, nkaambo nhi ncomukankamana? Nkaambo nhi ncomutonkomeka meso enu alindiswe, mbuli swebo ndiswe twamucita kuti ayende anguzu hyesu na buleza bwesu. ¹³ Leza wa Abraham, a Isaac, a Jokobe, Leza wama tata esu, walemekehewa mutwanga wakwe Jeso. Ngonguwe ngomwakaaba akumukaka kumbele abuhyu bwa Pilato, nakasalile kumwangulula. ¹⁴ Mwakamukaka ululeme akusetekana, mpoona mwebo mwaka lombozhya mujayi kupewa nguwe. ¹⁵ Mwakamuyaya mujani wa buumi, walo Leza ngwakabuhya kuhwa ku bahwu- aboobo swebo tuli bakaboni baceeci. ¹⁶ Mukulanganya lushomo mwihina lyakwe, ihina lyakwe lya kabamba muntu, walo ooyu ngo mwabona akuhiba, ansana. Lushomo kwiinda muli Jeso lwamupa muntu ooyu bululami bwanseba mubube bwenu noonse. ¹⁷ Ono, nobakwesu, Ndihi kuti mwaka cicita mukubula luhibo, buli mbobakacita abalo baleli benu. ¹⁸ Pele hintu zhyalo zhyakaambwa a Leza ku mulomo wabahinhimi, kuti Klisto wakwe uyakupenga, ono wazhyizuzukizhya. ¹⁹ Amweempwe, aboobo, a munyone, kutewa hinyonyoono zhyenu zhiguhiwe, ²⁰ kutewa muzhyindi zhya kuba mbululwa hihwa mubube bwa Mwami; kuti atume Klisto wakatondekwa akaambo kenu, Jeso. ²¹ Ngonguwe izeulu ngolyeelele kutambula muzhyiindi zhyakubambulula hintu zhyoonse, hikwatikizhya Leza nzhyakaambwa kuhwa kuzhyiindi zhya bahinsiku kwiinda kumulomowa basalali banhinhimi basalala. ²² Moses kahimpe wakati, Mwami Leza uyakubuhya bahihimi bali mbuli ndime kuhwa akati ka bakwesu. Muleelele kuteelela kuli coonse ncati mwaambile. ²³ Cilakacitika ku muntu uuta kateelehyi bahihimi uya kunyonyoonwa kuhwa kubantu babo; ²⁴ Inzhya, boonse bahihimi kuhwa kuli Samuel akuli baabo bakaboola munhi lyakwe, bakaambilizhya mazuba aano. ²⁵ Muli bana basankwa ibaba hihimi ba cizuminano ca Leza ncakabambwa abanhiku, mbuli mbwakaamba kuli Abraham, "mulunyungu lwako mikwahi yoonse ya munyika iya kujana zhileleko.' ²⁶ Nakamana Leza kubunhya mutwanga, wakamutuma kutaanguna kuli ndiwe, mukuti mulelekwe nywebo kwinda mukupiluka umwi aumwi kuhwa kubusohwanzhi bwenu.