¹ "No bakwesu ano matata, a muteelele ku uiminina kwangu kuli ndinywe." ² Mpoona mbungano niyakahvwa Paulo ka kanana mu mulaka waci zhyimbulu, ba kaumuna. Wakaamba kuti, ³ "Mebo ndimu Juuda, waka zhyalilwa mu Tarsus mu Cilicia, pele ndakayiila mu dolopo mumona kumatende a Gamaliel. Ndakalaililwa kwendelinye a mulawo uhini zhye waba ma tata. Ndi zuunyene mu Mwami, mbubona anyebo mbuli mbo mubele sunu. ⁴ Ndakapezhya muzhyila yaku yaya, ku kwaanga akutola bama lombwana aba makaintu mu ntolongo, ⁵ Mbuli mupaizhyi mukando aba maalu mbo bakozhya kupa bu mboni. Ndaka tambula mwangwadi kuhvwa kuli mbobo aaba kwesu bali ku Damascus, a kuunka okulya a kuya kubaleta ku Jerusalem ka baangilwe kuza kusubulwa. ⁶ Caka citika kuti ndakali kweenda a kuhika munhi munhi a Damascus, ciindi ca cikasaalizhyi mu ciindi cisshoonto mu muni makando kuhvwe kuzeulu waka ndimwekela a kundizhyinguluka. ⁷ Ndakawa aanhi akuhvwa izwi kalyaamba kuli ndime; 'Saulo, Saulo, ino undipezhyela zhyi? ⁸ Ndakaingulu, 'Ndiwe ni, Omwami?' "Ndime Jeso wa Nazareta, oyo ngopezhya; ⁹ Aabo mbotwakali limwi baka ubona mumuni, pele tobaka teelela izwi lyayooyo wakanana kuli ndime. ¹⁰ Ndakaamba,' Ncite zhyi, Omwami?' Mwami wakati kuli ndime, 'Koyumuka koya ku Damascus. Okulya uya kwaambilwa zhyoonse zhyoti kacite. ¹¹ Hinda ka kozhya kubona akaambo ka ku mwekesha kwa mumuni, ndaka kwatiltilwa akusolelelwa abaabo mbo twakali limwi. Ndaka hika ku Damascus. ¹² Okuya ndakaswaanganya mulombwana uuli a zhyina lya Ananias, mulombwana ulipele cakumanina ku mulawo alimwi uli a mpuwo mbotu kuma Juda boonse bakali kukkala nkuko. ¹³ Waka boola kuli ndime, waimikila munhi munhi lyangu akwaamba kuti, mukwesu Saulo, kolanga ono, 'muwoola ndilyona nda kamubona. ¹⁴ Mpona wakaamba, 'Leza waba tata waku sala kuti uzhyibe luyando lwakwe, kubona uusalala, akuzhwa izwi lyakwe kali hvwa kumulomo wakwe. ¹⁵ Nkaambo uya kuba kamboni wakwe kubantu boonse kuli ceeci ncobona akuhvwa. ¹⁶ Ino ono ulindila zhyi? Yumuka, bbizhyiwa, akusazhya zhyinyonyoono zhyako zhyoonse, kwiita izhyina lyakwe. ¹⁷ Nindakapiluka ku jelusalema, alimwi nindakacili kupaila mutempele, ndakabona mwami mumizeezo yangu. ¹⁸ Ndakamubona waamba kuli ndime, 'hwambaana kohwa mu jelusalema, nkaambo tabatiibutambule bumboni bwako bwaamba ndime.' ¹⁹ Ndakaamba, 'Mwami, lwabo beni balizhyi kuti ndakali kwaanga a kuuma aabo bakali kushoma muli ndiwe muma synagogue oonse. ²⁰ Ciindi bulowa bwa stephen kamboni wako nobwakatilwa, ambebo ndakaliinhwi akuhumina, alimwi ndakali kulanga zhyisani zhya baabo bakamuyaya.' ²¹ Pele wakaamba kuli ndime, 'Koya, nkaambo ndilakutuma kulaale kuli bama Gentiles.'" ²² Bakamuteelela kuhikila kaambo aka. Mpoona bakoongolola akwaamba kuti, "Tatuyandi muntu uuli boobo mukati kanyika, nkaambo taceelele kuti kapona." ²³ Mbuli mbobakali koongolola, kabasowaila ma zhyepe aabo, akuwaala manhwu mu luwo, ²⁴ mweendelezhyi waba hikalumamba waka lailila kuti Paul bamulete munganda. Wakalailila kuti abuhiwe akuumwa, kucita kuti walo lwakwe mwini azhyibe ncobakali kubwenta aali nguwe. ²⁵ Nobakamwaanga a ntambo, Paul wakaamba kuli hikalumamba wakaima munhi-munhi, "Hena cili mumulawo kuuma muntu waci Looma alimwi utana betekwa?" ²⁶ Hikalumamba naa kanhwa boobo, wakaunka ku mweendelezhyi waba hikalumamba akumwaambila, akwaamba, "Ino uyanda kucita nzhyi? Nkaambo muntu ooyu ngwa ci Looma." ²⁷ Mweendelezhyi waba hikalumamba wakaunka a kwaamba kuli nguwe, "kondaambila, hena uli waci Looma?" Paul wakaamba , "inhya." ²⁸ Mweendelezhyi waba hikalumamba wakahwiila, " Mweendelezhyi waba kahilumamba wakavwa, "Kwali buyo mali mangi ngenda kajana kuhwa ku bantu bacinhi." ²⁹ Aboobo bamalombwana bakali kuyanda kumubuzhya bakaunka mpona mpoona. Mweendelezhyi waba hikalumamba awalo wakayowa, nakahvwa kuti Paulo ngwa ku Roman, nkaambo wakali mwangile. ³⁰ Bubuzuba bwakaccilila, mweendelezhyi wakali kuyanda kuzhyiba twaambo tobakali kumutamikizhya Paul bama Jews. Aboobo bakwamwaangulula akulailila bapaizhyi bapati ambunga ya beendelezhyi kuti baswaangane. Mpoona paul bakamuleta akumukkazhyika akati kabo.