¹ Paulo wakailanga nkambe cakutonkomana akwaamba, "Bakwesu, ndapona muli Leza mukulihwa kabotu kuhikila sunu." ² Mupaizhi mupati Ananias wakambila bakainhwi munhi munhi kuti bamuume lukumbaizhi kumulomo. ³ Pele Paulo wakati kuli nguwe, "Leza ula kuuma ayebo, obwanda bwamanimani bulambile cikula. Hena ukkele kumbeteka kumulawo, kakuli wahwumizhya kuti ngumwe, citali mumulawo. ⁴ Bakainhwi munhi bakati, "Hena mbonga watukana mupaizhi mukando wa Leza?" ⁵ Paulo wakati, "Nhindali kuzhyi, bakwesu, kuti oyu ngumupaizhi mukando. Nkaambo kuli lembelwe kuti, 'Toyelele kwaamba bubi kuba sololi ba bantu. ⁶ Paulo nakabona kuti kuli umwi wakambe yaba Sadducees alimwi abamuli ba Pharisees, wakapozomoka mukambe, "Bakwesu, mebo ndimu Pharisee, mwana wa ba Pharisee. Nkaambo buyo kakuti nkwete bulangizhi kububuke bwabahwu nchebetekehwa," ⁷ Nakamba ceci, kukazyanya kwakatalika akati kaba Pharisees aba Sadducees, alimwi mbunga yoonse yakaba mukwaandana. ⁸ Nkaambo ba Sudducees baamba kuti kunyina bubuke, abngele, alimwi amyoza, pele bama Pharisee bala zhihwumina zhyoonse. ⁹ Kwakaba kukazhyanya kukando, bamwi balembi balikubalilwa kuba Falisi bakaima akukazhya, kabati, "Kunyina cilubile a muntu ooyu. Ino nakuti moza antela mungele waamba kuli nguwe." ¹⁰ Nokwakaba ngwawa, sikalumamba mupati wakayoowa kuti Paulo bala mukwamauna, wakalailila bahikalumamba kuti bamukuhe akati kankambe, aku mutola kung'anda ya chikwabililo. ¹¹ Mangolezhya akatobela Mwami wakaima munhi lyakwe akuti, "Bahicamba, mbubona mbondizubulula mu Jelusalema, nkokuti ukandizubulule amu Roma." ¹² Nobwakaca, bamwi ba Juda bakapanga muzeezo alimwi akulibika mucikonke, akuti tabakwe kulya a kunywa nociba comwe kuhikila Paulo ahwe. ¹³ Baka panga muzeezo oyu bakali kwiinda kuma kumi one. ¹⁴ Bakaunka kumupaizhyi wandelezhya akubamaalu akuti, "Twakonka cikonke cikando kutalya nokuba comwe kuhikila tumuyaye Paulo. ¹⁵ Ono, aboobo, inkambe aimulombe sikalumamba, mukando kuti amulete kuno kuli ndiwe mbuli kuti uyanda kukamaniizhya kaambo kakwe. Swebo, tulilibambile kumuyaya katana hika kuno." ¹⁶ Mwana wamucicizhyi wa Paulo nakahwa kuti bamulindilila muzhila, wakaunka kung'anda yabukwabilizhyi akumwaambila Paulo. ¹⁷ Paulo eaka mwiita umwi waba centurions akwaamba, "Komutola oyu musankwa kuli sikalumba wendelezhya, ulakambo nkakete kuli nguwe. ¹⁸ Mu centurion wakamutola musankwa ooyu kuli sikalumba wendelezhya akuti, "Paulo mwaange wali njitile, akunomba kuti ndimulete musankwa ooyu kuli ndiwe. Kuli kaambo nkayanda kwaamba kuli ndiwe." ¹⁹ Sikalumba wendelezhya waka mukwelela amabali akumubuzhya, "Ino nkaambo zhyi nkoyanda kwaamba kuli ndime?" ²⁰ Musankwa wakati, bama Juda bahwumina kuti bakulombe kuti umulete Paulo cihumo ku nkambe, mbuli bayanda kunhwinhinhinha akaambo kakwe. ²¹ Utabahwumihi, nkaambo mbanji kwiinda makumi one balindila muzhila. Bakonkezhya kutalya nokuba kunywa kusikila bamuyaye Paulu. Cino ciindi balilibambile, balindila buyo kuti uhuminhye." ²² Sikalumba wendelezhya waka mulekezhya mwana musankwa ooyu, nakamana kumulailila kuti, "Utambili muntu naba omwe kuti wangambila." ²³ Wakaita ba centurion bobile akwaamba, "Mubweze bahikalumamba bali myanda yobile baunke ku Caesarea, bamabiza bali makumi ciloba, a myanda yobile yaba himasumo. Muya kutalika kwenda a woola lyatatu masiku." ²⁴ Wakabambila kuti balete banyama mbati katante caku kwabililwa Paulu watolwa kuli Felix mukando wa dolopo. ²⁵ Wakalemba lugwalo oolu: ²⁶ "Claudius Lysias kuli himutwe mukando Felix, ndakwaazhya. ²⁷ Mulombwana oyu wakaangwa aba JUda bali kuyanda kumuyaya ninda kamubweza aba sikalumamba aku muhutula, nkaambo ndakahwa kuti wakali hicihi waci Roma. ²⁸ Ndali kuyanda kuhvwa mulandu gwakaleta ndakamutola ku nkambe yabo. ²⁹ Ndakahwa kuti baali kumupa mulandu kaambo kakubuzhya mulawo wabo, nokuba boobo kunyina kaambo kakozhya kumuyazhya nokuba ntolongo. ³⁰ Ndakatambula kaambo kakuti balia muzeezo wa kumuyaya, aboobo ndamutuma kuli ndiwe akwili bahikumutani mikizhya kuti bale twaambo twa mulundu wakwe kubuhu bwako. ³¹ Basikalumamba bakatobela malailile. Bakamubweza Paulu akumutola mahiku ku Antipatris. ³² Buzuba bwacilila, basikalumamba bakazhwa akuhiya bahimabiza kuti ba unke anguwe balo bapiluka kung'anda yabukwabilizhyi. ³³ Bahimabiza nobakahika ku Ceasarea akumupa ngwadi musololi mukando wa dolopo awalo Paulu bamupa kuli nguwe. ³⁴ Musololi mukando wa dolopo nakabala ngwadi, wakabuzhya cinkoswa Paulu nkwakali kuzulilwa. Nakazhiba kuti wali kuhwa ku Cilicia, ³⁵ wakamba, "Ndakuteela cakumaninina bahi kaambo nyoko bahika kuno." Wakalailila kuti abikwe mung'anda yanhwulumende inkando.