¹ Notwakamana kwandaana ambabo akunjila mubato, bwato bwakatola iisuumana kuya kwidolopo ilya Cos, kumane buzuba bwakatobela twakaya kwidolopo ilya Rhodes, kwamana kuhvwa waawo ndiswe kwi dolopo ilya Patara. ² Notwakayana bwato ubulandukila kwitala kuya ku Phoenicia, twakanjila akukanka kulanduka. ³ Notwakamubona Cyprus, twakabembeleka twamubik kulumwenhyi ulwa bwato, ndiswe twakakwasula kululamina ku Syria twakwiimina ku Tyre, uko bwato nkobwakali kuseluhila impahya. ⁴ Notwakamana kubayana bahiciiya, twakakala kuya mazuba aali ciloba. Kwiinda mu Moza bakatolelela kumukahya Paulo kuti ataunki ku Jerusalema. ⁵ Mazuba eesu akuba kokuya naakamana twakahvwa uko akutola inzhyila iyesu buyo, alimwi abalo boonse, abamakaintu babo a bana, bakatuhindikizhya kuhvwa mu dolopo. Nokwakamana twakahwukama anhyi kunkomwe, twapaila, ⁶ kumane twakalayana umwi aumwi twandaana. Mpoona twakatanta mubwato balo bakapiluka kumunzhyi uwabo. ⁷ Notwakamana muhyinzo kuhvwa ku Tyre, twakahika ku Ptolemais. kulya twakaanzhyanya aba kwesu akukala ambabo ukwa buzuzuba bomwi. ⁸ Nobwakaca buzuba ubwakatobela twakahvwa uko akuya ku Caesarea. Twakanjila mung'anda iyaa Philip, muhvwangeeli uwakali umwi uwabali ciloba, alimwi twakakala anguwe. ⁹ Ono uyu muntu wakakwete bana bone bahimbi banakalindu ibakali kuhinhyima. ¹⁰ Mbutwakacihite kulya ukwa mazuba, kaboola kuselemuka kuhvwa ku Judea umwi muhinhyimi uwakali kutew Agabus. ¹¹ Wakaboola kuli ndiswe akubweza lutambo ulwa Paulo. Andulo wakaanga maulu aakwe amatanhyi alimwi wakati, " Mboobo mbuwamba Moza Usalala, 'Ubu mbubona bama Juda ibamu Jerusalema mbobati kamwaange mulombwana mukamwini lutambo ulu, kwamana balakamwaaba mumaaza aaba Mahyi.'" ¹² Notwakateelela zhyintu izhyi, toonse swebo abantu ibakalikukala mubusena ubo baka kombelela Paulo kuti ataunki ku Jerusalema. ¹³ Ndilyona Paulo wakaingula, "Mucita nzhyi mwebo, kulila akuntyolaula moyo wangu? Nkaambo ndilibambile, kutali buyo kuya ukwaangwa, pele nokuba kuhwa mu Jerusalema akaambo kazhyina ilya Mwami Jeso." ¹⁴ Akaambo kakuti Paulo takali kuyandihya kuhyinikizhyiwa, twakaleka kusola sola akwaamba kuti, Luyando ulwa mwami ulucitwe." ¹⁵ Nakainda mazuba aaya, twakabweza mabbeeke eesu akuya ku Jerusalema. ¹⁶ Alimwi kwakatusangana abamwi bahiciiya ibahvwa ku Caesarea. Balo bakaletelela a mulombwana ukwete izhyina ilya Mnason, mulombwana uuhvwa ku Cyprus, hikwiiya iwakalekale, ngutwakali kunga tukala ilimwi. ¹⁷ Notwakahyika ku Jerusalema, bakwesu bakatutambula icakukondwa. ¹⁸ Nobwakaca buzuba butobela Paulo wakaunka andiswe kuli James, alimwi boonse bamaalu kabaliko. ¹⁹ Naakamana kubaanzhya, wakabaambila omwe omwe zhintu nzhyakacita kuli bamahyi kwiinda mumilimo iyabukambauhyi bwakwe. ²⁰ Nobakaciteelela, bakalumbaizhya Leza, akumwaambila kuti, "Wakubona, mukwesu, ino hyuulu zhyongaye ibakahyoma akati kbama Juuda. Boonse buyo balayandihya kubamba mulawo. ²¹ Boonse bakahimwinwa kukwatikizhya ndiwe, kwaamba webo ulayiihya boonse bama Juuda ibakali akati aabamahyi kuti basowe mulawo iwaa Muusa, alimwi akuti ubambila kuti bana babo kabatapalulwi alimwi kabatatobeli zhyiyanza izhyakaindi. ²² Tulacita buti? Mumahyimpe balateelela kuti webo nkoli wahyika. ²³ Ono ucite umbona mbotwamba kuli ndiwe. Tulikwete bamalombwana bone iba kakonkezhya. ²⁴ kobabweza ibamalombwana aaba kutewa ulisalazhye ambabo, akubalungilila milandu iyabo, kutewa bakululwe kumitwe iyabo. Kutewa bantu boonse bazhyibe kuti zhyintu zhyoonse nzhyobakaambilwa kukwatikizhya ndiwe nzhyakubeya. Balo byakuzhyiba kuti ayebo ulatobela mulawo. ²⁵ Pele kukwatikizhya bamahyi ibakahvwumina, twakabalembela akubapa malailile aakuti kabalikahya kuzhyintu izhya kutuula ku mituni, kubulowa, akuzhyintu zhyihyinwa aku nkwela." ²⁶ Ndilyona Paulo wakababweza bamalombwana, alimwi nobwakaca, mukulisalazhya ulwakwe ambabo, bakaya mutempele, kwaambilizhya ciindi ica mazuba aakusalazhiwa, kuhikila cituulo ca kutulwa ica omwi omwi wabo. ²⁷ Mazuba aaliciloba naakayanda kumana, bamwi bama Juuda ibahvwa ku Asia, nobakamubona mu tempele, bakayunganga inkamu yabantu yoonse, akumukwata walo. ²⁸ Bakali kuyoba kwaamba, "Nobalombwana iba Isreali, amutugwahye. Uyu ngo ngomulombwana uyiihya bantu boonse koonse koonse zhyintu izhyilwana bantu, a mulawo, abusena obuno. Atala aboobo, alimwi waleta ba Greeki mu tempele alimwi wasohwaazhya busena obuno busalala." ²⁹ Nkaambo bakalikumubwene limwi a Trophimus iwku Efeso anguwe mu dolopo, alimwi bakayeeya kuti Paulo wakamuletele mu tempele. ³⁰ Lyoonse idolopo lyakaba aamujungwe, alimwi bantu bakalukanka antoomwe akumukwata Paulo. Bakamukwebaizhya kuhvwa mu tempele, alimwi ndilyona milyango yakajalwa. ³¹ Mbuli mbobakali kusoleka kumuyaya, makani akahyika kumukando iwabsololi ibabahikalumamba kuti Jerusalema yoonse yakali mukukalala. ³² Mpoona awo wakabeza ba hikalumamba abhikuhvwumizhya akutiyaanina ku mbunga yabantu. Mpoona bantu nobakabona mukando iwabahikalumamba aba hikalumamba, bakaleka kumuuma Paulu. ³³ Ndilyona mukando iwaba hikalumamba wakabatobela akumukwata Paulu, akulilila kuti aangwe inkeetani zyobile. Mpoona wakamubuzhya kuti wakali ni alimwi ancaakacita. ³⁴ Bamwi ibakali mumbunga yabantu bakali kwaamba cimwi alimwi bamwi bakali kwaamba cimbi. Akaambo kakuti mukando wabahikalumamba wakabula kaambo nkabweza nkaambo kakuyobeka, wakalailila kuti Paulo aletwe mukati. ³⁵ Naakahika amalale akutantila, bahikalumamba bakamubweza nkaambo kabukali ibwa mbunga ya bantu. ³⁶ Nkaambo inkamu yabantu yakali kuyaa kutobela akuya kooloma kuti, "Amumutole uyo kaya!" ³⁷ Paulo nakahika munhyimunhyi kutolwa mukati, wakaambila mukando abahikalumamba kuti, "Ndomba kwaamba cintu comwe buyo kuli ndiwe?" Mukando wabahikalumamba wakaamba, "Hena ulabandika ci Greeki? ³⁸ Hena nkokwaamba toli ndendiwe mu Egypita, uwakali kusololela buzangi akusololela bamalombwana ibali zhyuulu zhyone bana 'Assassins' kubakwihya akubatola munkanda?" ³⁹ Paulo wakaamba kuti, "Mebo ndi mu Juuda, kuhvwa ku dolopo lya Trsus mu Cilicia. Mwanaa cihyi iwa ku dololopo likwete impuwo. Ndalomba, nkwete izwi abantu aaba ilyakukanana." ⁴⁰ Naakamana kumuhvwumizhya mukando iwa bahikalumamba, Paulo wakaimikila amatantilo akwaamba katambika kubantu. Nobakatontomena akuumuna kukando bantu, wakakanana kuli mbabo muci Hebrew. Wakaamba kuti,