¹ Nikwakamana kulila akusabila, Paulo wakainta ba hiciiya naakamana kuba yumya yumya, waka balaya akuya mu Macedonia. ² Nakamana kuzhinguluka zhyinkoswaeezhyo, akukanana mabala manjimakuyumywa yumya kuli mbabo, waka boola ku Greece. ³ Nakamana kunkwanya mwezhyi yotatwe kuya, bama Juda baka mukaza naa kacili kuyanda kwiinda ku Syria, mpoona wakapiluka wainda mu Macedonia. ⁴ Bakamuhindikila kuhika ku Asia wakali Sopater mwana wa Pyrrhus uuzwa ku Berea; Aristarchus a Secundus, boonse bahvwa ku Thessalonian bahyome; Gaius waku Derbe; Timothy; a Tychicus a Trophimus kuzwa ku Asia. ⁵ Pele ba malombwana aba bakaunkele kumbele lyesu alimwi bakali kutulindila ku Troas. ⁶ Twakeenda mubwato kuzhwa ku Philippi nikwakainda mazuba a mukamu, alimwi mu mazuba aali musanu twakahika ku Troas. Okuya twakankala mazuba aali ciloba. ⁷ Mubuzuba bwakusaanguna mu mhwiki, katubungene antoomwe kukomona cinkwa, Paulu waka kanana ku bashomi. Wakali kuli bambila kukuunka buzuba bucilila, aboobo wakaiindilizhya mulumbe kuhika akaanda bwe. ⁸ Kwakali malambe manji manji mung'anda yamu zeulu mutwakabele toonse. ⁹ Ampulungwido kwakankele mulombwana wazhyina lya Eutychus, walo wakali koona. Mbuli Paulo mbwakali kuzumanana kukanana, ooyu mulombwana, wakacili koona, wakawa anhi kuhvwa mung'anda yatatu baka mubwezela kafwile. ¹⁰ Pele Paulo wakaunka anhi, waka lyoolola ali nguwe, akumukumbata. Poona wakati, "Mutatyopwi limbi, nkaambo ulapona." ¹¹ Mpoona wakaunka mwizeulu alimwi a kukomona cinkwa akulya. Nibakamana kukanana ambabo kwaciindi cilamhwu kuhikila kubucelo, wakaunka. ¹² Baka mupilusha musankwa kapona akumuumizhya kapati. ¹³ Swebo lwesu tubeni twakaunka kumbele lya Paulo a bwato akweenda kuya ku Assos, kwalo kutwaka kuyeeya kutahika Paulo mubwato. Eeci ncakali kulombozyz kucita lwakwe mwini, nkaambo wakali kuyanda kweenda mumugwagwa. ¹⁴ Nakatuswaanganya ku Assos, twakamutola ku bwato akuya ku Mitylene. ¹⁵ Twakeenda mumulonga kuzhwa kokuya akuhika buzuba bwakatobela kukasumbu ka Chios. Buzuba bwakatobela wakahika ku nsumbu ya Samos, alimwi mu buzuba bwakatobela nitwakahik ku dolopo lya Miletus. ¹⁶ Mukuti Paulo wakayandile kweenda a bwato kwiinda ku Ephesus, kutewa atasowi ciindi cili coonse mu Asia; mbuli mbwakabindile kuba mu Jelusalem mubuzuba bwa kutambula moza, kuti nicakali kukozhyeka kuli nguwe kucita oobo. ¹⁷ Kuzhwa mu Miletus wakatuma balombwana kuli Ephesus akumwiitila bamaalu cikombelo. ¹⁸ Nibakaboola kuli nguwe, wakabaambila kuti, "Nywebo lwenu mulizhi, kuzhwa buzuba bwakutaanguna nendakalyata mu Asia, mbuli mbundakasowa ciindi cangu andimwe. ¹⁹ Ndakazhumanana kubelekela Mwami amizeezo iitali kabotu a misozhi, amumasunko aakacitika kuli ndime akaambo kamakaze aaba Juda. ²⁰ Mulizhi mbuli mbwinda takaleka kwaambilizhya kuli ndimwe cilicoose eeco cakali kukozhya kugwazhya, ambuli mbunda kamuyiishya antangalala alimwi kuzhwa kung'anda ang'anda, ²¹ hepa bumboni kuli bama Juda ama Greek akaambo kakwempywa kuli Leza aku lushyomo mu Mwami wesu Jeso. ²² Ono amulange, ndiya ku Jelusalema, kutoolwa a Muuya, hetazhyi ciya kucitika kuli ndime okuya, ²³ pele buyo kuti Muuya Usalala upa ndime bumboni kuti mu dolopo lili lyoonse, mankeetani ama pezhyi alabdilindila. ²⁴ Pele hecibwezhyi kuti buumi bwangu bukwete pindu kuli ndime ndemwini, kuti buyo naandamanizhya kutiyana akumanizhya mukumanizhya milimo eelyo njinda katambula kuhwa ku Mwami Jeso, kuti ndipe bumboni kumulumbe wa luse lwa Leza. ²⁵ Ono amubone, ndizhyi kuti noonse, akati kabaabo mbindakaunkila kwaambaula bwami, tabakabuboni limbi bushu bwangu. ²⁶ Aboobo ndapa bumboni kuli ndimwe obuno buzuba, kuti ndasalala kuzwa kubulowa bwa muntu uuli woonse. ²⁷ Mukuti kunyina nindakalikele kwaambilizhya kuli ndime kuyandishya koonse kwa luyando lwa Leza. ²⁸ Aboobo amucenjele kuli lwenu nubeni, ambelele walo Muuya Usalala ngwaka muntondekela kusololela. Amucenjele kweembela cikombelo ca Leza, calo ncakaula abulowa bwakwe. ²⁹ Ndilizhyi kuti ndamana kunyamuka, baupe baluma baya kuboola akati kenu akuluma mbelele. ³⁰ Nokuba kuzwa muli ndime bantu baya kuli bonya akuzhyibinganya kahimpe kutanda bahiciiya kuzhwa kuli mbabo. ³¹ Aboobo amucenjele. Muyeeye kuti mumyaka yotatwe nyina nindakaleka kumucenjezhya umwi aumw mahiku amahikati amisozhyi. ³² Ono ndamuhiya muli Leza amumulumbe wa luse lwakwe, lyalo likozhya kumuyaka akumupa chikono akati kabo boonse baka salazhyiwa. ³³ Hiinda kanyonokela siluva, golide nokuba zhyakusama. ³⁴ Nywebo lwenu mulizhyi kuti aaya matanhi zhyindakali kuyanda azhyakali kuyanda baabo mbutwakali limwi. ³⁵ Muzhintu zhyoonse ndakamupa mukonzhyano mbuli mbomukonzhya kugwahya baabo banyina nsana kwiinda mukubabelekela, ambomukonzhya kuyeeya mazwi aa Mwami Jesu, mazwi walo mwini ngaakaamba: 'Cililelekelwe kapati kupa kwiinda kutambula.'" ³⁶ Naakamana kukanana munzhyi eeyi, wakafhugama anhi akupaila a mbabo boonse. ³⁷ Kwakali kulila kapati akumukumbata Paul akumumyonta. ³⁸ Bakali mumause kapati akaambo mbwakaamba, kuti tabaka buboni alimwi buhyu bwakwe. Mpoona bakamuhindikila ku bwato.