¹ Nokwakamana zhyintu eezyi Paul wakazhwa ku Athens akuunka ku Corinth. ² Kulya wakaswaanganya mu Jew wazhyina lya Aquila, himinzhyi wa Pontus, wakazhyila ku Italy a mwinakwe Priscilla, nkaambo Claudius wakalailila boonse bama Jews kuti bazhwe mu Looma. Paul wakaya kuli mbabo, ³ alimwi nkaambo wakabeleka mpindu iikonzhyene, wakakkala ambabo alimwi akubeleka, mbobakali bahikubamba matente mu mpindu. ⁴ Aboobo Paul wakali kukambauka mu synagogue nsabata a nsabata, kusola kukombelezhya boonse bama Jews abama Greeks. ⁵ Ono Silas a Timothy nobakaboola kuzhwa ku Macedonia, Paul wakalipa lwakwe kuzwi, kalungulula kuma Jews kuti Jeso wakali Klisto. ⁶ Pele bama Jews nobakakazhya alimwi akumutukana, Paul wakabasowela zhyisani zhyakwe alimwi wakaamba kuli mbabo, "Bulowa bwenu bube amitwe yenu; mebo ndasalala. Kuzhwa ono ndilaunka kuli bama Gentiles." ⁷ Mpoona wakazhwa akuunka kung'anda ya mulombwana ulaazhyina Titus Justus, mulombwana wakali kupaila Leza. Ng'anda yakwe yakali munhyi- munhyi aa synagogue. ⁸ Crispus, musololi wa mu synagogue, wakali kushoma mu Mwami, antoomwe a mukwahi wakwe oonse; Alimwi abanji bwa bama Corinthians bakaunhvwa mulumbe bakashoma akubbizhyiwa. ⁹ Mwami wakaamba kuli Paul kuciloto ciindi camahiku, "Utayoowi, pele ambaula alimwi utaumuni. ¹⁰ Nkaambo ndaandiwe, alimwi kunyina utiisole kukucisa pe, nkaambo ndi kwete bantu banji mu dolopo muno." ¹¹ Paul wakakkala okuya kwamwaka a myenzhyi cisambomwe, kayiika zwi lya Leza akati kabo. ¹² Ciindi Gallio naakaba mweendelezhyi wa Achaia, bama Jews bakanyampuka amaanu omwe kukazhya Paul akumuleta kumbele lya cuuno ca lubeta; ¹³ Bakaamba kuti, "Ooyu mulombwana ukombelezhya bantu kuti bakombe Leza eeci cikazhyana amulawo." ¹⁴ Pele Paul naakali kuyanda kukanana, Gallio wakati kuli bama Jews, "Nywebo no bama Jews, nokwali kuti wabihya naa wacita mulandu mukando, ninda teelela ncomwaamba. ¹⁵ Pele mbokuli eeyi mibuzhyo iikwatikizhya mazwi a mulawo wenu nobeni, amulibetekele nobeni. Hiyandi kuba mubetehyi watwaambo ootu." ¹⁶ Gallio wakabaambila kuti bahwe ku cuuno calibeta. ¹⁷ Aboobo bakamukwata Sosthenes, mweendelezhyi wamu synagogue, akumuuma kumbele a cuuno cabetekelo. Pele Gallio taakabikkila maanu kuli ncobakali kucita. ¹⁸ Paul, naakamana kukkala ookuya kwa mazuba manji, wakabahiya bana bakwabo watanta bwato kuya ku Syria a Priscilla a Aquila. Katana njila mubwato, Cenchreae, waka gela masusu aakwe akaambo cokonke ncaaka konkezhya. ¹⁹ Nobakahika ku Ephesus, Paul wakabahiya Priscilla a Aquila ookuya, pele walo lwakwe mwini wakanjila mu Synagogue a kubandika a bama Jews. ²⁰ Nobakamulomba Paul kuti akkale kwaciindi cilanhu- lanhu, waka kaka. ²¹ Pele naakabalaya wakaamba kuti, "Njakupiluka alimwi kuza kumubona kwiinda muluyando lwa Leza." Mpoona wakanjila mubwaato kuhwa mu Ephesus. ²² Ciindi Paul naakahika ku Caesarea, wakaunka ku kwaanzhya mbungano mu cikombelo camu Jerusalem akuzumanana kuya ku Antioch. ²³ Naakama kukkala kwakaindi kashoonto, Paul wakaunka ku Galatia a Phrygia, kuya kuyumya- yumya bahiciiya boonse. ²⁴ Ono mu Juda umwi wiitwa kuti Apollos, muzhyalwe mudolopo lya Alexandrian, wakaboola ku Ephesus. Wakali musongo alimwi waliazhyi malembe. ²⁵ Apollas wakali laililwa mukuishya zhya Mwami. Kali muntu uzunyene mu moza, waku yiisha kabotu muzhyila zhya Jeso, pele wakazhyi buyo lubbizhyo lwa Johani. ²⁶ Apollos wakatalika kukanana caku tayoowa mu synagogue. Pele Priscilla a Aquila nibaka muhwa, baka mukwelela ambali aku mupandulila kabotu makani a Mwami. ²⁷ Nakayeeya kuya ku Achaia, ba bunyina baka muyumya yumya a kulemba mangwalo kuli bahiciiya baku Achaia kuti bamu tambule kabotu. Nakahika, wakaba ngwanhya boonse bakahyoma muluse. ²⁸ Apollos waka bakazhya bama Juda caantangalala, akutondezhya kwiinda mu malembe kuti Jeso ngu Klisto.