¹ Ono nobakainda mudplopo pati lya Amphipolis amu Apollonia, bakahika ku dolopo lya Tesolonika, kwalo oko kwakali sinagogo lyaba Juda. ² Paulo, mbuli cilengwa cakwe, wakabaunkila, kwama nsabata otatwe wakabaiha kunhwa mumangwalo. ³ Wakalikubala mangwalo akupandulula kuti cakali kuyandika Klisto kuti apenge akubuka alimwi kunhwa ku bahu. Wakati, ''Oyu Jeso ngwimukambaukila ngo Klisto.'' ⁴ Bamwi bama Juda bakabotelwa akumusangana Paulo a Silasi, kusanganya a bantu banji bapati ba ci Giliki, kuleka buyo bamakaintu bakali bakando-kando. ⁵ Pele bama Juda batahomi, kabeendelezhyewa amunyono, bakatola balombwana babi kuzwa ku masambalilo, bakabungika makamu antoomwe, akubamba lupyopyongano mu dolopo. Bakauma ba ng'anda ya Jesoni, kabakapaula kuguha Paulo a Silasi kuti banhwe mu bantu. ⁶ Pele nobakakabajana, bakamutonkaika Jesoni antoomwi abana bakwabo kumbele abeendelezhyi ba mu dolopo pati, kabalila, ⁷ ''Aba bamalombwana ibanyonganya inyika akokuno baboola. Aba bamalombwana Jesoni mbatambula babeleka kulwana milwo ya Caesar; baamba kuti kuli umbi mwami-Jeso.'' ⁸ Bakanyonganya buleya abeendelezhyi ba dolopo-pati nobakahwa zhyintu eezhyi. ⁹ Pele nobakatola ntaamu yakuleha kuli Jesoni akubezhyinyina, bakabelekezhya. ¹⁰ Ayo mahiku banabakwabo bakatuma Paulo a Silasi ku Berea. Nobakahika ooko, bakakunjila mu sinagogo lya ma Juda. ¹¹ Ono aba bantu bakalikulomene kwiinda baku Thessalonica, bakalitambula ijwi amizeezo ilibambile, bakaalingaula mangwalo abuzuba kubona kuti eezhyi zhyintu mbozhyakabele. ¹² Aboobo bunji bwabo bakahoma, antoomwe abamwi bapatipati bamakaintu baci Giliki abalombwana banji. ¹³ Pele bama Juda baku Thessalonica nobakazhyiba kuti Paulo wakali kukambauka ijwi lya Leza ku Berea, bakaunka oku nyonganya alimwi akupezhya makamu makamu abantu. ¹⁴ Cakunhwambaana, babunyina bakatuma Paulo kuunka ku lwaanje, pele Silasi a Timoti bakahaala. ¹⁵ Abo bakalikuhindikila Paulo bakakuhiha ku dolopo pati lya Athens. Nobakamuhiy Paulo, wakabalailila kuti bakaambile ba Silasi a Timoti kuti baboole cakufhwambana. ¹⁶ Paulo nakali kubalindila ku Athens, muya wakwe wakanyongana mbuli mbwakabona dolopo kalizwile zhyikozhyonyano zhya mituni. ¹⁷ Aboobo abuzuba wakali kubandika mu sinagogo aba Juda abamwi bakali kukomba Leza, antoomwe amumasambalilo kuli baabo bakajanwa. ¹⁸ Abalo bamwi basongo baku Epicurean aku Stoic bakamujanikizhya. Bamwi bakati, ''Ino oyu hikulabalika waamba nhi?'' bamwi bakati, ''Ulibonya kuti ngoyooyo uwambila bantu kuti batobele ba Leza batanhibilwe,'' nkaambo wakali kukambauka mulumbe wa Jeso abubuke. ¹⁹ Bakamukwata Paulo akumutola kuma Areopagus, bakati, ''Atuzhyibe duluyiho lupya ndokanana? ²⁰ Nkaambo waleta zhyintu zhyeenzu mu matwi eesu. Aboobo, Tuyande kuhiba zhyintu eezhyi ncozhyaamba.'' ²¹ (Elyo boonse bama Athenians abeenzu bakala ooku bakapa zhyiindi zhyabo pele buyo kwaambaula akuswilila eeco coonse cakababela cinyowana.) ²² Paulo wakaimikila akati kaba Areopagus akwaamba, ''Nywebo nobantu baku Anthens, ndamubona kuti muli bahilukondo muhila zhyoonse. ²³ Indakali kuya kweenda ndakabona zhyintu zhyomukomba, ndakajana cipaililo cikwete bulembo, ''Eci kuli Leza utazhyibilwe.'' ''Eno oyo ngomukomba ngomutazhyi, ngondimwambia oyu. ²⁴ Leza eakalenga inyika azhyeezhyo zhyili mulinjiyo, nkaambo ngo Mwami wa Juda a nyika, takkali mu cikombelo cakayakwa a matahi. ²⁵ Alimwi tabelekelwi a matanhi abantu, kunyina ancabula pe, nkaambo lwakwe mwini ngupa bantu buumi a moza a zhyoonse. ²⁶ Nkaambo ku muntu omwe wakalenga mahi oonse kuti bapone atala anyika. Wakabika zhyiindi akuzhyibikila minyinza mbuli mbozhyikele, ²⁷ kayanda kuti bamuyandaule Leza kutewa ndiza balalivwa kujana nzila zhyakumukapaula. pele tasakene kuli umwi aumwi wesu. ²⁸ Mulinguwe motuponena, akweenda akuba baumi, mbuli malembo mbwaamba kuti, 'Aswebo tuli bana bakwe.' ²⁹ ''Aboobo, mbotuli bana ba Leza, tatwelele kuyeeya kuti Leza ulakozhyanyiwa a golide naiba nsiliva, naba mabwe-izhyintu zhyakabambwa amanza amizeezo ya muntu. ³⁰ Pele Leza zhyiindi zhyakubula luzhyibo wakazhyilekelela, pele ono ulailila bantu boonse kuti ba empwe. ³¹ Nkaambo wabika buzuba natikabetake nyika mubululami kwiinda ku muntu oyu ngwa kasakasumpule. Leza wapa mahipe amuntu oyu kuli boonse kwiinda mukumubuha kuvwa ku banhu.'' ³² Bantu baku Ethens nobakanvwa bubuke bwa banfwide, bamwi bakamuhubaazhya Paulo; pele bamwi bakati, ''Tuyakunvwa alimwi kuli ndinwe cijatikizhya kaambo aaka.'' ³³ Kwamana, Paulo wakabahiya. ³⁴ Pele balombwana bamwi ibakahoma bakamutobela, kusanganya a Dionysius mu Areopagite, mukaintu wazhyina bya Damaris, abamwi mbobakali limwi.