¹ Paulo wakaboola ku Derbe aku Lystra, ono amulange, umwi wabahiciiya uutewa Timothy wakaliko, mwana a mukaintu mu Juuda wakali kuhyoma, pele bauhi bakali ba Greek. ² Wakali kukweete impuwo imbotu kubabunyina basankwa bakali ku Lystra aku Iconium. ³ Paulo wakali kuyanda nguwe, kuti baunke limwi aboobo wakamubweza wamutola kukupalulwa akaambo kabama Juuda ibakali mumasena aayo, kaiyi boonse bakali kuzhyi kuti uhi wakali mu Greek. ⁴ Mbubakali kuyaakweendenda muma dolopo, bakainda mumalayilile aamilawo yakutobela yakayeeyewa abatumwa aba maalu ibakali mu Jelusalema. ⁵ Eelyo zhyikombelo zhyaka yumizhyiwa mulu hyomo akuhvwu zhyiwa mumweelwe buzuba a buzuba. ⁶ Paulo a beezhyina bakaindauka mumasena a Phrygia a Galantiya, mbokunga bakali hinkililwe a Moza usalala kukambauka izwi mu cinkoswa ca Asia. ⁷ Nobakahika munhimunhyi aku Mysia, bakasoleka kuti baye mu Bithynia, pele Moza wa Jeso wakaba hinkilila. ⁸ Ono cakumwiinda ambali Mysia, bakakolomokela ku dolopo lya Troas. ⁹ Cilengano cakahika kuli Paulo mahika: Mulombwana waku Macedonia wakali kwiinhvwi mbuli bawaalya, kamukombelezhya kaamba kuti, "Koboola muno mu Macedonia uzhyi kutugwahya." ¹⁰ Eelyo Paulo naakacibona cilengaano, mpoona mpoona twakakanza kuya ku Mecedonia, cakuliyeeyela kuti Leza nguwaka twiitile kuti tukambauke mulumbe kuli mbabo. ¹¹ Nkokuti kukanka kukwasula kuhwila ku Troas, twakaandulula ikasola kuya ku Samothrace, mpoona buzuba bwakatobela twakaza ku Neapolis. ¹² Kuvwila ookuya twakaya ku Philipi, ili ndi dolopo lya Macedonia, idolopo ilikweete bulemu mucilikati alimwi ilykalelwa abaci Roma, alimwi twaka kala mudolopo eeli kwa mazuba akubwene. ¹³ Mubuzuba bwa Nsabata twakahvwa anze a geedi munhimunhi a mulonga, aawo mpotwa kali kuyeeya kuti ambweni inga kwaba busena bwakupaila. Twakakala anhi akubandika kuli bamakaintu ibakaswaangene antoomwe. ¹⁴ Umwi makaintu wazhyina lya Lyidia, musambazhyi wa zhyisubila subila uuhvwa ku dolopo lya Thyatira, wakali kukomba Leza, wakatuteelela. Mwami wakamujula moyo wakwe kuti abikile maanu kuli zhyakali kwaamba Paulo. ¹⁵ Walo aba ng'anda yakwe nobaka bbizhyiwa, wakatukombelezhya, waamba, "Naa mwandi beteka kuba walushomo ku Mwami, kamuboola mukalile mu ng'anda yangu." Alimwi waka tukombelezhya. ¹⁶ Cakahi kucitika kuti, mbotwakali kuya akweenda kuya kubusena bwa kupaila, kamwi kahimbi kazhyike kakakwete moza wabung'anga kakatupama. Kakaba hvwubya beendelezhyi bankako kwiinda mukusonda. ¹⁷ Ooyo mukaintu wakatobela Paulo a ndiswe akoongolola, waamba, "Aaba balombwana mbazhyikela yaluhutuko." ¹⁸ Wakacita oobu kwa mazuba manji. Pele Paulo, kalemene cini cini kuli nguwe, waka chebuka akwaamba ku moza, "Ndakulailila muhina lya Jeso Klisto kuti kohvwa muli nguwe." Mpoona wakahwa ndilyona woola eeyo. ¹⁹ Ono beendelezhyi bakwe nibaka bona kuti bulangizhyi bwa mpindu bwaunka, bakakwata Paulo a Silas akubatonkaika kuya ku muhika ku beendelezhi. ²⁰ Nobakahika kubabetehi, ba kaamba, "Aba bamalombwana baleta mapenzhyi mudolopo ilyesu mba Juuda. ²¹ Bala lailila zhyiyanza zhyitali mumulawo kuba Roma kuti bazhyivumine akuzhyicita," ²² Mpoona imbunga yakaima antoomwe kukazhya Paulo a Silas; ba betehi baka kwamauna zhyibaki kuhvwa alimbabo akulailila kuti baumwe miluso. ²³ Nobakamana kubawuma inhwaindi zhyinji, baka bawaalila muntolongo akulailila mulonda kuti abalonde mubulondo. ²⁴ Naakamana kulaililwa, mulonda waka bawaala muntolongo yamukati mwini akupamba maulu aabo kuntambo. ²⁵ Akati ka mahiku Paulo a Silas bakali kupaila a kwiimba nyimbo kuli Leza, abaange bamwi bakali kuba teelezhya. ²⁶ Ndiyona kwakaba muzunzumina wanyika, cakuti intalisho yabwaanda bwa ntolongo yakazungaana; kwamana mpoona mpoona milyango yoonse yakajaluka, alimwi inketani zhyabaange boonse zhyakaanguluka. ²⁷ Malonda wakabbatamuka kuhvwa mutulo akubona milyango yantolongo kuti ilijukile; wasomona icheba lyakwe wakanza kuli yaya, nkaambo wakali kuyeeya kuti baange baloboka. ²⁸ Pele Paulo wakoongolola ayizwi likando, waamba, "utalicisi, nkaambo toonse nkotuli." ²⁹ Mulonda wakaita ba malambe a kutyaanina mukati, kumwi ulabimba, wawa anhyi kumbele lyaba Paul a Silas, ³⁰ Akubaleta ansengwe akwaamba, "Nobalemu, ndacita buti kuti nhutuke?" ³¹ Bakati, "Kohyoma mu Mwami Jeso, alimwi uyoo hutulwa, webo abamu ng'anda yako." ³² Bakakanana izwi lya Mwami kuli nguwe, antoomwe aboonse mu ng'anda yakwe. ³³ Kumane mulonda wakabatola iwoola lya mahiku aayo ngoona, akubasanzya zhyilonda zhyabo, mpoona walo abaabo boonse bakali mung'anda yakwe bakabbizhyiwa. ³⁴ Kumane mbuli mbwaakabaleta ba Paul a Silas kuza kung'anda yakwe akubabikkila cakulya kumbele lyabo, bakakkomana maningi abang'anda yakwe, kuti wakahyoma muli Leza. ³⁵ Ono nibwakaca, babetehi bakatuma mulomo kuli bakapaso, baamba, "A mubaleke balombwana aabo baunke." ³⁶ Mulonda wakaatola mazwi aaya kuli Paul , kaamba, "Babetehi bandituma mulomo wakuti mulekwe muunke. Aboobo nkokuti kamuhvwa, muunke mulumuno." ³⁷ Pele Paul wakaamba kuli mbabo, "Balo bakatuuma antangalala kakunyina lubeta, nokuba kuti tuli baci Looma-alimwi bakatu waalila muntolongo. Hena ono bayanda kututanda mukawiiwi? Peepe! kababoola lwabo beni bamana batukwihe ansengwe." ³⁸ Bakapaso bakatola mazwi aaya kubabetehi, alimwi nobakanhvwa kuti Paul a Silas bakali baci Looma,bakayoowa. ³⁹ Babetehi bakaboola akulilekelela kuli mbabo alimwi akubaleta ansengwe, kababalomba kuti bahwe mu dolopo mpati. ⁴⁰ Eelyo Paul a Silas bakahwa muntolongo akuzha kung'anda yaa Lydia. Paul a Silas nobakabona babunyina, bakabayumya-yumya akuhwa mudolopo