¹ Amashiwi ya kwa Aguri umwana mwaume wakwa Yake aya bukombe ubwacindama. Uyu mwaume alandile kuli Itiele, kuli Itiele na Ukali: ² Icine cine ndipamo ngo kupala inama ukucila umuntu uli onse elyo nshakwata ukumfwa kwa muntu. ³ Nshasambilila mano, yacifyalilwa nangu ukukwata amano ya umo uwamushilo. ⁴ Nni uwaya ku mulu no kwisa panshi? Nani uwa longanya umwela mu cipupu mu mwine yakwe? Nani uwa longanya amenshi mu cakufwala cakwe? Nani uwabika shonse impela isha pe sonde? Nani ishina lyakwe, no mwana wakwe umwaume nani ishina? Icine nawishiba! ⁵ Icebo conse ica kwa Lesa ca lyeshiwa; ni nkwela kuli abo aboba muli ena. ⁶ Wilundako ku fyebo fyakwe, epali akufundisha, kabili washininkisha ukuba uwabufi. ⁷ Nombele ifintu pabili kuli imwe, mwimpokolola ukufuma kuli ine ilyo nshilafwa: ⁸ Talusheni amataki no bufi ukufuma kuli ine. Mwipela ubupina nangu ubukankala, mpeleni ifyakulya ndekabila. ⁹ pantu nga nakwatisha, namikana no kutila, ''Nani Yawe?'' Nangu naba umupina, limbi kuti naisa no kusebanya ishina lya kwa Lesa wandi. ¹⁰ Wilayamba musha pali shikulu wakwe, nangu akakutipa ulinokuba uwa mulandu. ¹¹ Kwaliba inkulo iyo iilapisha bashibo kabili nokukana pala banyinabo. ¹² Kwaliba inkulo isho amenso yabo abene, kabili tabalasambwa ku busali bwabo. ¹³ Kwaliba inkulo isho amenso yasansuka, kabili sha sansuka shani inkopyo shabo ukwima pa muulu! ¹⁴ Kwaliba inkulo isho amenso yashiko ni mpanga, ne nsekete shashiko shaba nge myele, ku kwipailako abapina ukubafumya pa calo ubufwayo ukufuma pakati ka muntu. ¹⁵ umunsundu wa kwata abana banakashi babili: ''Peleni no kupela'' balila. Kwaba ifintu fitatu ifishikuta, fine ifishilanda, ''Fyafula'': ¹⁶ Inshiishi; ne fumo lya ng'umbo; icalo icishikuta ku menshi; no mulilo uushitalala, ''Fyafula!'' ¹⁷ Ilinso ilyo ilipumya wishi no kusuula ukunakila kuli nyina, amenso yakwe bakayalobola kuli ba mwankole pa mupokapoka, kabili akaliwa kuli baka pumpe. ¹⁸ Kwaliba ifntu fitatu ifyampesha amano pali ine, fine ifyo nshaumfwa: ¹⁹ Imyendele yakwa lubambe mu lwelele; imyendele ya nsoka pa cilibwe; inshila ya ngalaba mu mutima wa bemba; ne myendele ya mwaume ku mwanakashi umunono. ²⁰ Iyi emyendele ya mwanakashi wa bucende: alya no kufuuta pa kanwa kakwe no kutila, ''Nshicitile akabi nangu kamo.'' ²¹ Panshi ya fintu fitatu isonde lyatenkana, na panshi ya fine cikafilwa ukutwala pa muulu: ²² Umusha ilyo aba imfumu; umuwelewele ilyo aikuta icakulya; ²³ umwanakashi uwapatwa ilyo aupwa; no mubomfi umwanakashi ilyo apyana icifulo ica kwa nakulu. ²⁴ Ifintu fine mwi sonde fyalicepa kabili fya mano: ²⁵ Ububenshi fibumbwa ifishakosa, lelo bulaipekanishisha ifya kulya fya buko mu lusuba; ²⁶ bapati fibumba ifishakwata amaka, lelo balapanga amayanda yabo mu fimabwe. ²⁷ Ba makanta tabakwata imfumu, lelo bonse bena benda mwibumba. ²⁸ Kulubali lwa malinso, kuti mwaikata mu maboko yenu yonse yabili, lelo balasangwa mu fipango fya mfumu. ²⁹ Kwaliba ifintu fitatu ifyenda mu ntampulo sha fiko ishikalamba na fine ifyabusaka mu kwenda: ³⁰ Inkalamo, iyakosa pa nama sha mu mpanga iishipilibuka ukubwelela ukufuma ku cili conse; ³¹ imbwa ya mulunshi; imbushi; ne mfumu iyo abashilika baiko bali pa mbali yaiko. ³² Nga waba umuwelewele, ukuimya we mwine, nangu wa panga ububi bika umunwe obe pa kanwa kobe. ³³ Nga tutitila umukaka ulenga ukutikama nge myona imo iifumya umulopa nga fyapusna, ukuti fibombwe bwino mu bukali fifumyamo ulubuli.