¹ Umuntu uwapokelela ukwebaulwa ukwingi lelo uukosha umukoshi wakwe ukafunika mukuya kwa nshita no kukana pola. ² Ilyo abantu abalungami bafula, abantu bakasekelela, lelo ilyo umntu umubifi euleteka, abantu bacula. ³ Onse uwatemwa amano ya cifyalilwa alenga wishi wakwe ukusekelela, lelo uwa mpana pamo naba cilende alofya ifyuma fyakwe. ⁴ Imfumu ikwata impanga ku mulinganya, lelo umo uyo uupoka amafisa kanwa alawisha panshi. ⁵ Umuntu uyo uutasha umwina mupalamano wakwe alefungulula ubukonde kumakasa yakwe. ⁶ Mulubembu lwa muntu imubi mwaba cifeyo, lelo umuntu umulungami alemba nokusekelela. ⁷ Umuntu umulungami aishiba insambu shabapina, umuntu uwabipa tomfwa ayo mano. ⁸ Bakapumya boca umulilo pa musumba, lelo abo abamano bafumyapo icipyu. ⁹ Ilyo uwa mano atalikana no muwelewele, ena alakalipa nokuseka, elyo takwakabe ukutusha. ¹⁰ Abasumya umulopa bapata umo uushaba nobwafya no kufwaya umweo wamololoke. ¹¹ Umuwelewele asokolola icifukushi cakwe conse, lelo umntu wa mano aibwesha no kuitalalika umwine. ¹² Nga intungulushi yalangwa kubufi, bonse bacilolo bakaba imbifi. ¹³ Umuntu umupina nowa mmutitikisha balilingana, pantu Yawe apela ulubuto ku menso yabo bonse. ¹⁴ Nga imfumu yapingula umupina pa cishinka, icipuna caiko cikabikwa umuyayaya. ¹⁵ Inkonto no kwebaula fipela amano, lelo umwana uufyuka ukufuma ku kusalapula alenga nyina wakwe insoni. ¹⁶ Ilyo abantu imbifi baba mu maka, buncitatubi bulafula, lelo abantu abalungami bakamona ukuwa kwa abo bantu ababifi. ¹⁷ Salapula umwana mwaume obe nao akakulenga ukutusha; akaleta ukusansamuka mu bumi bobe. ¹⁸ Apashaba icimonwa cabusesemo abantu balailekelesha, lelo umo uusunga amafunde alipalwa. ¹⁹ Umusha takalungamikwe ku mashiwi, pantu nelyo engomfwa, takwakabe ubwasuko. ²⁰ Naumona umuntu uyo uwabwangukanwa mu mashiwi yakwe? Kuli isubilo ilikulu ku cipuba ukucila ena. ²¹ Uulemya umusha wakwe ukufuma muli bumusepela, pakupwa kwaifi kukaba ubwafya. ²² Umuntu wacifukushi emya ulupaka na cibinda wa cipyu acita imembu ishingi. ²³ Ukuicindamika kwa muntu kuleta ukuceffiiwa, lelo umo uwaba no mutima wafuka akapelwa ubucindami. ²⁴ Umo uwakana no mupupu alipata umweo wakwe; alomfwa icitipu no kusosa nakalya. ²⁵ Akatina ka muntu kucita iciteyo, lelo umo uulecetekela muli Yawe akacingililwa. ²⁶ Abengi ni abo abafwaya icinso cakwa katungulula, lelo ukufuma kuli Yawe ubupingushi bwa muntu eko bufuma. ²⁷ Umuntu uwalufyengo wa muselu ku bantu abalungamio, lelo umo uyo inshila yatambalala aba uwabunani ku muntu umubifi.