¹ Abantu ababififyi babutuka nelyo takuli nangu umo ulebapepeka, lelo abantu abalungama bashipa nge nkalamo iinono. ² Pa mulandu wabumpula mafunde bwa caalo, cakwata ba kateka abengi, lelo ku muntu uwufwa no kwishiba, cili no kwikala inshita iitali. ³ Umuntu umulanda uufyenga abantu abalanda bambi aba ngemfula iimpuma ukwabula ifyakulya. ⁴ Abo abasusha amafunde balumba abantu ababifi, lelo abo abasunga amafunde balwa nabo. ⁵ Abaume incita tubi tabofwa mulinganya, lelo abo abafwaya Yawe bofwa ifili fyonse. ⁶ Cawama umuntu umupina uwenda mukatina kakwe, ukutila umuntu umukankala uwapondama imibele yakwe. ⁷ Uusunga amafunde emwana uufwa, lelo uupashaniwa ku bufunuka asebanya wishi. ⁸ Umo uupanga ifyakwe ukufula ukupitila mukupingula ifyakulundapo ififngi ubunonshi bwakwe bukaya kubakwata inkumbu kubalanda. ⁹ Nga umo afumya amatwi yakwe ku kumfwa amafunde, ne pepo lyakwe line lyabunani. ¹⁰ Uyo onse uutwala abololoke mushila ya bubifi akawila mu bucinga bwakwe, lelo abakaele bakakwata icakupyaninina cisuma. ¹¹ Umuntu umukankala kuti aba uwamano mu menso yakwe, lelo umuntu umupina uwaufwa ali nokumwishiba. ¹² Ilyo abalungami ba cimfya, kuba insansa inshingi; lelo ilyo ababifi baima, abantu balafulwa. ¹³ Umo uufisa imembu shakwe takatubuluke, lelo uufisokolola no kufileka akabelelwa uluse. ¹⁴ Umo uyo lyonse uwikala mukatina alishuka, lelo uukosha umutima wakwe akawila mu mafya. ¹⁵ Kwati ku buluma kwa nkalamo nangu bere uulebendelela efyaba nentungulushi ibi pa bantu abpina. ¹⁶ Intungulushi yabula ukwiluka inkalwe, lelo uwapata ubucenjeshi akafusha inshiku shakwe. ¹⁷ Ngacakuti umuntu ali no mulandu Pa mulandu wa kusumya umulopa wa muntu, ali nokuba mukucula mpaka imfwa kabili takwakabe ukamwafwa. ¹⁸ Uyo onse uwenda ne cine akasungwa umutende, lelo uo inshila yakwe yapondama akawa. ¹⁹ Umo uubomba mu ncende yakwe akakwata ifyakulya ifingi, lelo uyo onse ukukonka ifyafye akaba ne cipowe. ²⁰ Umuntu uwa cishinka akakwata ipaalo ilikulu, lelo uwangufyanya ukunonka takabe uwa kaele. ²¹ Tecisuma ukuilanga ukuitemwa, lelo pacipimfyaca mukate umuntu kuti acita icibi. ²² Umuntu uwalunkumbwa abutukila mukufwaisha ukukwata icuma, lelo teshiba ukuti icipowe cileisa pali ena. ²³ Uyo onse uufunda umuntu, panuma alasanga ukutemwa ukwingi ukufuma kuli ena ukutila ukufuma ku utasha ena ku lulimi lwkwe. ²⁴ Uyo onse uwibila wishi na nyina no kutila, "Telubembu,'' wacipashanya kuli umo umonoushi. ²⁵ Umo uwacetekela umutima wakwe muwelewele, lelo uyo onse uwendela mu mano ataluka kubusanso. ²⁶ Umo uupela ku bapina takabulwe nangu cimo, lelo uyo onse uwisala amenso yakwe kuli bena akapokelela ifitipu ifingi. ²⁷ Umo uupela ku bapina takabulwe nangu cimo, lelo uyo onse uwisala amenso yakwe kuli bena akapokela ifitipu ifingi. ²⁸ Ilyo ababifi bakema, abantu bakafisama abene, lelo ilyo ba konaulwa, abalungama bakafula.