¹ Wilaitakisha pa fintu ifikabako mailo, pantu ubushiku ubushili bobe tabucilukwa ibaka. ² Leka abantu bambi ebo bakutashe, nomba wilaitasha wemwine, leka umweni akulumbanye, wiilumbanya weka iyoo. ³ Ilibwe lyafina nomucanga nao cisendo icafina, lelo icacila pali ifi fibili kusonsomba kwa cipuba. ⁴ Ukufulwa kwa bunkalwe, necipyu caba nge lyeshi, nomba umufimbila nani engaushipikisha? ⁵ Caliwamapo ukwebaula umuntu pa bwelu, ukucila ukutemenwe mubumfisolo. ⁶ Cibusa obe nga akucena muli fimo umucetekele, nomba umulwani obe nga akukumbatila ninshi lyena ucenjele. ⁷ Uwikwite alasukla no buci, lelo uuli ne nsala ne cintu icalula cilomfwika ukulowa. ⁸ Umuntu uuseulukafye asha ne ng'anda yakwe, erna apala icuni iciseuluka cabula napacinsansala. ⁹ Amafuta ya kacena kasuma nobubani filasansamusha umutima, nabucibusa ubupansha amano yene yene nabo bulasansamusha. ¹⁰ Wilalekelesha bacibusa bobe, nangufye bacibusa babawiso, wilafyaya munonko ilya waba mubwafya. Umwina mupalamano uuli mupepi awamapo ukucila na munonko uuli ukutali. ¹¹ We mwana wandi ube mano lyena nionshi wakulasansamusha umutima wandi, elyo naine ningalaasuka bwino abalenjita umusalula kuli ine. ¹² Umuntu uwamano alamona uko ubwafya bulefuma, nokutaluka atalukako, imbulwa mano yena ilungama kulya kwine, elyo panuma yalalanguluka. ¹³ Umuntu uwalaya ukufutilako umweni inkongole shakwe ikatilenimo icakufwala cakwe, eco cibe icikatila mulandu pali uyu uushishibikwe. ¹⁴ Umuntu uubilikisha lucelo celofye kukuya posha umunankwe amubusha namutulo, kuti abantu bamutunga ukuba uwatipwa. ¹⁵ Umukashi wafdikansa aba nge mfula iilemima akasuba konse. ¹⁶ Ukumwalulula cimo nokwesha ukunasha umwela, nangu ukufumbata amafuta mulupi paa. ¹⁷ Cela cinona icela cibiye, no muntu anonka amano ku muntu munankwe. ¹⁸ Uusunga umukunyu alalyako amakunyu, no muntu uusunga shikulu wakwe alacindikwa. ¹⁹ Nga filya fine impumi imoneka mucilola, efyo no mutima wa muntu ulanga ifyo aba. ²⁰ Nga ififine imfwa nobonaushi fishatala afitendwa, efyo nolwinso lwa muntu lwaba nilumunshisha kalele. ²¹ Nimumulilo emo bengulwila silfere mu cikopo, na golide mwi lungu, lelo umuntu eshiwa ku malumbo eko apokelela. ²² Nangu wingatwila mwi bende, nokucifungaula nga male ukubomfya umwinshi wakutwilako, awe teti uufumwe ubupumbu bwaciko iyoo. ²³ Cine cine shininkisha ukuti ifitekwa fyobe fil;esungwa bwino, bikako umutima kumukuni obe. ²⁴ Pantu ifyuma tafibelelela iyoo, nokucindama takushala ku bana ku nkulo ne nkulo umo shikonkanine. ²⁵ Ilyo icani cauma cafumishiwako mwishika lya mpili, nomulemfye wamenamo elyo ukacilonganye pakulisha ifitekwa. ²⁶ Ninshi amasako ya mpaanga shonse we muntu ukapikulamo ifyakufwala kabili nga washitishapo imbushi kuti washitamo ibala. ²⁷ Elyo ukakwata umukaka uwingi uwa mbushi, uwakunwa we mwine na ba mu ng'anda yobe, nowakunwako ababomfi bobe abakashana.