¹ Ukwasuka kwafuka ku bwesha icipyu, lelo icebo cakucena cimya ubukali. ² Ululimi lwa bantu ba mano luleta ukwishiba, lelo akanwa kaba pumbu kapongolola ubuwelwele. ³ Amenso yakwa Yawe yali konse konse, yalesunga no kumona bubi no busuma. ⁴ Ululimi uluposha cimuti ca mweo, lelo ululimi ulufutika lushonaula mupashi. ⁵ Umuwelewele asula ukufunda kwa kwa wishi, lelo uusambilila ku kulungikwa ala cenjela. ⁶ Mu ng'anda ya mulungami mwabe ifyuma ifingi, lelo ifya cibwesha ca mubifi fimupela ubwafya. ⁷ Imilimo yaba mano isalanganya ukwishiba, nomba teifyo ku mitima yaba welewele. ⁸ Yawe apata amalambo ya mubifi, lelo ipepo lya mulungami emo abekelwa. ⁹ Yawe apata inshila yaba bifi, lelo atemwa umo uyo usupilo bulungami. ¹⁰ Ukusalapulwa ukwa maka kulolela uuli onse uwapata inshila no wapata ukwalululwa akafwa. ¹¹ Kumbo no bunonshi fili palwalala ku mulola wakwa Yawe; nga mitima yabana baume ba muntunse? ¹² Uwamiponto tatemwa kwebaulwa; taya kuwa mano. ¹³ Umutima wa nsansa ulenga icinso ukusekelela, lelo ubulanda bushonaula mupashi. ¹⁴ Umutima wa cishinka ufwaya ukwishiba, lelo akanwa kabawelewele kalya ubupumbu. ¹⁵ Inshiku shonse sha mulanda shibi, lelo mutima wakwe nga waba no mutende wape. ¹⁶ Kawama akanono akakwatwa mu katina ka kuli Yawe ukucila ubunonshi ubwingi mu cimfulunganya. ¹⁷ Bwawama bwali no musalu umuli ukutemwa ukucila ukupekanya ing'ombe iyaina no lupato. ¹⁸ Umutnu umukali emya ukutalikana, lelo muntu uukokola ukufulwa atalalika ukulaka. ¹⁹ Inshila yawashinga shinga yaba nge ncende yafimuti fyalimbwa mumbali ya nshila ifyamyunga, lelo inshila ya mulungami yalilundumikwa. ²⁰ Umwana mwaume wa mano alenga wishi ukusamwa, lelo iciwelewele ca muntu citukisha nyina. ²¹ Umuntu uwabulisha asekelela ubupumbu, lelo umo uumfwikisha enda mu nshila iyatambalala. ²² Amapange yalafulunganiwa ukushaba kupanda mano, lelo ukuli abengi bampanda mano yalatunguluka. ²³ Umuntu asanga ukusekelela ilyo ayasuka mukutekanya pa kanwa kakwe; ifyo lya wama ishiwi ilisa panshita iisuma! ²⁴ Inshila ya mweo itungulula ku ntanshi ku bantu ba mano, ukti bafume panshi ya kumbo. ²⁵ Yawe onaula ing'anda ya wama tutumuko, lelo acingilila ifipe fyakwa mu kamfwilwa. ²⁶ Yawe apata amatontonkanyo yaba bifi, lelo ifyebo ifisuma fyalipwililika. ²⁷ Umupupu aleta ubwafya ku lupwa lwakwe, lelo uwapata amafisa kanwa akaba no mweo. ²⁸ Umutima wa mulungami welenganya ifyakwasuka, lelo akanwa kaba bifi kapongolola ifyabipa. ²⁹ Yawe ali ukutali na bantu ababi, lelo alomfwa ipepo lya bantu abalungami. ³⁰ Ulubuto lwa menso lulenga umutima ukusamwa ne lyashi ilisuma cabumi ku mubili. ³¹ Nga waumfwa ilyo umo alekulungika palwa bwikashi bobe ukekalilila mu bantu banono. ³² Uukana ukusalapula aisula umwine, lelo uutesha ku kulungikwa alomfwikisha no kuficita. ³³ Ukutina Yawe kufundisha mano kabili ukuicefya ku tangilila umucinshi.