¹ Amapange ya mu mutima ya buntunse, lelo kuli shikulu kufuma ukwasuka kululimi lwakwa Yawe. ² Shonse inshila sha muntu shintu shapwililika mu menso yakwe, lelo Yawe apima imipashi. ³ Peleni imilimo yenu kuli shikulu nama tontonkanyo yenu yakatunguluka. ⁴ Shikulu alengele ifintu fyonse umwine, pamo no mubifi ukulola ku bushiku bwa konaika. ⁵ Yawe apata onse uuisansabika mu mutima wakwe, wamuselu kuli shikulu; nangu babombela pamo takuli uukabutuka ukwabula ukukandwa. ⁶ Mu nkumbu ne cinshinka ukupusushiwa kwali pekanishiwa palubembu kabili ku katina ka kuli Yawe umo ataluka kububi. ⁷ Elyo imibele ya muntu yatemuna Yawe, acita abalwani bakwe ukuba umutende nankwe. ⁸ Kasuma akanono akamulungami, ukucila ifingi fya mu cibwesha ca lufyengo. ⁹ Umutima wa muntunse welenganya inshila shakwe, lelo Yawe alungatika intampulo shakwe. ¹⁰ Akapatulula kali pa milomo ya mfumu, akanwa kaiko takaluba mubupingushi. ¹¹ Icishinka icipimo nefyakupiminako fya kwa Yawe; nafyonse ifyakupiminako mu calo fya mulimo wakwe. ¹² Camuselu imfumu ukucita ifibi, pantu icipuna cabikwapo mu bulungami. ¹³ Imfumu ibekelwa mu milimo iya lungama, kabili balamutemwa uusosa icalungama. ¹⁴ Icipyu ca mfumu ni nkombe sha mfwa, lelo umuntu wa mano alesha ukucibwesha. ¹⁵ Mukwanguka kwa cinso ca mfumu mwaba umweo nokusenaminwa kwaiko kwaba nge kumbi ilileta imfula ya cilala. ¹⁶ Kwawama ukukwata amano ukucila golde. Kabili umucetekanya wawama ukucila silfere. ¹⁷ Inshila ya bulungami ibafumya kububi; ena uukonka inshila yakwe asunga umweo wakwe. ¹⁸ Icilumba cisa pantanshi ya bonaushi no kutuuma kwa mupashi kutangilila ukuwa. ¹⁹ Cawama ukuba uwaicefya pamo nabalanda ukucila ukwakana icakonaula nabantu abamatutumuko. ²⁰ Uwangwa iceebo amano akasanga cisuma, no ucetekela muli Yawe, ena wansansa. ²¹ Uwamano mu mutima etwa wa mucetekanya no kulowa kwa mulomo kutwala ukusambilila pantanshi. ²² Ukushilimuka kamfuku mfunku ka mweo ku uukwete, lelo kwebaula kwabawelewele bupumbu bwabo. ²³ Umutima wa wa mano usambilisha akanwa kakwe no kulundako ukusambilila ku milimo yakwe. ²⁴ Ifyebo fisuma nimpuma ya buci ukulowa ku mweo no buumi kumafupa. ²⁵ Kuli inshila iimoneka iisuma ku muntu, lelo impela yaiko ninshila yamfwa. ²⁶ Kabomba aba necilaka camilimo yakwe; insala ilamulenga ukutwalilila. ²⁷ Umuntu icinangwa embaa ubupuba kabili nokusosa ngo mulilo uubabula. ²⁸ Umuntu uwapulauka emya ulubuli no lwambo lupatanya ifibusa fya mupepi. ²⁹ Umuntu walukakala abepa umwina mupalamano wakwe no kumutungulula mu nshila iibi. ³⁰ Uukapisha ilinso atontonkanya ifintu fyakupulula; nabesala imilomo balenga ububi bupite. ³¹ Imfwi cilongwe ca bukata; cisangwa mumibele yabulungami. ³² Caliwama ukukokola ukufulwa ukucila impalume no uuteka mupashi wakwe alikosa ukucila kacimfya wa musumba. ³³ Bapendwila mu ceni pali tumba uo bashimapepo bafwala, lelo Yawe eupingula uko icipendwilo cilewila.