¹ Umwakashi wa mano akula ing'anda yakwe, nomba umwanakashi, umuwelewele abongolola na maboko yakwe. ² Umo uwenda mubulungami alatina Yawe, nomba uwabipa munshila shakwe alamusula. ³ Ukufuma mu kanwa ka muwelewele mwiba ubwembya bwakwe ubwamatutumuko, nomba imilomo shawa mano shikacingililwa. ⁴ Ukushaba ing'ombe ifyakulilamo fyaba ifyabusaka, nomba ukufula kwa cilimwa kuti bwaisa kumaka ya ng'ombe iilume. ⁵ Kambone wa cishinka tabepa, nomba kambone wabufi apema umupu wabufi. ⁶ Katumfya afwaya fwaya amano nokuyamona iyo, nomba uwishiba yalyanguka ukwisa kuli umo uwiluka. ⁷ Enda fuma ku muntu umuwelewele, pantu tawakasange ukwishiba ku milomo yakwe. ⁸ Amano ya muntu wa cenjela yalenga ukwishiba inshila shakwe, nomba ubupumbu bwa ba welewele kubepa. ⁹ Abawelewele balatumfya ilyo ubupe bwa milandu bw tulwa ilambo, nomba mukati kabalungami ubusuma bulakanishiwa. ¹⁰ Umutima ewishiba ukukalipwa kwauko kabili takuli umweni uukuma ku nsansa shauko. ¹¹ ing'anda sha bantu ababifi shikonaulwa, nomba itenti lya bantu abalungami likekalilila. ¹² Kuli inshila iyalungama ku muntu, nomba ku mpela yaiko itwala ku mfwa. ¹³ Umutima kuti waseka lelo ninshi ulekalipa na kumpela kuti kwaba ubulanda. ¹⁴ Umo uushakwata icishinka akapokelela ukulingana ne nshila shakwe, nomba umuntu umusuma akapokelela ifyakwe. ¹⁵ Umo uushaishiba acetekela ifili fyonse, nomba umuntu uwa cenjela atontonkanya pa ntampulo shakwe. ¹⁶ Umuntu uwa mano alatina nokutaluka ukufuma ku fyabipa, nomba umuwelewele mu kanwa alufya ukusokwa. ¹⁷ Umo uukalipa bwangu alacita ifyabuwelewele, umuntu uupanga ububi nokuilingulula alapatwa. ¹⁸ Uushaishiba apyana ubuwelewele, nomba abantu aba cenjela bakafwala ukwishiba. ¹⁹ Abantu ababufi bakakontamina pa cinso cabo bonse abasuma na bonse ababi bakakontamina pa mpongolo sha muntu umulungami. ²⁰ Umuntu umupina alapatwa nangu nikumunankwe, nomba abantu abakankala bakwata ifibusa ifingi. ²¹ Umo uulanga imisula ku mwina mupalamano wakwe alabembuka, nomba umo uulangulukila umupina alipalwa. ²² Bushe abo abelenganya ububi tabakalube? Nomba abo abapinga ukucita ifisuma bakapokelela icipangano ca cishinka na bucine. ²³ Na bonse ababombesha bakasanga ubukumu, nomba ilyo kwaba ukusosafye, ici citwala ku cipowe. ²⁴ Icilongwe ca bantu aba mano fyuma fyabo, nomba ubupumbu bwa bawelewele bubaletelafye ubupumbu ubwingi. ²⁵ Kambone wa cine alasunga imyeo, nomba kambone wa bufi umupu afumya wa bufi. ²⁶ Ilyo umo atina Yawe, alamucetekela nganshi muli en; ifi fintu fikaba kwati ni ncende ya kosa iya cingililwa ku bana ba uyu muntu. ²⁷ Akatina kakuli Yawe cishima ca bumi; pakuti umuntu kuti ataluka ukufuma ku fiteyo fya mfwa. ²⁸ Ubucindami, bwa mfumu bu sangwa mukufula kwa npendwa ya bantu bakwe, nomba ukwabula abantu ninshi imfumu na yonaika. ²⁹ Umuntu uwatekanya alo mfwikisha, nomba umuntu uufulwa bwangu asumbula ubupumbu. ³⁰ Umutima uwatekanya ebumi pantu emubili, nomba ubufuba bulabosha amafupa. ³¹ Umo uutitikisha umupina atipa uwa mupanga, nomba umo uulanga icikuku ku mubusu apela ubukata ku wamupanga. ³² Umuntu umubifi akawishiwa ku micitile yakwe iya bipa, nomba umuntu umulungami alikwata umwakufisama nangu nimu mfwa. ³³ Amano yalatusha mu mutima wawa mucetekanya, nomba nangu pakati kaba welewele alenga umwine ukwishibikwa. ³⁴ Ukucita ifyalungama filasumbula uluko, nomba ulubembu lulasebanya abantu abali bonse. ³⁵ Imfumu ilangulukila no mubomfi uwa cenjela mu micitile, nomba ukufulwa kwaiko kwa uyo uucita ifya nsoni.