¹ Kanshi abena-Israeli, ibuumba lyonse, bapitile mu matololo ya Zini mu mweshi wa kubalilapo, nikuyaikala pa. Kulya kwine Miriamu eko afwile no kumushika eko bamushikile. ² Takwali menshi yakubomfya, eco ibuumba lykolongene pamo ku kuilishanya kuli Mose na Aaroni. ³ Abantu epakuilishanya no kuku manya Mose. Batile, ''Nga cawemefye atufwa lilya liine Abena-Israeli banensu bafwile pa cinso cakwa Yehoba! ⁴ Bushe cinshi mwaleteele ibumba lyakwa Yehoba muli yano matololo no kwisafwila kuno, ifwe ne fiteekwa fyesu? ⁵ Cinshi mwatufumishe ku Egupiti no kutuleeta ku cifulo cabipishafi? Takuli icifulo ca mbuto sha ng'ano,imikunyu, imyangashi, nangu amabungo, elyo na menshi ya kunwa takuli.'' ⁶ Kanshi Mose na Aroni epakufuma pantanshi yaa kolongene. Baile ku mwingililo we tenti lya kukumaninamo no kupona panshi ubunkupeme. Nakulya ululumbi lwa kupapusha ulwakwa Yehoba lwamoneke kuli beena. ⁷ Yehoba epa kulanda na Mose no kutila, ⁸ ''Buula inkonto mukolonganike ne buumba, iwe, na Aaroni munonko. Webe icilibwe pa menso yaabo, noku cikambisha ukuti cipongolole amenshi. Walafumya no kuyapeela kwi buumba ne fitekwa ku kunwa.'' ⁹ Mose epakubuula inkonto pa menso yakwa Yehoba, pamo ngefyo Yehoba amukonkomeshe ukucita. ¹⁰ Elyo Mse na Aroni bakolonganike ibuumba pamo pantanshi ya cilibwe. Mose atiile kuli beena, ''Nomba umfweni, imwe bacisanguka. Bushe tufwile ukumiletela amenshi ukufuma mu cilibweci? ¹¹ Elyo Mose aimishe ukuboko kwakwe nokupama inkonto yakwe p cilibwe imiku ibili, na menshi ayeengi nganshi yafumfumwike. Ibumba lyonse lyalinwine, ne fitekwa fyabo fyalinwine. ¹² Elyo Yawe atile kuli Mose na Aroni, ''Pantu tamwacincetekela nangu ukumpela umucinshi ngo wa mushilo pa menso ya bena-Israeli, tamwakaleete no kwingisha ili buumba mu caalo ico nabapela.'' ¹³ Iyi ncende yainikwe ukuti amenshi yaku Meriba, pantu ni kulya abena-Israeli bakankabwile na Yawe, nao ailangile umwine kuli beena ngo wa mushilo. ¹⁴ Mose atumine nkombe ukufuma ku Kadeshi ukuya ku mfumu ya ku Edomu: Munonko Israeli alanda ati, ''Imwe mwalishiba amacushi yonse ayatuponena. ¹⁵ Mwalishibo kuti ifikolwe fyesu fyatentemukile kulya ku Egyipiti no kuyaikala panshta ntali. Abena-Egypiti batulelele buluku-buluku kumo kwine ne fikolwe fyesu. ¹⁶ Elyo twakutile kuli Yawe, alyumfwile kwi shiwi lyesu atumine no mungeeli no kwisatufumya mu Egyipii. Mona, tuli muno mu Kadeshi, umusumba uuli mu mumpaka wa calo cobe. ¹⁷ Ndemipusha ukuti mutusuminisheko ukupita mu caalo ceenu. Tatwakakapite mu filime nangu mu mabala ya ng'ano,nelyofye kunwamo amenshi mu fishima fyenu. Tuli nokulalanya fye umusebo wa mfumu. Tatwakalukile mu mbali ku kulyo nelyo ku kuso mpaka tukapite mu mumpaka wenu.'' ¹⁸ Leelo imfumu yaku Edomu yamwaswike, ''Tamuli na kupita muno iyoo.Nga mwacitafyo, ndi no kwisa no lupanga ku kumulwisha.'' ¹⁹ Elyo abena-Israeli batile kuli eena, ''Ifwe tulalanyafye umusebo ukalamba. Nga cakuti ifwe nangu ifitekwa fyesu fyanwa amenshi yenu, ifwe tuli no kumilipila. lekenifye ifwe tulalanye ulwapa makasa, ukwabula ukucita icintu nelyo cimo.'' ²⁰ Leelo imfumu ya Edomu yayaswike, ''Tmwapite ukupulinkanya.'' Kanshi imfumu ya Edomu yaishile imina Israele no kuboko ukwashansha nabashilika abeengi. ²¹ Imfumu ya Edomu yalikeene ukusuminisha Israele ukulalanya ukucilinganya mu mupaka wabo. Napa mulandu wa ici, Abena-Israele bafutantwikeko ukufuma ku caalo ca Edomu. ²² Kanshi abantu baendele ukufuma ku Kadeshi. Abantu bakwa Israele, icntu-bwingi conse,bafikile ku lupili lwa Hori. ²³ Nipa lupili lwa Hori Yawe alandile kuli Mose na Aroni pa mupaka wa Edomu. Atile, ²⁴ Aroni afwile ukushikwa ukwashikwa abantu bakwe, apo tali no kwingila mu calo ico napeele ku bantu bakwa Israeli. Neci ni pkuti pantu imwe bonse mwalwikeene ne shiwi lyandi pa menshi yaku Meriba. ²⁵ Senda Aroni no mwana wakwe umwaume Eleaza, ubaleete no kubaninika pa lupili lwa Hori. ²⁶ Ufuule Aroni ifyakufwala fybu shimapepo, no kufwika Eleaza umwana wakwe umwaume. Aroni afwile ukufwa no kushikwa kulya ukwalaala abantu bakwe.'' ²⁷ Mose acitile ngomo Yawe amukonkomeshe. Baninike ulupili lwa Hori pa menso ya cintu-bwingi conse. ²⁸ Mose afulile Aroni ifyakufwala fyakwe ifya bushimapepo no kufwika umwana wakwe umwaume Eleaza. kulya kwine Aroni afwiile pa mulu wa lupili. Mose na Eleaza batentemwike. ²⁹ Ilyo icintu-bwingi conse canwene ukuti naafwa, ulukuta lonse apo lwapelele lwaloseshe Aroni pa nshiku amakumi yatatu.