¹ Yehoba alandile kuli Mose na Aaroni.Atile, ² ''Ici e cilingile,ifunde ilyo ndekambisha kuli imwe: soseni ku bena-Israele ukuti bafwile ukuleta umutepa wa ng'ombe iyikota uwakashika uwabula akalema nangu akabi, kabinge uushatala seenda ikoli. ³ Mupeele umutepa kuli shimapepo Eleaza.Afwile uku uleeta kunse ya nsakwe, elyo na umo afwile ukuwipaya pa menso yakwe. ⁴ Shimapepo Eleaza afwile ukukompola umulopa wauko umo ku munwe wakwe noku usansa imiku cine-lubali lwa kuntanshi ye tenti lya ku kumaninamo. ⁵ Umutepa ufwile ukocewa mu menso yakwe-umukupo wauko, umunofu wauko, no mulopa wauko kumo nefya mu mala, fifwile ukocewa. ⁶ Shimapepo afwile ukubula icimuti ca keda, hisopu ne nsalu iyakashika cee, no kufiposa fyonse pa kati kamutepa uulepya. ⁷ Shimapepo afwile ukucapa ifyakufwala fyakwe no koowa mu menshi. Lyena elyo engabwela ku nsakwe, ukoali no kuba uwakowela mpaka ukafikafye ne cungulo. ⁸ Na ulya uwacoca umutepa afwile ukucapa ifya kufwala fyakwe mu menshi no koowa mu menshi.Ali no kuba uwakowela mpakafye ukufika ne cungulo. ⁹ Naumo uuli uwasanguluka afwile ukukusa imito ya mutepa no kuyaibiika kunse ya nsakwe pa ncende iyasanguluka. Neyimito fwile ukusungilwa ulukuta lwa Bena-Israele. Bakalasankanya imito yafumine ku cakufutila pa lubembu. ¹⁰ Na umo uawkusa imito ya mutepa afwile ukucapa ifyakufwala fyakwe. Ali no kuba uwakowela mpakafye ukufika ne cungulo. Ili likaba lifunde lya muyayaya ku Bena-Israele na balebeshi abo bekala nabo. ¹¹ Uyo onse uwaikata ku cituumbi ca muntu uuli onse akabo wakowela pa nshiku cine-lubali. ¹² Umuntu wa musangoyo afwile ukuisangulula umwine pa bushiku bwalenga shitatu na pa bushiku ubwalenga cine-lubali. Lena elyo akabo wasanguluka. Leelo nga cakuti taisanguluwile umwine pa bwalenga shitatu, lyena ninshi takabe uwasanguluka na pa bushiku ubwalenga cine-lubali. ¹³ Uyo onse uwaikata ku citumbi ca muntu, umubili wa muntu uwafwa,elyo taisangulwile umwine-uyu muntu ninshi akowesha itenti lyakwa Yehoba. Umuntu ulya afwile ukupatulwako ku bena-Israele pantu amenshi yakusanulwila tayasanshilwe pali eena, Akabelela uwakowela; noku kowela kwakwe ku kabelela pali eena. ¹⁴ Ili e funde lya ilyo umo nga afwila mwi tenti. Uuli onse uwaingila mwi tenti no uli onse uwingile kale mwi tenti bakaba abakowela pa bushiku cine-lubali. ¹⁵ Icipe conse icacenama icabula inkupiko casanguka icakowela. ¹⁶ Mu nshila imo yine, uuli onse nangu ali kunse ye tenti uyo uwakata kuli umo bepaile ku lupanga, nangufye uufwile mfwa-Lesa,ifupa lya muntu, nangu inshishi-uyo muntu akabo wakowela pa nshiku cine lubali. ¹⁷ Citenifi ku muntu uwakowela: Buleni mito pa cakocapa pakufuta ulubembu no kusankanya pamo na menshi ayasuma mu nsupa. ¹⁸ Uyo onse uuli uwasanguluka afwile ukubuula hisopu atumpike mu menshi, no kusansaila kwi tenti,kufipe fyonse ifili mwi tenti, pa bantu bonse ablimo, na pali onse uukumishe kwi fupa, pali uyo uo baipeye, pali uyo uwafwile,nangu inshiishi. Pa bushiku ubwalenga shitatu no bushiku ubwalenga cine-lubali, umuntu uwasanguluka afwile ukusansaila umuntu uwakowela. ¹⁹ Pa bushiku ubwalenga cine-lubali umuntu uwakowela afwile ukuisangulula umwine. Awile ukucapa ifyakufwala fyakwe no koowa mu menshi.Napa cungulo ali no kuba uwasanguluka. ²⁰ Lelo uli onse uyo uwaikalilila mukukowela, uyo uwakana ku kuisangulula umwine-uyo muntu akapatulwako ukufuma kwibumba, pantu nakowesha icfuba ca mushilo icakwa Yehoba.Tabamusansailepo amenshi ya kumusangulula;aikalila uwakowela. ²¹ Ili likaba lifunde lya muyayaya ukulingana na mu ficitwa ifi. Uyo uulesansaila menshi ya kusangulwila afwile ukucapa ifyakufwala fyakwe. Noyo uwatumpika mu menshi ya kusangulwila akbo wakowela mpaka ukufika naku cungulo. ²² Conse ico umuntu uwakowela aikatako cikaba icakowela. Umntu uwacikatako akabo wakowela mpaka ukufika naku cungulo.''