¹ Yawe alandile kuli Aaroni, ''Iwe, abana bobe abali abaume, namulupwa lwakwa wiso mukaba mukaba no mulandu nga mwafulunganya fimo mu cifulo ca mushilo. iwe pamo nabaume mweka mukaba no mulandu nga mwafulunganyapo fimo muli bu shimapepo. ² Ulete abena Lebi banobe, ukufuma mu luko lwa cikolwe cobe, ukuba naiwe pakuti balekwafwako ilyo iwe nabana bobe muletumina pantanshi ye tenti lya cipangano. ³ Bali nokukubombela kabili bali nokubomba imilimo yonse iya mwi tenti. Lelo, tabali nakupalama ku fipe ifyaba mu cifulo ca mushilo nangu kubulambo, nga bacita ifyo ninshi bonse iwe nabena mukafwa. ⁴ Bakulabomba naiwe kabili bali bali nokulasunga itenti lya ku kumaninamo, no kubomba imilimo yonse iye tenti. Kabli umweni tafwile apalama pantu ubelele. ⁵ Muli nokubaka icifulo ca mushilo pamo no bulambo pakuti ninkafulilwa abena Israeli na kabili. ⁶ Niwe nsalile aba mulupwa lwa bena Lebi banobe ukufuma pa bena Israeli. Ngecabupe kuli iwe, icapelwa kuli iwe ukubomba umulimo ukupitila mwi tenti lywa ku kumaninamo. ⁷ Lelo iwe pamo nabana bobe abaume nimwe mwakulabomba imilimo yonse iya bu shimapepo iya ku bulambo na conse icili mukati ka cisalu. Ala nine nakupela iwe wemwine ufwile wafikilisha imlimo. Nakupela wa bushimapepo nge cabupe, umweni uwaisa no kupalama kucifulo ca mushilo afwile iapaiwa. ⁸ Yawe aebele Aaroni ati, ''Nine nakupela insambu shakulolesha pa mitulo ilepelwa kuli ine, elyo nayonse imitulo ya mushilo iyo abena Israeli bapela kuli ine. Ninkupela iwe ifi ifya bupe kubana bobe nge cakaniko cobe. ⁹ Ifi fikaba kuli iwe ukufuma ku fintu fya mushilo ifintu ifya mushilo fisungilwa ukutaluka ku mulilo. Ukufuma ku fyabupe fyabo pa fya bupe fyonse ifyo bandetela ngo mutulo wa mushilo icine cine cibe imituulo ya cabunga nangu imitulo yakwelelwa, nangu imitulo yakufuta pa bubifi-nangu imitulo yakufuta pa fyabubifi fyena ifi fyobe pamo na bana bobe abaume. ¹⁰ Ifi fyabupe fya mushilo; abaume bafwile ukulya pantu ifi fya mushilo kuli iwe. ¹¹ Ifi efyabupe nakupela efikaba ifyobe, fipatulule kufya mabupe batula abena Israeli. Napela kuli iwe, abana bobe abaume, nabana abanakashi nge ciputulwa cenu ica lyonse. Umuntu onse uwa mu ng'anda yobe nga ali uwasanguluka kuti alyako. ¹² Ifisuma fyonse ifyakumafuta, na kumyangashi iisuma naku ngano, ifisabo fyabo fyantanshi ifyo abantu bapela kuli ine-fyonse ifi napela kuli iwe. ¹³ Ifisabo fya ntanshi ifyapya ifyo ifya mu ncende, ifyo baleta kuli ine, fikaba fyobe. Naonse uwasangululwa mulupwa lobe kuti alyako. ¹⁴ Ifintu fyonse ifyo balubwile Yawe mu calo ca Israeli fikaba fyobe. ¹⁵ Ifintu fyonse ifyaiswilile ifumo, yonse amabeli ayo abantu bapela kuli Yawe, abaume ne finama, fikaba fyobe. Lelo nangu cingaba ifyo, abantu bafwile balubula yonse amatenti ayaume, kabili bafwile balubula amabeli ayakota aya finama ifishasangululwa. ¹⁶ Bonse abakabweshiwa nabantu bakabweshiwa panuma yakukwata umwenshi umo. Elyo na bantu bengabashita, pa mutengo wa mashekele yasano aya silifele ukulingana ne fipimo ca mucifulo ca mushilo, ica fina amagera amakumi yabili. ¹⁷ Lelo amabeli ya g'ombe, amabeli ya mpanga nangu amabeli ya mbushi-shena teshakwesha ukulubula; pantu sha mushilo kuli ine. Wakukana umulapo wa shiko ku bulambo elyo no koca amafuta yashiko nge ca bupe ica pangwa ku mulilo, cena cisuma ica kusekesha Yawe. ¹⁸ Iminofu yashiko yena yobe. pamo nge bele no mwendo wa ku kulyo, inama ikaba yobe. ¹⁹ Ifyashalako kumitulo ya mushilo yonse iyo ebena Isreali bakalatula Yawe, napela kuli iwe, nabana bobe abaume elyo nabana bobe abanakashi, nge ca kumyakanyako lyonse, kanshi ici ecipangano cape ica mucele pa cinso cakwa Yawe kuli iwe na kubana bobe abakakonkapo. ²⁰ ''Yawe aebele Aaroni ati,'' Iwe tawakakwatemo cakaniko ca mushilo mu calo cabo, nangu cakaniko cafipe pa bantu. pantu ine wine nine cakaniko cobe ne cacishilano cobe pakati ka bena Israeli. ²¹ Ine napela ku bena Lebi ifintu fyonse ifyapekumi ifya mu Israeli nge fyacishilano fyabo ukuba amalipilo pa milimo babomba mwi tenti lya kuku maninamo. ²² Ukufumafye ilelo abana ba Isreali tabafwile ukupalama kwi tenti lya kuku maninamo, epali baiposa mubwafya bwa bubifi no kufwa. ²³ Abena Lebi ebakulabomba mwi tenti lya kukumaninamo. Kabili ebakulaba no mulandu pali conse icalubanamo. Ili efunde lya pe umukakonkanina inkulo shonse isha bantu bobe. Tabakaikwatile ifya cishilano mu Israeli iyoo. ²⁴ Pantu icpekumi icipelwa nabana ba Israeli, ngeco icipelwa ngo musangulo ine-nacipela kubena Lebi nge cishilano cabo. Ecalenga nande ifi kuli bena, ''Tabakakwate icishilano mu Israeli ²⁵ Yawe alandile kuli Mose atile, ²⁶ ''Landa kubena Lebi ubebebe ukuti, ilyo mwapokelela icekumi kubena Israeli ico napela nge cishibilo kuli imwe mufwile ukubulapo icekumi nokutula kuli Yawe, nge cekumi. ²⁷ Umutulo wenu uli nokubafye nga filya shibulimi atula ing'ano shipya bafumya pa musolo batwila nagu umwangashi upya untu bafumya mu cikamino. ²⁸ Kanshi muli uyu wine musango emo naimwe mwakulatulilamo kuli Yawe ukufuma pa ca pekumi conse ico mwakulapoka ku bena Israeli. Ukufumya kuli bena mufwile ukupela uyu mutulo kuli Aaroni shimapepo. ²⁹ Pali fyonse ifyabupe fintu mupokelela, mufwile mwapela umutulo onse kuli Yawe. Mufwile mwacita ici ukufuma ku mupashi wenu ca mushilo conse icapelwa kuli imwe. ³⁰ Kabili eba abena Lebi ukuti ilyo mwapela iciputulwa icisumisha, cifwile ukumoneka nge cafuma pa musolo batwila nangu kucikamo ca mwangashi. ³¹ Iwe naba ng'anda yobe, kuti mwalya ifyashalapo konse uko muli, pantu efyamalipilo yenu pa mulimo mubomba mwi tenti lya ku kumaninamo. ³² Tamwakabe no mulandu pakulya no kunwa uyu mwangashi, nga cakutila mwapela Yawe icisumisha pafyo mwapokelela. Epakuti mwikasalula imitulo ya mushilo iya bena Israeli, kabili tamwakafwe.'''