¹ Ilyo umwina kenani imfumu ya Aradi, uwikala kuli negebu, Aumfwile ukuti abena Israele baleya munshila ukulola ku Atarimu, Alwile na Israele nokusendapo bamo mubusha. ² Israele alapile umulapo kuli Yehoba atile, '' Ngamwatupela ukucimfya aba bantu tukonaula imisumba umupwilapo imisumba yabo''. ³ Yehoba aumfwile ishiwi lyakwe Israele nokumupela ukucimfya abena Kenaani babonawile umupwilapo pamo nemisumba icende iyo iyainikwe Horma. ⁴ Elyo baendele munshila ukufuma kulupili lwa Hore munshila nokuya kuli bemba wakashika ukuya baleshinguluka icalo ca Edom. Lelo abantu bali abafumpulwa ilyo bali munshila. ⁵ Elyo abantu balandile pali Lesa na Mose; cinshi mwatuletele ukufuma mu Egypito ukwisafwila mumatololo? umushaba amenshi nomukate, kabili twalya ifyakulya ifinangwa. ⁶ Nao Yehoba atumine insoka shabusungu pa bantu, Elyo nensoka shasumine abantu abengi balifwile. ⁷ Elyo abantu baishile kuli Mose nokutila, ''Natubembuka umulandu wakutila natulanda pali Yehoba naimwe ifibi. Pepeni kuli ena Yehoba ukuti afumye insoka pali ifwe.'' Elyo Mose apepeleko abantu. ⁸ Yehoba atile kuli Mose, ''Átile panga insoka nokubika pamulando. Cili nokucitika ukuti uuli onse uwasumwa ali nokupusuka, ngacakutila aloleshako. ⁹ Elyo Mose apangile insoka iyamukuba nokubika pakati kamulando . ilyo insoka ngayasuma umuntu ngaloleshako alinokupusuka. ¹⁰ Kabili abena Israele baendele nokupanga inkambi pa obote. ¹¹ Elyo baendele nokufuma ku obote nokuya ikala abarimu mukulosha icinso Moabu lubali kukabanga. ¹² Ukufuma palya baendele nokuya ikala mwilungu lya serede. ¹³ Ukufuma palya baendele nokuya ikala kulubali lubiye lwamumana wa Amore, Ayali ama tololo ayatula mumupaka wabena amore. umumana wa Amore ewapanga umupaka wa Moab, Pakati ka Moab elyo nabena Amore. ¹⁴ Emulandu wile catila mucitabo cafyabulwi bwakwa Yehoba,...''Wahebu mu Sufa, elyo namalungu Amore, ¹⁵ Nokutelemuka kwamulungu ayalola ukutantalila umusumba wa Ari nokuyaponena mumupaka wa Moab.'' ¹⁶ Ukufuma palya baendele ukufika pa beere, Icishima eco Yehoba atile kuli Mose,'' Kolonganika abantu paomo kuli ine pakubapa amenshi.'' ¹⁷ Elyo Israele aimbile nolwimbo ulu; '' fukauka, Wecishima! imbileni pamulandu waciko, ¹⁸ Pamulandu wakuti aicshima intungulushi shesu eshaimbile, icishima ebakankala babantu ebaimbile kufimbilo namunkoto shabo.''Elyo ukufuma mumatololo baendele ukufika ku matana. ¹⁹ Ukufuma ku matana elyo baendele ukufika naku Nahali, Elyo ukufuma ku Nahali ukuya ku Bamote. ²⁰ Elyo ukufuma ku Bamote ukuya kumalungu ya Moab. Kulya ekwabela pamulu walupili lwa Pisga ukulolesha panshi yamatololo. ²¹ Elyo Israele atumine ikombe ku Mfumu Sehone iyabena Amore nokutila, ²² ''Leka tupiteko calo cobe. Tatwakapatukileko nangu ni mumabala yamyanganshi. Tatwaka nwemo amenshi ukufuma mufishima fyenu. Tuli nokuya munsila yamfumu mpaka tuka ciluke umumpaka wenu.'' ²³ Lelo Sehone imfumu yakene ukusuminisha Israele ukupita mumupaka wabo. Napli ici Sehone akolonganike abashilika bakwe pamo nokuba lwisha mumatololo. Aishile ku Yahas, Eko balwile na Israele. ²⁴ Israele aumine abashilika bakwa sehone kukanwa kalupanga nokusenda impanga ukufuma ku anoni ukufika kumumana yakwa Yaboke, Ukulingana nempanga yabantu abena Amone. Nomba umupaka wabantu abena Amone wali uwakosa. ²⁵ Israele apokele imisumba yonse iyabena Amone nokwikala muli yonse nokubikapofye na Hesibone imishi yonse. ²⁶ Hesibone ewali umusumba wa mfumu Sehone iybena Amone, Uwalwile nemfumu yakale iyabena Moab. Sihone asendele impanga yonse ukufuma apapelele icende yakwe ukufika kumumana wa Anon. ²⁷ Emulandu wine abalanda amapinda batila, ''Isa ku Hesibone, Leka umusumba wakwa Sehone ukulwe nokwishibikwa nakabili. ²⁸ Umulilo uwyaka ukufuma ku Hesibone. Ulubingu ukufuma mumu sumba wakwa Sehone waoca ar wa Moab, Elo nomwine wacende yapamulu iya Amon. ²⁹ Akalanda kuli iwe Moab! Mwaliloba, Mwebantu bakwa kemoshe. Alipanga abana bakwe abaume imbutushi ishabutuka elyo nabana banakashi ukuba abafungwa ba mfumu Sehone iyabena Amone. ³⁰ Lelo naukwata ukupwilikisha Sehone. Hesibone na loba nsila yonse naku Dibone. Natubalinga abafye nshila yonse naku Nofu, ukufika ku Medeba. ³¹ Elyo Israele atampile ukwikala mumpanga yabena Amone. ³² Elyo mose atumine abaume mukumona Yasele. Bapokele nemishi nokufumyamo abena amone abali mulya. ³³ Elyo bapilibwike nokuya nenshila ku bashani. imfumo iyo iya Bashani yaile nokuya bakumanya, Ena nefita fyabo fyonse kukulwa nabo ku Edili. ³⁴ Elyo Yehoba atile kuli Mose, ''Witina, Pantu ninkupa ukucimfya pali ena, Bonse nefintu fyakwe elyo necalo cakwe. Mucite ngafintu watile imfumu Sehone iya bena Amone, Abaikele mu Hesibone.'' ³⁵ Elyo bamwipeye, Abana bakwe nefintu fyakwe fyonse, Mpaka takwashele nangu umo pabantu bakwe uwashele nomweo. Elyo bapokele ne calo.