¹ Shi kuta, bushe kuli uwa ku kwasuka? Kabili ni kuli ani uwa mu ba mushilo wingaalukila? ² Pantu uwa mumpulu ukufitwa kula mwipaya, no wapelwa amano, akalumwa ka mulengo kufwa. ³ Ine namono wamampulu aletwale mishila panshi. ⁴ Abana bakwe bakatalukako ukutalele, bafwantilwa mu mpongolo, tapali no wa kubapokolola. ⁵ Ico balobolola uwa nsala alya, no wa cilaka alakile shiba lyabo. ⁶ Pantu ukucululuka takufuma mu lukungu, na mumushili tamufuma ukucucutika, ⁷ Pantu abantunse bafyalilwo kucucutika, ifyo insase shi samina mumulu. ⁸ Imba ni 'ne, nga nafwaya Lesa, kabili kuli Lesa nge ko natulo mulandu wand: ⁹ ku ucite fikulu kabili ifishaba na kwilukwa, ifipesha amano ifishaba na mpendwa; ¹⁰ uupele mfula pano isonde ponse, uuleta na menshi pa malimino ponse; ¹¹ uubika abasokopala apatumpuka, no kuleka abafumfulila basanswilwe ukuli fye. ¹² Uufulunganya amapange ya bacenjeshi, no kuleke minwe yabo ifilwe ukucite shuko. ¹³ Uwikatila aba mano mubucenjeshi bwabo, no kuleka kapanda amano kwa bapotama kulungane. ¹⁴ Bauska bakumanye mfifi akasuba, noku pampanta pakati kakasuba ngobushiku. ¹⁵ Lelo atula umulanda kulupanga, no mubusu kuminwe yawa kosa. ¹⁶ Eico kumulanda kwaba ukulolela no bupondamishi buicila pakanwa. ¹⁷ Mona alishuko muntu uo Lesa ebaula: eico ukulimuna kwa wa maka yonse wikusula. ¹⁸ pantu wene alakalifya, kabili aka kapo, alalasa, kabili iminwe yakwe ilaposha. ¹⁹ Mufyakumanama mutanda akakupokolola, awe muli cine lubali tabwakakumweko ububi. ²⁰ Mu nsala akakulubula kumfwa na mu kulwa akakulubula ukufuma ku maka ya lupanga. ²¹ Ku bwembya bwa cikuko ukafiswa; kabili tawakatine kuli pumpunta ilyo akesa. ²² Pumpunta ne cipowe ukafiseka; ne finama fya mu mpanga tawakafitine. ²³ Pantu ukabako ne cipingo na mabwe ya mpnga ne finama fya mpanga fikaba fya mutende kuli iwe. ²⁴ Ukeshibo kuti ihema lyobe lyabo mutende; ukapempula ne cinka lyobe no kukanalufyako akantu. ²⁵ Ukeshibo kuti no bufyashi bobe bwalifula, na bafuma mu nda yobe bali nge cani ca mu calo. ²⁶ Ukafiaka ku nshishi no bukote bwa mfwi tut, ngo kuninikwa kwa myanshi ya ngano mu nshita kwa myashi ya ngano mu nshita ya iko. ²⁷ Mona ici eco twapenenga, e fyo cili, twaumfwa, na iwe cishibe.