¹ Elyo Yobo ayaswike, no kutila; Iye! ² ukufitwa kwandi nga kwalingwo kufina, na kayofi kandi nga kaeshiwa pamo mu ca kulingilo kufina. ³ Pantu nomba kafino kucilo musensenga wa pali bemba. ⁴ Pantu imifwi ya wamaka yonse ili muli ine, iyo yafya butanshi fya iko umupashi wandi ulenwa, ifya kulengo munsokwe fya kwa Lesa fyanyandamina. ⁵ Bushe impunda ya mpanga ilila nga yamono mulemfwe? napamo ingómbe bushe ibonga pa filyo fya iko? ⁶ Bushe ica ntalala ciliwe ukwabulamo umucele? Bushe muli ukununkila mu cabuta ca mu lini? ⁷ Umutima wandi wakano kukumyako fyene fyaba ngo bulwelemu filyo fyandi. ⁸ Iye! nga napelwe co nalomba; ne co ndolela, Lesa nga ampela! ⁹ Lesa nga atemwo kumfwanta. nga afungululo kuboko kwakwe, no kumpwishisha. ¹⁰ Elyo kuti kwaba kabili ukusansamuka kuli ine, kuti nacenacena mu kushikitika ukushilangulukwa; pantu nshafisa fyebo fya wa mushilo. ¹¹ Bushe amaka yandi yali shani, ukuti ndolele? Ne mpela yandi ili shani, ukuti nteke umutima? ¹² Bushe amaka yandi maka ya mabwe? Bushe umubili wandi mukuba? ¹³ Bushe mwabo kwafwa muli ine, te nakalya? kabili amano bushe tayatamfiwa ukufuma kuli ine? ¹⁴ Ku watompoka mutima kubelelwe uluse ku mubiye, epali asula akatina ka ku wa maka yonse. ¹⁵ Bamunyinane bafutika ngo mumana mainsa, nge mpito sha mimana mainsa iiputuka; ¹⁶ iyafumfulila pa muladu wa menshi ya libwe, umo imfula yabuta ifisam, ¹⁷ munshita ya kukabisha yauma; mu kukaba yakama umo ipita. ¹⁸ Abayendo bashoka mu mipito ya iko, banina mu mulundu mu mbilibili, baloba. ¹⁹ Abayendo ba ku Tema balolesha, abapitanshila ba ku Sheba balolela. ²⁰ Baikatwa nsoni pantu balisubikile, baisa apo yali, no kufwilama. ²¹ E fyo muli kuli ine nomba, mwamone tentula, mwatina. ²² Bushe natila peleni kuli ine? napamo mpenipo ifyuma fyenu ifisakanwa? ²³ napamo mpususheni mukubokokwa umamba? kuboko kwa batutumya ndubuleni? ²⁴ Nnangeni na ine kuti natalala, nengeni ukwiluka no mo napumbukile. ²⁵ Ifyo fyalowa ifyebo ifyatambalala! Lelo ukwebaula kwenu kwanshi? ²⁶ Bushe ifyebo efyo muleebaula, ifyebo fya wapelelwa ifiya no mwela? ²⁷ Kwena, kuti mwapendwila pa nshiwa, no munenu kuti mwamucito bukwebo. ²⁸ Nomba nga mwatemwa, alukeni alukileni kuli ine; na pa cinso cenu ningasos bufi, mwa! ²⁹ Shi bweleni, lekeni ukumpotamikilo mulandu, awe bweleni, ubulungami bwandi bucili muli ine. ³⁰ Bushe mu lulimi lwandi mwabo bupondamishi? Bushe akanwa kandi te kuti kasobolole ububi?