¹ Elyo Elifisa umwina Temani ayaswike na ukutila, ² Nga cakuti umo aesha ukulanda nobe, kuti watendwa? Lelo kwena nani uwingakanya ukulanda? ³ Mona, walilungika abengi; walikosha amaboko ayanakile. ⁴ Amashiwi yobe yalekoselesha abalepunushiwa; naulenga amakufi ayaletutuma ukukosa. ⁵ Lelo amacushi yeshile kuli iwe, kabaili wafilw ukushipikisha; ilhyo cakwikata, wasakamana. ⁶ Bushe tekatina kobe umwaba ukucetekela kobe, na isubilo lya mu nshila yobe iya bololoke? ⁷ Tala tontonkanyapo, mukwai: Ninani uwalubapo ilyo ali uwa kaele? Nangu nikwi abantu abatambalala baloba? ⁸ ukulingana nefyo namona, abo abalima ifya bupondamishi naba tanda amafya efyo basombola. ⁹ Ku mupu wakwa Lesa balaloba; ku mwela wa bukali bwakwe bafika ku mpela. ¹⁰ Ukubuluma kwa nkalamo, ne nkalamo iyinono kuti yalila, ameno ya nkalamo iyinono kuti yakokota. ¹¹ Inkalamo iikalamba ilaloba pantu naibulisha ifya kulya; na bana ba nkalamo balasalangana. ¹² Nomba umulandu waishile kuli ine mubumfisolo, no kutwi kwandi kwaumfwile ishiwi lya mu kantepe ntepe. ¹³ Kabili cali munshita ifiloto fipoka amano, ilyo abantu bapona mu tulo utwine twine. ¹⁴ Cali ni munshita ya bushiku ilyo umwenso no kututuma fyaishile pali ine, na yonse amafupa yandi yalesokonafye. ¹⁵ Elyo umupashi wa pitile pa cinso candi, na ubupipi bwa mubili wandi bwaliminine. ¹⁶ Umupashi ucili waliminine, lelo ine nalifililwe ukwishiba imimonekele ya uko. Icilengo cali pa ntanshi ya menso yandi; kwali tondolo, kabili Naumfwile ishiwi ilya tile, ¹⁷ ''Bushe umuntu umwina kufwa kuti aba umulumgami ukucila Lesa? Bushe umuntu kuti aba uwasanguluka ukucila uwamupangile? ¹⁸ Mona, nga Lesa tacetekela ababomfi bakwe; nga muli ba malaika alamonamo ububi, ¹⁹ miku shinga iya ici cishinka ca bantu bekala mu ma ng'anda ayabumbwa neloba, ayo imifula yabo yaba mu lukungu, abo bapela ukucila utushishi? ²⁰ Pakati ka lucelo no bushiku balonaulwa; balalobelela umuyayaya ukwabula nowakubikako umutima. ²¹ Bushe umwando wabo uwe tenti tawa nukuka muli bena? Balifwa; balifwile pakubulisha amano.