¹ Panuma yaifi, Yobo aimishe akanwa na ukutipwila ubushiku afyelwemo. ² Atile, ³ ''Lekeni ubushiku nafyalilwemo bulobe, ubushiku ubwatile, 'Umulumendo naimitwa.' ⁴ Lekeni ubushiku bulya bube imfinshi! Lekeni Lesa ebusakamananapo, takuli ulubuto ulukasanikilapo. ⁵ Lekeni imfinshi na icinshingwa ca mfwa cikafimbepo. Lekeni na amakumbi yekalepo; lekeni nafyonse ifikupikila akasuba fikalulunkanye. ⁶ Ngefyo pabushiku bulya, lekeni imfinshi ibwikate. Lekeni bwikasekelela muli shilya nshiku sha mwaka; lekeni bwikesa mu mpendwa ya mwenshi. ⁷ Mona, lekeni bulya bushiku bushikwe; lekeni iciunda ca kusekelela cikesamo. ⁸ Lekeni babutipe ubushiku bulya, bonse abaishiba ukwimya ing'wena. ⁹ Lekeni intanda sha nshiku sha ku macaca shikafite. Lekeni ubushiku bulya buakafwaye ulubuto, lelo telwkumoneka; kabili bwimona ukucelebuka kwa maca, ¹⁰ pamulandu tabwaiseleko ifibi fya munda muli mayo, kabili pantu tabwafishileko amafya ku menso yandi. ¹¹ Cinshi nshafwililefye ilyo nafumne munda? Cinshi nshalekelefye umupashi wandi ilyofye mayo amfyele? ¹² Cinshi ukufukama kwakwe kwasekelela? Cinshi amabele yakwe ya mpokelele pakuti ningonkako? ¹³ Pantu nomba nga nalilala nokuba tondolo. Nga nalilala utulo nokutusha ¹⁴ pamo ne mfumu na bakabilo bapano calo, abaikulile ifintu fyaba pali nomba ifibolya. ¹⁵ Nangu nga nalilala pamo na bacilolo abali na golde, abaiswishe amayanda yabo na silfere. ¹⁶ Nangu kanshi nga nshafyelwe, ngo tunya utushamonapo ulubuto. ¹⁷ Kulya eko ababifi baleka ukucula; kulya eko abafunshika batusha. ¹⁸ Kulya eko abafungwa bekala umutende pamo; tabomfwako iciunda caulebapatikisha ukubomba. ¹⁹ Bonse abanono na bakalamba bantu eko baba; kabili eko umusha alubuka kuli cibinda wakwe. ²⁰ Cinshi ulubuto lupelelwa kuuli mu bulanda? Cinshi ico umweo upelelwa kubashikita imitima? ²¹ Kubafwaya imfwa taisa; nangu baimba shani mu mushili ukufwaya imfwa ukucila ifyo bemba ukufwaya ifyuma ifya shikama tabaisanga? ²² Cinshi ico ulubuto lupelelwa kuli abo abasekelela na ukuba abasansamuka ilyo basanga apakushikwa? ²³ Cinshi ico ulubuto lupelelwa ku muntu uo insila yakwe yafisama, umuntu uo Lesa abikila ifipindami? ²⁴ Pantu njisha icefu ilyo nshilalya; kabili ukuteta kwandi kumfwika nga amenshi ayaleituluka. ²⁵ Pantu ifintu ifyo ntina fyaisa pali ine; ifinenga umwenso fyaisa kuli ine. ²⁶ Nshikele ku matwi tondolo, nsili mu mutelelwe, kabili nshikwete ubutusho; lelo amacushi yena yalesa.''