¹ Eico lelo, Yobo, ine ndekupapata iwe, umfwa ukusosa kwandi; kutika kumashiwi yandi yonse. ² Lolesha leo, ine ninjisula akanwa kandi; ululimi lwandi nalusosa ukanwa kandi. ³ Amashiwi yalefuma pabulungami bwa mutima wandi; imilomo yandi isosa ukwishiba. ⁴ Umupashi wakwa Lesa walimpanga ine. Ukupema kwa wamaka yandi kwalimpela umweo. ⁵ Nga cakuti iwe, wangasuka ine, bika amashiwi yobe pantanshi yandi nokwimininako. ⁶ Mona, ine ndi uwalinga ngefyo uli mumenso yakwa Lesa; naine wine nabumbilwe ukufuma kwiloba. ⁷ Mona, ukututuma ine takwakapange iwe mwenso; nangula amafya yandi yakabe icisendo ica fina pali iwe. ⁸ Walisosele inshita imo mukumfwa kwandi; nalyumfwile iciunda ceshiwi lyobe celetila, ⁹ 'Ine ndi uwasangululwa kabili uwabula akalema; ine ndi muntungwa, na muli ine tamuli ulubembu. ¹⁰ Mona, Lesa asangile akashita akakusansa ine; abikile pamo ngo mulwani wakwe. ¹¹ Abikile amakasa yandi mufikakilo; alindile notushila twandi.'' ¹² Mona, muli ici twali umulungami ine ndi nokukwasuka iwe, pantu Lesa mukulu ukucila umwaume. ¹³ Cinshi ico ulelwila naine? Ena tapenda pali conse ico acita. ¹⁴ Pantu Lesa asosa amaka umo ee, ibili, ukupitila mu mwaume uushaishiba ici. ¹⁵ Muciloto, namucimonwa ica bushiku, ilyo utulo yukalamba twaisa pabaume, mu kushipula pa busanshi- ¹⁶ Elyo Lesa aiswile amatwi yabaume, nokubatinya kunkumba, ¹⁷ mubutantiko bwa kubwesha umuntu ukumufumya mumembu isho babamo, nokusungfa ubukankala ukufuma pali wena. ¹⁸ Lesa asunga ubumi bwa muntu kunuma ukufuma mu cilindi, ubumi bwakwe ukumufumya mukwa buka ukuya kumfwa. ¹⁹ Umwaume alipanikwa nao kubukali pa busanshi bwakwe, kubukali bwakukalipwa libili libili mumafupa yakwe, ²⁰ eico ubumi bwakwe bwaba nge cakulya, no mweo wakwe waliwamisha. ²¹ Nomubili wakwe wafumishapo eico tekuti umonwe; namafupa yakwe, nayo teti yamonwe, lelo yafumishiwapo. ²² Mucine cine, umweo wakwe wapalamina kucilindi, nobumi bwakwe kuli abo abafwaisha ukuonaula. ²³ Nomba nga kwali umungeli uwingaba kalubula pali wena, umo ukufuma muba kana, nokweba umwaume ica lungama kuli wena. ²⁴ Ukuba uwa luse pali wena nokusosa, ipususha uyu muntu ukumufumya mukutentemukila ku cilindi, ine ninsanga uwakunenga umuntungwa.' ²⁵ Elyo umubili wakwe ukuba uuteku ukucila nowa mwaice; naubweshiwa ku nshiku shabwaice bwakwe. ²⁶ Ali nokupepa kuli Lesa, na Lesa akaba ne nkumbu pali wena, eico akamona icinso cakwa Lesa nokusekelela. Lesa ali nokupela umuntu icilambu cakwe. ²⁷ Elyo ulya muntu akemba kuntanshi yabantu bambi nokutila, 'Ine nalibembwike nokususha ico ica lungama, nomba ulubembu lwandi talwa panikwe. ²⁸ Lesa alisunga umweo wandi ukukana tentemukila ku cilindi; umweo wandi uli nokutwalilila ukumona ulubuto. ²⁹ Mona, Lesa acita ifi fintu fyonse ku muntu imiku ibili, ee, nangu miku itatu. ³⁰ Ku kubwesha umweo wakwe ukufuma ku cilindi, eico abe uwabatishiwa nolubuto lwa mweo. ³¹ Ba uwaibukila iwe Yobo, nokumfwa kuli ine; ba tondolo naine nalalanda. ³² Ngoli cecintu icaku landa nga suka ine; landa, pantu ndefwaya ukushininkisha ukuti iwe uli mulungami. ³³ Nga teifyo, elyo umfwe kuli ine; ikala tondolo, naine nalakusambilisha amano iwe.''