¹ Kanshi balya abaume batatu balekele ukwasuka Yobo pantu aleimona uwalungama. ² Elyo Elihu mwana Barakeli umwina Busi, uwamulupwa lwakwa Ramu; akalipile Yobo ukuimona uwalungama ukucila pali Lesa. ³ Elihu akalipile nabanankwe bakwa Yobo batatu pakuti tabakwete fyakumwasuka leelo na bamuseka Yobo. ⁴ Nomba Elihu apembele ukuti Yobo apwishishishe ukulanda pantu bonse abaume bali abakalamba ukumucila. ⁵ Nomba elyo Elihu amwene ukuti tamuli cakwasuka notunwa twabalya baume batatu, elyo akalipe nganshi. ⁶ Elyo Elihu umwana umwaume mwana Barakele umwina Busi alandile nokutila, ''Ine ndimwaice, kabili imwe muli bakalamba. Eico ntekanishishe nokutina ukulondolwela imwe amano yandi. ⁷ Ine natile, ''Inshiku esha shilande; no bwingi bwa myaka ebo bufunde amano yandi. ⁸ Nomba mwaliba umupashi mu muntu; no mupuwa wamaka yonse eulenga ukwiluka. ⁹ Ala te bantu fye abacindindama ebakwata amano iyo, nangu abantu abakalamba beka abeluka ubupingushi. ¹⁰ Kanshi nomba ndeti kuli imwe, 'Umfweni kuli ine; naine kamyebe ifyo naishiba.' ¹¹ Moneni ndelolela amashiwi yenu; ine ni nkutika ku milandile yenu ilyo mwacilafwaya fwaya amashiwi yakulanda. ¹² Awe naposele amano kuli imwe, leelo, moneni, tapali fye nangu umo pali imwe uleshinina Yobo nangu uwaswike kumashiwi yakwe. ¹³ Eico mube abacenjela mwilatila, 'Ifwe twalikwata amano!' Lesa umwine eulemulimuna Yobo, temuntu nelyo umo ukucita. ¹⁴ Pantu Yobo talungatike amashiwi yakwe kuli ine, eico nshamwasuke ukulingana namashiwi yenu. ¹⁵ Aba bantu batatu nacibapapusha, tabakwete nefya kwasuka Yobo nakabili; tabakwete nefya kulanda. ¹⁶ Awe nindolela pantu bonse tabalelanda, pantu bemininefye tondolo no kwasukapo takuli iyoo? ¹⁷ Awe, ine nalayasukapo palwandi; kabili ine nalemyeba ifyo naishiba. ¹⁸ Pantu ine ndinamashiwi ayengi; umupashi munda yandi wampatikisha. ¹⁹ Moneni, munda yandi mulikwati muli umwangashi upya uushikwete apakupemena, uwinga lepula necakubikamo caoko. ²⁰ Lekeni inande nokuleka mpeme; ndeasamuna imilomo yandi nokwasuka. ²¹ Shimwileka mbe nakapatulula ku muntu nangula ukulumbilisha umuntu uuli onse. ²² Pantu nshaishiba ifyakupela ifyakulumbilisha; nganacita ico, kalenga wandi kuti amfumyapo bwangu.