¹ Nakucilisha, Elihu akonkenyepo ukulanda: ² ''Umfweni ku mashiwi yandi, mwe baume bamona; kutikeni kuli ine, imwe mwebali na mano. ³ Pantu amatwi yateshe amashiwi ngefyo icuni cisonda ifilyo. ⁴ Lekeni ifwe fwebene tusale ica lungama: Lekeni fwebene tusange mukati kesu fwebene icingatuwamina. ⁵ Pantu Yobo atile, ine ndi mulungami, lelo Lesa nafumyapo insambu shandi. ⁶ Ukwabula insambu shandi, ndetungwa ukuba uwa bufi. Impumo shandi nashiposhiwa, nangu cakuti ine nshaba nalubembu.' ⁷ Nani umwaume uulingene na Yobo, uunwa icakweshiwa nga menshi, ⁸ uwa mukati ka bantu abamushingulwike abacita ububi, no kwenda nabaume abanaka? ⁹ 'Pantu asosele ati, tacili icawama ku muntu ukusenda icisendo mukucita ifyo Lesa afwaya. ¹⁰ Eico umfweni kuli ine, imwe mwe baume abomfwa: Muli ukutali ukufuma kuli Lesa uuli nokucita cimo pabaume; muli ukutali ukufuma ku wamaka yonse uushacita ulubembu. ¹¹ Pantu alumbula umuntu umwabela imilimo; alinga cila muntu ukwisapoka icilambu umwabela imibele yakwe. ¹² Icine cine, Lesa tacitapo nangu cimo pabanake, nangula uwamaka aba uwa mulinganya umyayaya. ¹³ Ninani amucita ukuba intungulushi pe sonde lyonse? Ninani abika icalo conse pe samba lyakwe? ¹⁴ Nga abika ukukabila kwakwe palwakwe umwine umuyayaya, nao abwelsesha kuli ena umupashi wakwe no kupema kwakwe, ¹⁵ elyo imibili yonse kuti yafwila pamo, umuntunse abwelela kulukungu nakabili. ¹⁶ Lelo nga wailuka, nokumfwa kuli ifi, umfwa ku ciunda camashiwi yandi. ¹⁷ Bushe umo engapata umulinganya mubutungulushi? Bushe kuti wasusha Lesa, uuli umulungami kabili uwamaka yonse? ¹⁸ Lesa, uwasosele ku mfumu, ''Uli mubusu; nokusosa ku ntungulushi, 'Uli uwamaka'? ¹⁹ Lesa, uushicita kapatulula ku ntungulushi nokukana languluka abantu abakankala ukucila pababusu pantu bonse babumbilwe kumilimo ya minwe yakwe. ²⁰ Munshita imo bali nokufwa; pakati kabushiku abantu bakasunkanishiwa nokuloba; abalungami bakasendwa, nomba tekuminwe ya muntu. ²¹ Pantu amenso yakwa Lesa yalolesha pa mbela ya muntu; amona intampulo shakwe. ²² Takuli imfimfi, nokufitisha kwaiko umo bancita tubi bengafisamamo abene. ²³ Pantu Lesa takabila ukwesha umuntu ukutwalilila, takuli ukukabila pa muntu uuli onse ukuya pa ntanshi kuli wena mubupingushi. ²⁴ Eupatulula abaume abalungami mu fipimfya pantu inshila shabo ishi shikabila ukutwalila ukucecetwa; abika bambi mu ncende shabo. ²⁵ Muli iyi nshila ali nokwishiba amano yabo; akabaposa aba bantu mu nshita yabushiku; kukonaulwa. ²⁶ Mukwisulwa kwa menso yabambi, akabepaya bena, pamibele yabo iyo bacita nga bancita tubi. ²⁷ Pamulandu bafuma munshila shabo ishakumukonka nokufilwa ukukanaumfwa mu nshila shakwe. ²⁸ Muli iyi nshita, balenga ukulila kwa bantu babusha kufike kuli wena; omfwa ukulila kwa bantu abatitikishiwa. ²⁹ Ilyo aikala tondolo, ninani enga mususha ena? Nga afisa icinso cakwe, ninani enga musanga? Atungulula inko shonse na pa muntu onse. ³⁰ Eico umuntu uushaishiba Lesa tekuti atungulule, eico takuli nangu umo uwinga cilinganya abantu. ³¹ Limbi umo kuti asosa kuli Lesa, ine ndi wamulandu, nomba nshakabembuke nakabili; ³² mfundeni ifyo ine nshinga mona; ine nimembuka, nomba nshaka bwekesheppo nakabili.' ³³ Uletontonkanya ukti Lesa kuti amusalapula ulya muntu pali lulya lubembu, pantu taulefwaya ifyo lesa acita? Ufwile ukusala, te ine. Eico sosa pali ico iwe waishiba. ³⁴ Abaume bacumfwila bali nokusosa kuli ine- icine, onse umwaume wa mano uumfwa ine ali nokusosa, ³⁵ 'Yobo alandile ukwabula ukwishib; amashiwi yakwe tayali aya mano.' ³⁶ Nga Yobo ali mumatunko mu fifwaikwa ifinono ifya mulandu wakwe pamulandu wa kulanda kwakwe nga baume abanaka. ³⁷ Pantu alelandapo bucisanguka ku membu shakwe; atotele indupi shakwe mukubepa mukati kesu; asosele amashiwi yamiponto pali Lesa.''