¹ Elyo Sofa umwina Naamatite ayaswike nokutila, ² ''Amatontonkanyo yandi yanenga ukwamba bwangu pamulandu wakusakamana ukuli muli ine. ³ Naumfwa ukukalipilwa ukwanenga ukuba uwasalulwa, leelo umpashi ukulingana na ukwishiba kwandi ewayasuka ine. ⁴ Bushe twaishiba ici icishinka ukufuma mu nshita shakale, ilyo Lesa abikile umuntu pe sonde: ⁵ Ukucimfya kwa muntu umubifi kwipi, nokusekela kwa muntu uushaishiba Lesa kwa nshita iinono? ⁶ Nelyo ubutali bwakwe bwafika mu myulu, no mutwe wakwe wafika mu makumbi, ⁷ leelo uyu muntu akalobelela nga mafi yakwe; abo aba mumwene bakasosa, 'Alikwi?' ⁸ Akapupuka nge ciloto kabili takasangwe nakabili; icine, akatamfiwa nge cimonwa ca bushiku. ⁹ Ilinso ilya mumwene talyakamumone nakabili; incende yakwe tayakamumone nakabili. ¹⁰ Abana bakwe bakaya papata kubabusu; iminwe yandi ikabwekeshamo icuma cakwe. ¹¹ Amafupa yakwe yaisulamo amaka ya bwaice, nomba akalala nayo mu lukungu. ¹² Nangu ububifi bwalilowa mu kanwa kakwe, nangu acifias panshi yalulimi lwakwe, ¹³ nangu acikatilila palya nokukana cilekako nomba acisungilila mukanwa kakwe- ¹⁴ icakulya mu kanwa mu mala yakwe cisanguka icalula, cisanguka sumu waba ngoshe mukati kakwe. ¹⁵ Alamina ifisuma, nomba akafiluka nakabili, Lesa akafifumya mwifumo lyakwe. ¹⁶ Akonka ubusungu bwa ba ngoshe, ululimi lwa gumfwilila lukamwipaya. ¹⁷ Takasekele mu milonga, iya buci nae shiba. ¹⁸ Akabwekeshamo ifitwalo fya milimo yakwe kabili takacilye, takasekele mu fyuma ifyanonkelwe mubukwebo bwakwe. ¹⁹ Pantu alititikisha nokulekelesha abafwa; alipoka ku maka ama yanda ayo ashakulile. ²⁰ Pamulandu wakuti takwaba icakumulenga ukwikushiwa takapusushepo icili conse ico akasansamukilamo. ²¹ Takuli nangu cimo icashalako kukulya kwakwe; eico ululumbi lwakwe talwakabelele. ²² Mubwingi bwa fyuma fyakwe akaponena mu bwafya; ukuboko kwali onse uuli mubucushi kula mwishila. ²³ Ilyo aba mupepi nokwisusha ifumo lyakwe, Lesa akatuma ukututumya kwa bukali bwakwe pali ena; Lesa akabupongolwela pali ena lilya line alelya. ²⁴ Nangu uyu muntu akafulumuka ku canso ca cela, ubuta bwa mubukuba bukamulasa. ²⁵ Abutintila ku numa yakwe ne nsongo ya beeka yafuma mundusha yakwe. Umwenso waisa pali ena. ²⁶ Ukufitisha kwapekanishiwa ifyuma fyakwe; umulilo uwabula ukwakisha ukamupwisha ena; ukapwisha icashala mwi tenti lyakwe. ²⁷ Imyulu ikasokolola ulubembu lwakwe, ne sonde likamwimina nge nte. ²⁸ Ifyuma fya ng'anda yakwe fikaloba; ifipe fyakwe fikongoloka pa bushiku bwa bukali bwakwa Lesa. ²⁹ Ici ecakaniko ca muntu uwabipa ukufuma kuli Lesa, icakupyanuna icapekanishiwa na Lesa kuli ena.