¹ Elyo Yobo aswike no kutila, ² ''Mukandeka ukucula no kumputaula mu tupimfya na mashiwi panshita iyalepa shani? ³ Ii miku ikumi limo mwali nsebanya ine; tamwacimona icalungama ukuncitila icabipa. ⁴ Nga cakuti icine cine nalilufyanya, ukulufyana kwandi lyaba lisakamika lyandi. ⁵ Nga icine cine muli na ukuisumbula mwebene ukucila ine nokuishinina ukusebana kwandi, ⁶ elyo kuti mwaishiba ukuti Lesa nacitila ine icibi kuli ine kabili nanjikata mwisumbu lyakwe. ⁷ Moneni, ine napinda, ''Icimfulunganya!'' nomba nshipokelele ubwasuko. Nabilikishe ukti ngafwiwe, nomba takuli umulinganya. ⁸ Nancilikila inshila yandi icakuti teti mpite, kabili nabika imfifi mu nshila yandi. ⁹ Nampoka ubukata bwandi, kabili nampoka ne cilongwe ku mutwe wandi. ¹⁰ Nankotaula ine mu mbali shonse, kabili naya; nampokolola isubilo lyandi nge cimuti. ¹¹ Nalenga ubukali bwakwe ukunjimika ine; alembona ine nga umo uwabalwani bakwe. ¹² Ifita fyakwe fyaishila pamo; fyaundamikila ine nokunshinguluka itenti lyandi. ¹³ Abikile ba munyinane ukutali naine; na bandi bonse nabataluka kuli ine. ¹⁴ Abena mupalamano bandi nabandekelesha; ifibusa ifyapalamisha nafindaba. ¹⁵ Abo abaikele naine panshita iinono mu ng'anda yandi na babomfi abanakashi balembona ngo mweni; nali umulebeshi ku finso fyabo. ¹⁶ Naita umubomfi wandi, leelo talempela ubwasuko nangu namupapata nakanwa kandi. ¹⁷ Ukupena kwandi mulandu ku mukashi wandi; nali uwakukalifya kuli abo abafyelwe mwifumo lyakwa mayo. ¹⁸ Nabana abanono balemfupula ine; nga naima nokusosa, bansosele ine ifibi. ¹⁹ Ifibusa fyonse ifyanjishiba baba abakuselausha ine; abo natemwa nabanjalukila. ²⁰ Amafupa yandi yakambatila ku kunkanda yandi na kumubili wandi; nakalifye inkanda ya meno yandi. ²¹ Mbeleleni uluse ine, mbeleleni uluse ine, mwebanandi, pantu ukuboko kwa kwa Lesa nakunkumya. ²² Mulandu nshi mundamatila nga Lesa? Bushe mukatala amwikuta umubili wandi? ²³ Iye, ukuti amashiwi yandi, yalilembelwe! ²⁴ Iye, ukuti fyalembelwa ku kalembelo ka cela no mutofwe fyalekelwe mulibwe umuyayaya! ²⁵ Pantu ine, nalishiba ukuti kalubula wandi wa mweo, nokuti pakulekelesha akeminina pe sonde; ²⁶ panuma ya nkanda yandi, ekutila, uyu mubili, waonaulwa, elyo mu mubili wandi nkamona Lesa. ²⁷ Nkamumona Lesa na menso yandi-Ine, kabili teumbi. Umutima wandi naufililwa pali ine. ²⁸ Nga mwasosa, 'Ifyo tukamupakasa ena! Intuntuko ya mafya yakwe yaba kuli ena; ²⁹ eico ba no mwenso wa lupanga, pantu ubukali buleta ukukandwa kwa lupanga, pakuti mwishibe ukuti kwaliba ubupingushi.''