¹ Elyo Bildadi umwina Shuhi ayaswike no kutila, ² ''Mukaleka lisa ukulanda kwenu? Tontonkanyepo, na panuma tukalanda. ³ Cinshi ico batupashanishisha ku nq'ombe, abatumpa ku menso yenu? ⁴ Iwe weuililila palobe mu bulanda, bushe icalo cikanikwa pali iwe nangu bushe amabwe yali nokuseshiwa pa ncende ya yako? ⁵ Icine cine, ulubuto lwa muntu uwabipa lukabikwa kunse; ulubingu lwa mulilo wakwe talwakabalike. ⁶ Ulubuto lukaba imfifi mwi tenti lyakwe; inyali yakwe pa mulu waena lukashima. ⁷ Intapulo sha kukosa kwakwe shikapangwa ishipi amapange yakwe yakamuposa panshi. ⁸ Pantu akaposwa mu busumbu ku makasa yakwe; akenda umwashupa. ⁹ Ulukose lukamwikata ku citende; iciteyo cikamufyenta. ¹⁰ Umwando naufiswa kuli ena panshi; no lukose lwakwe luli mu nshita. ¹¹ Ubusanso bukamulenga ukutina mumbali shonse; tukamutamfya ku makasa yakwe. ¹² Ubunonshi bwakwe bukaluka icipowe, na mafya yakateyanishiwa ku lubali lwakwe. ¹³ Ifilundwa fya mu bili wakwe fikaliwa; icine cine, amabeli yabafwa yakalya ifilundwa fyakwe. ¹⁴ Ico acetekelamo ukufuma mu kucingilila itenti lyakwe no kuya ku mfumu ya batinya. ¹⁵ Abantu abashili bakwe bakekala mwi tenti lyakwe panuma bakamona ukuti amabwe nayasalangana mu kati ka ng'anda yakwe. ¹⁶ Imishila yakwe ikoma panshi; pa julu imisumba ikaputulwa. ¹⁷ Icibukisho cakwe caloba ukufuma pano calo; takakwate ishina mu musebo. ¹⁸ Ali nokufumishiwamo mu lubuto ukutwalwa mu mfifi no kutamfiwa mwi sonde lino. ¹⁹ Takwete abana nangu imfyalwa mu bantu bakwe, tamwali abashalamo umo aikele. ²⁰ Abo abekala ku masamba bakapapuka ku fyacitike kuli ena ubushiku bumo, abo abekala ku kabanga bakatina pali ici. ²¹ Cishinka ilyo ing'anda ya bantu abashalungama, incende ya abo abashaishiba Lesa.''