¹ Umutima wandi naufulunganiwa, inshiku shandi nashishimishiwa, kuli ine kushelefye inshishi. ² Cine cine kuli ine kwaba aba kukonya; napa kusonsomba kwabo e palola amenso yandi. ³ Shi mbikileni ickatilo cibe kuli mwebene; nani umbi uwingaffnkana na ine mu minwe? ⁴ Pantu imitima yabo mwaliibika, ukufumyako ku kushilimuka, ni pali ici eco tamwakabansabalikile. ⁵ Kwati muntu uwalalika abanankwe ku mutebeto no kuleka amenso ya bana bakwe yanake ku kulolela. ⁶ Na imwe mwanteka mbe iclandilo ca lyashi ca bantu na bantu kabili nabe ca kufwisapo amate ku cinso cabo. ⁷ kabili amenso yandi yanaka kuku fitwa, ne filundwa fyandi fyaba nge cinshingwa fyonse fine. ⁸ Abatambalala bakapapa pali ici, no wa kaele akaimya pali ubu busenshi. ⁹ Lelo uwalungama akonka fye inshila yakwe, no wasanguluke minwe alundako ukutalila. ¹⁰ Lelo bweleni, mwe bonse; shi soseni kabili nshasange muli imwe uwamano. ¹¹ Inshiku shandi shapit, amapange yandi yapatulwa amatontonkanyo ya mutima wandi. ¹² Ubushiku basangula akasuba, abti, ulubuto luli mupepi ku mfifi. ¹³ Nga nalolela kuti ku mbo ni ngánda yandi, nayanso musengele wandi mu mfifi. ¹⁴ Nainike nindi, nati, niwe we mayo, na ku mutit nati, niwe nkashi yandi! ¹⁵ Nga kanshi iclolelwa candi cili kwi? kabili icilolelwa candi ni nani akacibebeta? ¹⁶ Cikekila na ku mbo. Tukekila pamo ku lukungu.