¹ Elyo Yobo ayaswike nokutila, ² ''nalumfwa ifintu ifngi; imwe bonse muli bakasansamusha bakutendusha. ³ Aya mashiwi yafye tayakable ayapwa? Bwafyanshi bwaba kuli imwe ico mwasukila umusango ifi? ⁴ Naine kuti nalanda ngafintu mucita ngacakuti mwali muncende yandi; kuti na poka nokulandako amashiwi pamo nga kuli imwe no kupukanya umutwe wandi mu bakashi. ⁵ Ine kuti namukonkomesha kukanwa kandi, ne cisansamusha cakumilomo yandi kuti camuletela ukutusha. ⁶ Nga nalanda, ukukalipwa kwandi takwafumepo; nga nshilandile, nde afyiwa shani? ⁷ Nomba lelo, Lesa, mwapanga ine ukunaka: mwapanga ulupwa lwandi lonse ukonaulwa. ⁸ Mwapanga ine umwana, ici caba ninte pali ine; ukonda kwa mubili wandi kwaimina pali ine no kunshinina pamenso yandi. ⁹ Lesa atakanya ine nokuba nobulwani kuli ine; ansuminisha amenso yakwe incecete, umulwani wandi atumbwila amenso pali ine ilyo afuma pali ine nefilamba. ¹⁰ Abantu baasamwina utunwa twabo pali ine; banguma icibi kwisayaukuti bansebanye balonganina pamo palwaine. ¹¹ Lesa ampela kubantu abalngama, nokumpasa ine muminwe yabantu ababifi. ¹² Nali umutalila, no kumputaula pakati, Nokunjikata pamukoshi no kumfunaula mutupimfya; kabili anjimika nge cakuosapo. ¹³ Abakaposa imifwi bakwe bakashinguluka; Lesa apushamo mumfyo shandi no kutendekela nakalya aposa ne ndusha yandi panshi. ¹⁴ Andasaula ukupusha ,ucibumba candi libili libili; abutukila pali ine ngo wamaka. ¹⁵ Nabulile insamu pankanda yandi; ulusengo lwandi nasoma panshi. ¹⁶ Icinso candi cakashika ku kulila; napankopyo shandi pali icinshingwa camfwa. ¹⁷ nelyo cakuti muminwe yandi tamwaba ubunkalwe ne pepo lyandi lyalilungama. ¹⁸ Icalo tacafimbepo pamulopa wandi; lekeni ukulila kwandi kwisanga apakwikala. ¹⁹ Nalelo, mona, kambone wandi aba mumulu, kabili ndubulwila wandi aba pamulu. ²⁰ Abanandi ebanjalukila, nomba amenso yandi yaponya ifilamba kuli Lesa. ²¹ Ndepusha ulya kambone waba mumulu ukulubulwila uyu mwaume kuli Lesa ngafintu umwaume acita kumwinamupalamano wakwe! ²² Pantu ilyo imyaka iinono yapita, nkaya kuncende uko nshaka bwele.