¹ Elyo Yobo ayaswike no kutila, ² ''Umfweni bwino bwino amashiwi yandi, no kuleka yamusansamushe. ³ Ndoleleni, nandi nalalanda; kabili panuma napwa ukulanda, elyo naimwe muncushe. ⁴ Bushe ine, ni kuli bumuntunse ndeilishanya? Nga cinshi umutima wandi utekanishishe? ⁵ Ndolesheni no kupapa, nokubika iminwe yenu pakanwa kandi. ⁶ Ilyo ine natontonkanya pamacushi yandi, ukututuma kwandi kwaikata umubili wandi. ⁷ Nga kanshi cinshi abantu ababifi bakonkanya ukuba no mweo, cinshi bakotela nokukula no kuba nabukankala? ⁸ Mfyalwa sha shaikalilila nabo ku cinso cabo, na beshikulu babo bekalilila pa menso yabo. ⁹ Amayanda yabo mwaba umutende weka weka tamwaba mwenso; nangu ninkonto yakwa Lesa tayaba pali bena. ¹⁰ Ing'ombe yabo iilume; ilalenga iikota ukwimita; kabili tayona menshi ya bufyashi ing'ombe yabo iikota ilafyala no kupulumuna nakalya. ¹¹ Kabili baleka abaana babo ukufuma ngo mukuni wampanga, na baana babo balatolauka. ¹² Balemba nokusansula amashiwi yabo ilyo balelisha akaoma na nsango nokusekelela kwa kulila kwa mutolilo. ¹³ Bapwishishisha inshiku shabo mukusangalala, kabili baya tondolo cinshinshi. ¹⁴ Kabili batila kuli Lesa wabo, 'Fumeniko kuli ifwe pantu tatulefwaya ukwishiba imibele yenu. ¹⁵ Uwamaka yonse nani, pakuti ifwe tulemupepa? Cinshi tulesangamo muli ena ilyo twamupepa?' ¹⁶ Moneni, bushe tabakwata maka pabusambashi bwaba mu minwe yabo? inshikwete nangu cimo icakupanda amano kwa bantu ababifi. ¹⁷ Bushe miku inga inyali ya bantu ababifi ikashima, nangu miku inga ububi bukabeshila? Miku inga Lesa atuma ubonaushi pamulandu wa bukali bwakwe? ¹⁸ Miku inga baba ngempimbili ishululuka ku mwela nangu nge misungu iisendwa ku nkuuka? ¹⁹ Kabili naulanda, 'Lesa akabika abana bamubifi ubucushi bwakwe; lekeni ena alipile umwine, pantu akamulambula pakuti eshibe. ²⁰ Lekeni na menso yakwa yakamone ubonaushi bwakwe, kabili akanwena ku bukali bwa wamaka yonse. ²¹ Pantu panuma busuma nshi akasungilamo abang'anda yakwe apo impendwa ya myeshi yakwe ikacefeshiwamo? ²² Bushe akasambilisha Lesa amano apo ena eupingula abapamulu? ²³ Umuntu umo akafwa ninshi acili namaka yakwe yonse, ilyo ali umutende kabili ukwabula amasakamika. ²⁴ Umubili wakwe waisula umukaka, no bufyompo bwamafupa yakwe tabulauma. ²⁵ Naumbi umuntu akafwa no mutima uwasashila, umo ushila citapo icili icisuma. ²⁶ Basendele pamo mulukungu; ne mititi ikabafimba bonse. ²⁷ Moneni, ninjishiba amatontonkanyo yenu, na mapange mufwaya yabi kuli ine. ²⁸ Pantu iwe utila, ''Ilikwi ng'anda yamukankala? Kabili itenti lilikwi umwikala abantu ababifi?' ²⁹ Bushe tamwiipusha abantu abapita nshila? Nefishibilo fyabo bushe tamufibebeta, ³⁰ pakuti pa bushiku bwa bubi umubifi alapusuka, na pabushiku bwa kulubuka mubukali bushe akapokolelwa? ³¹ Nani ukamwebelapo imibele yakwe? neco ena acita nani akamulandilapo? ³² Nomba bakamutwala kumanda; abantu bakalatamba uluputa lwakwe. ³³ Ifibungulubwe fya mumupoka poka fikamuwamina ena; na bantu bonse na bamukonka panuma yakwe, na bamutangilile abantu tebakupenda. ³⁴ Nga imwe kuti mwantalalika shani ku mashiwi yenu aya bula amano, pantu nukwasuka kwenu tamuli cishinka nangu panono?''